Премиерот Мицкоски уверува дека снабдувањето со енергенси ќе биде стабилно, без осцилации во цените и количините. Вели Владата работи на тоа цената на струјата да остане иста и по 1-ви јануари, а во однос на парното потенцираше дека Македонија не е зависна од гас, чија цена како што оцени во текот на зимата може да се зголеми дури и тројно, бидејќи сме користеле когенеративни постројки. Според Мицкоски, земјава има и доволно количини на нафтени деривати.

„Кај нас цената на електричната енергија што ја плаќаат граѓаните откако е оваа Влада не е покачена и така ќе остане. Работиме на таа проблематика и од јануари цената најмалку да остане иста, а работиме и на тоа да има поевтинување или продолжување на евтината тарифа. Можам слободно да ги уверам граѓаните дека ќе имаме стабилна зима. Секојдневно разговараме со увозниците, уверени сме дека количини има доволно на нафтени деривати, продуктоводот е полн, државните резерви се солидни, не гледам во овој момент можност и причина за стравување во текот на зимата“– Христијан Мицкоски, претседател на Влада

Озпоцискиот лидер Филипче пак спротивно од Мицкоски, очекува скок на цените на струјата и парното од идната година. Посочи дека цената на горивата е зголемена за 50 отсто од почетокот на годината и дека и покрај тоа што власта уверува дека нафтените деривати биле најефтини в регионот, за граѓаните се скапи поради нискиот стандард.

„Ние сме една од земјите во регионот во која со просечна или минимална плата може да се купи најмала количина, односно најмалку литри гориво. Иако власта сака да се пофали дека имаме наводно најевтино гориво, толку е низок стандардот што и тоа наводно најевтино гориво не можат граѓаните да си го купат. На дното сме во Европа и во регионот по количина на гориво кое граѓаните може да си го купат со примањата. Лошо се менаџира енергетскиот систем. Прозиводството на струја е значално намалено за 30 проценти само минатата година. Ниту половина од стратегија за прозиводство на струја не е исполнето. И затоа сега власта увезува струја“– Венко Филипче, претседател на СДСМ

А со цел зголемување на стандардот на граѓаните СДСМ во Собранието поднесе Предлог закон за заголемување на миниумалецот. Наместо на 500 евра, како што бараа претходно, сега се предлага минималец од 600 евра. Според Филипче пари за зголемување на минималната плата има – доволно било власата да се откаже од ставката во буџетот предвидена за луксузирање. Иако го поднесоа, Филипче вели дека не очекува законот да биде изгласан, бидејќи според него на Власта не и било гајле за граѓаните, туку само за сопсвените џебови и криминални тендери.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Пеплосани се повеќе дуќани во близина на пазарот во општина Шуто Оризари, а според информациите на Центарот за управување со кризи, пожарот избувнал во раните утрински часови. Повредени и жртви нема, но борбата на пожарникарите со пламените јазици траела неколку часа.

-Во периодот од 03:31 до 06:45 часот, со 15 пожарникари и 6 Против пожарни возила, се гаснале запалени трговски дуќани на улица Индира без број во Општина Шуто Оризари. - ЦУК

Дел од граѓаните на Општината утрово се разбудиле во страв, а некои од нив се сомневаат и дека пожарот е подметна и бараат реакција од надлежните органи.

– Жал ми е што да гледам, ова е трагедија. Сега кој го запалил тоа, треба да се бара да се гледа, има и камери. Да бркаат работа, да видат кој е тој што ризикувал ова да го пали, значи тоа е некој голем мангуп, за него се знае што треба.

– Ова гореше околу 4,5 сабајле, ние спиевме, и кога станавме сабајле да одиме на работа, ние гледаме дека гореле овие бутици тука, греота се луѓето, не знам дали ќе познат кои гореле. Страшно беше, ние тоа време спиевме кога запалиле, и станувам одма гледам дека е запалено се.

– Сабајле поминав со колата со баџанакот имав нешто работа, кога видов, ова е хаос, срамота е ова, ова вака што е направено е многу срамота. Тие што го направиле се штета за општеството, пример кој и да го направил што направил, значи тоа не е лојален граѓанин.

Официјално од Министерството за внатрешни работи засега нема информации за причината за пожарот. И од мвр потврдуваат дека нокеска се опожарени над 20 дуќани со како што се наведува во соопштението , со текстилна и друга роба сопственост на лице со иницијали с.с. кои биле дадени под закуп.

-Денеска околу 03:20 часот во СВР Скопје е пријавено дека во трговски центар на подрачјето Шуто Оризари опожарени биле над 20 дуќани со текстилна и друга роба сопственост на С.С. кои ги има дадено под закупнина. -Пожарот бил изгаснат од Бригадата за противпожарна заштита-Скопје. Повредени лица нема. Ќе биде извршен увид и се преземаат мерки за расчистување на случајот, наведуваат од МВР.

Иако пожарот уште од раните утрински часови целосно е изгаснат, непријатна миризба и натаму се чувствува ширум општината, посебно во непосредна близина на изгорените објекти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Одлуката на Врховниот суд за укинување на пресудата за автобуската несреќа кај Ласкарци за премиерот Мицкоски е големо разочарување и последица на, како што рече, малкумина рецидиви од претходната власт на СДСМ и ДУИ кои, според него, се уште делуваат во правосудниот систем. Коментирајќи го укинувањето на пресудите за Ласкарци и Стевчо Јакимовски, Мицкоски кажа дека добро е ваквите примери да ги следат во ЕУ, кога се зборува за правосудството во земјава. Несреќата кај Ласкарци со голем број жртви и лица кои останале со траен инвалидитет, според премиерот, треба да биде доволна причина правосудството да постапува во интерес на правдата.

-Гледате така згрчевито се борат, ги амнестираат, така се случи со модуларната болница, така и сега со Ласкарци. Понекогаш имам и чувство дека со ветерници се бориме, како да е сето ова Дон Кихотовска битка. Вие бркате, затворате, тие ги пуштаат на слобода луѓе за коишто постои основано сомнение, односно правосилна судска пресуда, и како последица на нивното работење имаме повеќе десетици мртви, како ништо да не било. Тоа за нив ништо не значи бидејќи од тој којшто ги назначил, нивниот стопан, нивниот газда, добиле таква наредба. Тоа е едно големо разочарување - изјави Мицкоски.

За лидерот на СДСМ, Венко Филипче, тенденциозни се обидите од власта и Мицкоски да се наметне дека судството е под контрола на СДСМ и ДУИ, а последните одлуки на Врховен според него се доказ дека единствен начин за враќање на довербата во правосудството е отворањето на преговорите со ЕУ и создавање на судство и обвинителство по европски терк.

-Сметам дека во ситуација во којашто довербата во судството е исклучително ниска, единствен начин на којшто можеме да почнеме да ја враќаме довербата во правосудниот систем е тука да има европско правосудство. И тоа е концептот на продолжувањето кон ЕУ, на отворањето на кластерите, преговорите, затоа што тоа значи зајакнување на системот. Тоа значи присуство тука на европско обвинителство, на судови по европски критериуми во којшто никој никогаш нема да биде поштеден, изјави Филипче.

Инаку, во речиси сите извештаи на ЕК за земјава главните забелешки се однесуваат на состојбите во правосудството, борбата против корупцијата и владеењето на правото.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.