Големиот војвода Гијом положи заклетва како нов владетел на Луксембург - Канал 5

Живот

Големиот војвода Гијом положи заклетва како нов владетел на Луксембург

Големиот војвода Гијом денес положи заклетва и седна на престолот на Луксембург на традиционална церемонија во Парламентот на која присуствуваа кралското семејство и шефовите на некои од европските држави.

Големиот војвода Гијом положи заклетва како нов владетел на Луксембург

-Ќе го живеам животот на мојот народ, од кого не сакам да ме дели никаква пречка. Ќе ги споделувам нивните радости и страдања, рече Гијом во својот прв говор како владетел, цитирајќи го говорот од 1919 година на Големата војвотка Шарлот, една од неговите претходнички.

„Симбол на принципите на слобода и единство утврдени во нашиот Устав, монархијата остана - тогаш како и сега - постојана референтна точка и цврста поддршка во време на криза“, рече Гијом, кој положи заклетва пред луксембуршкиот Устав пред 60 пратеници.

Големиот војвода Гијом (43) ја презеде функцијата од својот татко Анри (70), кој абдицираше во негова корист откако 25 години служеше во многу симболична улога како владетел во ова мало војводство во центарот на Европа.

Како и неговиот татко Анри, Гијом се школувал во Франција, Швајцарија и Британската воена академија Сандхерст, а потоа работел за белгиски, германски и шпански фирми.

Со него на церемонијата беа неговата сопруга војвотката Стефани од Ланој, родена во Белгија, и синовите принцот Чарлс (5) и принцот Франсоа (2).

Гијом е седмиот Голем војвода на Луксембург од 1890 година, кога беше воспоставена модерната монархија.

На церемонијата присуствуваат кралските семејства на Холандија и Белгија, а новиот Голем војвода ќе биде домаќин на гала вечера за гостите, меѓу кои се и претседателите на Франција и Германија, Емануел Макрон и Франк Валтер Штајнмаер.

Во текот на викендот, Гијом ќе направи ритуална обиколка на својата земја и ќе ја заврши со миса со надбискупот Жан-Клод Олерих во римокатоличката катедрала Нотр Дам во Луксембург.

Свеченостите по повод крунисувањето се планирани низ целата земја до недела.

Луксембург е парламентарна демократија со Голем војвода како шеф на државата, слично на Велика Британија и Белгија. Има околу 700.000 жители и е последното преостанато големо војводство во светот.

Луксембург е една од најмалите земји на Европската Унија и најбогата по БДП по глава на жител, таа е финансиска сила и седиште на важни институции на ЕУ, како што се Европскиот суд на правдата и Европската инвестициска банка. Луксембург,исто така, е седиште на многу банки од земјите од еврозоната, компании за реосигурување и менаџери на хеџ фондови и пазари на пари.

Тагови: Луксембург војвода

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДИК: Заврши гласањето на болните и немоќни лица и лицата кои се на издржување на казна затвор

 Заврши гласањето на болните и немоќни лица и лицата кои се на издржување на казна  затвор за вториот круг од Предвремените избори за градоначалник на општина Брвеница. 

ДИК: Заврши гласањето на болните и немоќни лица и лицата кои се на издржување на казна затвор

Според податоците пристигнати до Државната изборна комисија, од вкупно 9 пријавени лица за гласање во казнено поправните установи во државата, гласале вкупно 8 лица.

Од вкупно 107 болни или немоќни лица со право на глас, правото на глас го оствариле 104 лица.

Гласањето во текот на денот се одвиваше без проблеми и секој гласач имаше можност слободно да го оствари своето право на глас.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Предизборен молк пред вториот круг на предвремените избори за градоначалник во Брвеница

Според информациите од Државната изборна комисија вкупно107 болни и немоќни лица денеска можат да го остварат своето право на глас. Таква можнмост имаат и 9 лица кои се наоѓаат на издржување казна затвор.

Предизборен молк пред вториот круг на предвремените избори за градоначалник во Брвеница

Гласањето на затворениците се спроведува во три Казнено-поправни установи на територијата на државата, лоцирани во скопје, штип и тетово.

Гласањето започна утринава во 7 часот, а вториот круг од изборите во Брвеница ќе го следат вкупно 61 акредитиран набљудувач, од кои 56 се домашни, а пет се меѓународни

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Протести пред Уставниот суд во Варшава,спорот околу Уставниот суд ескалираше со полициска интервенција и протести

Во Полска и денеска продолжуваат протестите пред Уставниот суд во Варшава, по синоќешните судири меѓу демонстрантите и полицијата. 

Протести пред Уставниот суд во Варшава,спорот околу Уставниот суд ескалираше со полициска интервенција и протести

Политичката криза ескалираше откако судијката Ана Корвин-Пјотровска донесе одлука за едномесечна суспензија на претседателот на судот, Богдан Швјенчковски, и неговиот заменик.

Одлуката предизвика остри реакции од десничарската опозиција, која ја оспорува нејзината законитост по што доцна синоќа пред судот избувнаа протести. Дел од демонстрантите се обидоа да го пробијат полицискиот кордон. Според полицијата приведени биле вкупно пет лица, меѓу кои и маж осомничен за напад врз жена, кај кого биле пронајдени нож и гасен пиштол.

Ескалацијата на кризата го натера полскиот претседател Карол Навроцки да го прекине патувањето кон Сенегал и итно да се врати во Варшава. По полноќ, придружуван од обезбедувањето, влезе во зградата на Уставниот суд, при што дојде до турканици на влезот. Навроцки повика на почитување на правото и враќање на уставниот поредок во земјата, оценувајќи дека случувањата претставуваат незаконско преземање на институцијата.

На кризата ѝ претходеше соопштението на министерот за правда и главен јавен обвинител Валдемар Журек дека поднел пет барања за одземање на имунитетот на двајцата судии од Уставниот суд.

-Како главен обвинител, поднесов пет барања до Уставниот суд за одземање на имунитетот. Овие барања имаат вкупно 224 страници. Овие случаи вклучуваат различни видови кривични дела и во суштина се се однесуваат на две лица: вршителот на должноста претседател на Уставниот суд и неговиот заменик. Веќе знаеме дека највисоката судика Ана Корвин-Пјотровска, ги суспендираше претседателот на Уставниот суд и неговиот заменик. Таа тоа го стори врз основа на релевантни одредби согласно Уставот суд – изјави– Валдемар Журек, министер за правда на Полска.

Демонстрантите, пак, ја обвинуваат Владата дека се обидува да воспостави контрола врз независните институции и најавуваат продолжување на протестите.

„Уставниот суд во Полска е заземен од полициски сили испратени од премиерот Туск. Владата се обидува да ги контролира сите независни институции, веројатно за да го избегне поразот на изборите следната година.“ изјава – демонстрант.

Премиерот Доналд Туск ги отфрла обвинувањата и тврди дека Владата работи на враќање на владеењето на правото, додека опозициската партија Право и правда, најавува продолжување на протестите.

Политичката криза е последица на долгогодишниот спор околу легитимноста на Уставниот суд. Владата го оспорува начинот на кој дел од судиите биле именувани за време на претходната власт, додека сегашната опозицијата ги оценува актуелните е промени како незаконско преземање на институцијата.

Тагови: Полска протести

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер