Здравје

Големиот стомак не мора да биде само резултат на гојазност туку и на здравствени проблеми

Еве го објаснувањето на стручните лица!

Стрес, недоволно сон, алкохол или хормонален дисбаланс се само некои од причините за надуеноста.

Многумина веруваат дека салото на стомакот доаѓа со годините, меѓутоа, тоа може да биде знак за сериозни здравствени проблеми. Лекарите сметаат дека зголемениот струк обично значи дека покрај поткожното масно ткиво што го гледаме, има и внатрешно висцерално масно ткиво.Тоа го претставува типот на маснотии што се наоѓа во внатрешноста на абдоминалната празнина и ги опкружува виталните органи.

- Висцералните масти можат да го зголемат ризикот од мозочен удар, срцев удар и дијабетес. Исто така тие може да ослободат супстанции што ја зголемуваат отпорноста на инсулин, го зголемуваат крвниот притисок и предизвикуваат хронично воспаление. Според д-р Ајша Икбал, надуениот стомак не е само резултат на прејадување или сало, туку претставува сериозна болест.

Најчести причини за надуеност на стомакот:

Стрес

Кога сме под стрес надбубрежните жлезди ослободуваат кортизол, тоа е хормон кој игра витална улога во одговорот на телото на стрес. Еден од ефектите на зголемениот кортизол е зголеменото таложење на вицеларните масти, бидејќи кортизолот го поттикнува нивното таложење околу абдоминалата област .

Сонот

Лошиот сон прави да чувствуваме глад.

Според д-р Џејмс Вилсон, ако четири ноќи спиете помалку од 4 часа, хормонот што го контролира гладот, грелинот, и оној што го контролира чувството на ситост, лептинот, се премногу активни. Тоа значи дека лошиот сон прави да се чувствуваме гладни. Дури и да јадеме, ни треба подолго време за да се почувствуваме сити, па понекогаш се прејадуваме. Освен тоа, кога не добиваме доволно енергија преку сонот, тогаш бараме брзи залихи на енергија на друго место, а тоа по правило се рафинираниот шеќер, јаглехидратите и нездравата храна.

Лекови

Кортикостероидите и антидијабетичните лекови влијаат на формирањето наслаги околу стомакот.

Алкохол

Дури и препорачаната „безбедна“ количина на алкохол, во форма на една чаша пиво или вино дневно, може да доведе до зголемување на телесната тежина.

-Иако пивскиот стомак е почест кај мажите, тој ги погодува и жените. Зголемувањето на телесната тежина заснована на алкохол обично води до поголем стомак, а исто така е поврзано и со заболување на црниот дроб - предупредува пластичниот хирург Пол Банвел.

Генетика

Иако имате генетска предиспозиција да складирате сало во стомакот, здравиот начин на живот може да го намали овој проблем.

Шеќер

Високиот внес на шеќер и рафинирани јаглехидрати, како колачи и бисквити, е поврзан со „замастување на црниот дроб“, а тоа го поттикнува создавањето сало на стомакот.

Нетолеранција кон некоја храна

Ако стомакот го чувствувате надуен и голем, тоа може да е поради нетолеранција кон одреден вид на храна, на пример, нетолеранција на лактоза, фруктоза, или на глутен.

- Дигестивните состојби како што се синдромот на иритабилно дебело црево и целикија (која се јавува како резултат на интолеранција на глутен) предизвикаат надуеност. Ако се сомневате на интолеранција кон некоја храна, д-р Лорејн Куни препорачува водење дневник за храна, во кој ќе ги внесувате оброците и предизвиканите симптоми.

Хормони

Намалувањето на естрогенот и прогестеронот во менопаузата може да предизвика надуеност.

Во овој момент според д-р Ајша Икбал, намалувањето на јаглехидратите и рафинираните шеќери, како и редовната физичка активност е најдобр начин да се справите со салото на стомакот.

Протеини

Конзумирањето протеини помага да се балансира шеќерот во крвта и го намалува нивото на инсулин, со цел да ја поттикне брзината на метаболизмот.

Рак на јајниците

Д-р Икбал предувапредува дека ракот на јајниците може да предизвика зголемување на телесната тежина. Зголемувањето на телесната тежина може да се поврзе со некои видови карциноми што создаваат тумори во оваа област, како што е ракот на јајниците.

Живот

„Највалканиот човек на светот“ 60 години не користел вода и сапун (ВИДЕО)

Во октомври 2022 година, медиумите ја објавија смртта на Аму Хаџи, кој беше познат како „највалканиот човек на светот“, во Иран.

Оваа „титула“ ја заслужил затоа што не се капел шест децении, а за последен пат ги затворил очите на 96 години.

Аму секогаш бил покриен со прашина и пепел, живеел во колиба направена од чакал, но бил виден и како спие во дупки што ги ископал самиот.

Еден новинар опишува дека „изгледал како карпа“ и дека се вклопувал во околината поради тоа колку бил валкан и сив, пренесува LadBible.

Непосредно пред неговата смрт, мештаните успеале да го убедат конечно да се избања. Се разбира, двата настани не се причинско-последично поврзани, бидејќи Аму починал од старост.

Се поставуваат прашања зошто 60 години избегнувал вода и сапун. Се верува дека страдал од аблутофобија, односно „постојан неоправдан страв од капење или миење“.

Наводно се плашел дека ќе се разболи ако се исчисти, односно дека водата и сапунот предизвикуваат болести.

Зборувајќи за фобијата која е поизразена кај децата, па кај жените, па дури потоа кај мажите, д-р Сива Лечор од клиниката „Толедо“ рече:

„Аблутофобијата е исклучително ретка. Во моментов почесто го гледаме кај постарите лица. Обично кај луѓе кои имале трауматски искуства во минатото“, објасни д-р Лечор.

Локалните новинари со години се обидувале да добијат информации за неговото минато и што го навело Аму да води ваков начин на живот. Вистината никогаш не била откриена.

Живот

Мајка си го фрлила болниот шестгодишен син во река полна со крокодили, таткото барал да го убие

Мајка го фрлила својот болен шестгодишен син во река полна со крокодили кои го растргнале, откако сопругот и татко на момчето ѝ рекле да се ослободи од него бидејќи малото момче било родено со физички маани.

Овој страшен настан се случил во Индија.

Како што пренесува „Дејлимејл“, Савитри Кумар (26) се скарала со сопругот Рави Кумар (27) кој ѝ наредил да се ослободи од малото дете кое тешко зборувало.

Таа го земала својот син додека спиел и го фрлила во блискиот канал полн со крокодили. Случајот, како што пренесува „The New Indian Express“, се случил во Утара Канад, област на западната индиска држава Карнатака.

Полицијата навела дека сопругот ѝ се пожалил на сопругата зошто таа родила дете со неизлечива мана. Сведоците кои ја виделе мајката како го фрла синот во каналот веднаш повикале полиција која почнала да трага по момчето. Потрагата набрзо била завршена поради темнината, а неговото осакатено тело било пронајдено во реката во неделата наутро.

Малото момче се здобило со страшни повреди и му била одгризана едната рака. Полицијата верува дека телото го растргнале неколку крокодили. Наредена е обдукција за да се утврдат точните причини за смртта.

Полицијата за локалните медиуми потврдила дека е покрената истрага за убиството и дека двајцата родители се уапсени.

Свет

Расте бројот на жртви во катастрофалните поплави во Бразил, спасените гладуваат (ВИДЕО)

Спасувачите се обиделе да ги евакуираат луѓето затрупани од разорните поплави низ јужната бразилска држава Рио Гранде до Сул, при што 90 лица се мртви, а очајните преживеани се обидуваат да дојдат до храна и основни потреби.

На периферијата на градот Елдорадо до Сул, 17 километри од главниот град на државата Порто Алегре, многу луѓе кои ги напуштиле своите домови спиеле покрај патот и изјавиле за Ројтерс дека се гладни. Цели семејства заминале пеш, носејќи работи во ранци и колички за пазарење.

„Немавме храна три дена и само што го добивме ова ќебе. Јас сум со луѓе кои воопшто не ги познавам, не знам каде е моето семејство“, рече млад човек кој се претставил како Рикардо Јуниор.

Поплавите ги отежнале спасувачките напори, при што десетици луѓе се уште чекаат да бидат евакуирани со чамец или хеликоптер од погодените домови. Мали чамци ги преполнија поплавените улици во потрага по преживеани.

Агенцијата за цивилна заштита на земјата соопшти дека бројот на загинати се искачил на 90, додека уште четири смртни случаи се истражуваат, а 131 лице се водат како исчезнати, додека 155.000 луѓе останале без покрив над главата.

Обилните дождови кои почнаа минатата недела предизвикаа излевање на реките, потопувајќи цели градови и уништени се патишта и мостови.

Во Порто Алегре, град со 1,3 милиони жители на реката Гуаиба, улиците во центарот на градот се под вода.

Жителите на Порто Алегре се соочија со празни полици во супермаркетите и затворени бензински пумпи, додека продавниците ја ограничија продажбата на минерална вода. Градот користел камиони за доставување вода до болниците и засолништата.

Поплавите ги погодија и службите за водоснабдување и електрична енергија, со повеќе од 1,4 милиони погодени луѓе, според Цивилната заштита на Бразил.

Речиси половина милион луѓе останале без струја во Порто Алегре и околните градови бидејќи компаниите за електрична енергија го прекинале снабдувањето со поплавените населби од безбедносни причини. Националниот оператор ОНС соопшти дека поради обилните дождови се исклучени пет хидроцентрали и далноводи.

Бразилскиот претседател Луис Инасио Лула да Силва изјави дека степенот на штетата ќе се знае само кога водите ќе се повлечат. Тој вети федерална помош за државата за она што се смета за најлоша климатска катастрофа.

Економистите на JPMorgan предвидоа дека влијанието на поплавите врз бразилската економија ќе биде удар за растот на БДП и маргинален пораст на инфлацијата, главно поради повисоките цени на оризот, кој главно се произведува во Рио Гранде до Сул.

Покрај уништувањето на критичната инфраструктура, обилните дождови и поплавите ги потопија житните полиња и загина добиток, прекинувајќи ја жетвата на соја и стопирани се работите во неколку погони за месо.

Пристаништето Рио Гранде работи нормално. Главното пристаниште за извоз на жито не е погодено од порастот на нивото на Лагуна дос Патос, во која се влева надојдената река Гуаиба.

Сепак, главните пристапни патишта не се проодни, што ја отежнува испораката на жито до пристаништето бидејќи камионите мораа да направат голем заобиколување, велат извозниците.

притисни ентер