Големо богатство е ископано во Унгарија- откриен е накит и оружје стари над 3.000 години - Канал 5

Живот

Големо богатство е ископано во Унгарија- откриен е накит и оружје стари над 3.000 години

Вистински богатства - метални предмети стари повеќе од 3.000 години се откриени на ридот Шомло во западна Унгарија.

Големо богатство е ископано во Унгарија- откриен е накит и оружје стари над 3.000 години

Археолозите внимателно ги ископале овие извонредни предмети, распоредени во шест различни складишта, помеѓу 2023 и 2025 година.

Откритијата, детално опишани во списанието „Антиквити“, покажуваат дека ридот Шомло бил значаен центар во клучниот период на преминот од бронзеното во железното време, објави Live Science.

Ридот Шомло е висок 431 метар и се наоѓа во округот Веспрем. Формиран од изгаснат вулкан, денес е познат по своите лозја. Археолошки остатоци се пронајдени таму уште од 19 век, но дури сега тим археолози предводен од Бенце Сош од Унгарскиот национален музеј извршил детални анализи.

Ридот се покажал како извонредно богат со остатоци од доцнобронзеното (1450-800 п.н.е.) и раното железно (800-450 п.н.е.) време.

Во нивното истражување, тие ја користеле сета достапна технологија - од теренски тестови, до детектори за метал, па сè до дронови со LiDAR. Резултатот е ископ на повеќе од 900 метални предмети, главно од југоисточната висорамнина на ридот.

Дури пет од шестотини откриени богатства се од доцното железно доба, а едно е од раното железно доба. Меѓу предметите се накит, брошеви, декоративни дискови што се користеле во војската, врв на копје од алпски тип...

Организацијата на ризниците укажува дека постоеле софистицирани системи на ритуално и симболично однесување, поврзани со елитна класа на воини.

Се верува дека ридот Шомло имал централно место во населбената мрежа во доцното бронзено време. Тие нагласуваат дека тоа веројатно било центар на моќ на племенската заедница.

Тагови: богатство златен накит

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Интерпелација за работата на министерот за внатрешни работи Панче Тошковски

Денеска на собраниска седница е  интерпелацијата за работата на министерот за внатрешни работи Панче Тошковски поднесена од пратениците од опозицијата.

Интерпелација за работата на министерот за внатрешни работи Панче Тошковски

Го обвинуваат министерот Тошковски за креирање на „приватна партиска полиција заради владино прикривање и таргетиран политички реваншизам кон опозицијата“; командна одговорност за полициските пропусти кои доведоа до трагедијата во Кочани; непостапување на македонската полиција во случаи на семејно, врсничко и родово базирано насилство и говор на омраза. Меѓу другото, забележуваат и за, како што наведуваат, непрофесионални „двојни стандарди“ при постапувањето на полицијата со различно однесување за исти или слични случаи проследено со злоупотреба на овластувањата при употреба на сила. Ова е трета интерпелација за министерот Тошковски.

Тагови: Панче Тошковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска официјално ќе биде промовирана „Везилка“ – првиот центар за вештачка интелигенција во земјава

Денеска  официјално ќе биде промовирана „Везилка“ – првиот центар за вештачка интелигенција во земјава. 

Денеска официјално ќе биде промовирана „Везилка“ – првиот центар за вештачка интелигенција во земјава

Проектот е воспоставен во рамки на европската заедница за пресметување со високи перформанси, кофинансиран од Европската унија и координиран од факултетот за компјутерски науки и инженерство при УКИМ во соработка со министерството за дигитална трансформација.

Проектот е од важност за зајакнување на дигиталниот суверенитет, забрзување на дигиталната трансформација, поттикнување на иновациите во јавната администрација, подобрување на одлучувањето засновано на податоци и создавање можности за истражување, претприемништво и технолошки развој. Има за цел и да ја зајакне соработката меѓу институциите, универзитетите, истражувачките центри, организациите на граѓанското општество и деловната заедница.

Тагови: Везилка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Минчев ќе оствари билатерална средба со министерката за јавна администрација и локална самоуправа на Србија

Министерот за јавна администрација на Република Македонија, Горан Минчев, ќе оствари билатерална средба со министерката за јавна администрација и локална самоуправа на Република Србија.

Минчев ќе оствари билатерална средба со министерката за јавна администрација и локална самоуправа на Србија

Средбата се организира со цел размена на искуства и унапредување на соработката во областа на јавната администрација.

По завршувањето на билатералната средба, двајцата министри ќе дадат изјави за медиумите.

Кабинет на Министер за Јавна Администрација

Тагови: Минчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер