Голем успех на прилепските лекари, со прва примена на тромболиза спасено младо момче по мозочен удар - Канал 5

Здравје

Голем успех на прилепските лекари, со прва примена на тромболиза спасено младо момче по мозочен удар

-Тромболизата претставува третман на акутен ихемичен мозочен удар, односно протокол кој е добро дефиниран со временска рамка и со клинички индикации.

Голем успех на прилепските лекари, со прва примена на тромболиза спасено младо момче по мозочен удар

Со првата примена на методот интравенска тромболиза во прилепската болница беше спасен животот на младо, 28-годишно момче. Неврологот Петар Кузманоски со своите колеги веднаш интервенирал, прецизно дозирајќи лек за го спасат пациентот од смрт, но и од траен инвалидитет.

-Тромболизата претставува третман на акутен ихемичен мозочен удар, односно протокол кој е добро дефиниран со временска рамка и со клинички индикации. Во случајот со младиот пациент, тој се јави во првиот час. Пациентот беше со јасни знаци на мозочен удар и ги имавме сите критериуми, и временски, и физички за да може да ја направиме интервенцијата. Целта на терапијата е да го намалиме ризикот од смртност и ризикот од траен инвалидитет. Методот се применува така што се дава лек, интравенски, во вид на инфузија која се дава еден час, пациентот цело време се мониторира во наредните 24 часа, објаснува неврологот од прилепската општа болница, д-р Петар Кузманоски.

Најбитни се првите четири часа од појавата на симптомите - слабост на која било страна од телото и неможност за говор, зашто потоа настануваат големи оштетувања на организмот и не може да се помогне.

-Секако, ова не е само личен успех, туку и на болницата. Ова е голема организација. Покрај нашето, вклучено е и одделението за радиологија каде итно го прочитаа резултатот, потоа одделението за биохермиски анализи, секако, и екипата за Итна медицинска помош. Целта на овој третмна е пациентите, не само од нашата општина, туку и од поблиските општини да може да го добијат соодветниот третман, вели Кузманоски.

Иако овој метод кој се прави од 2015 година во Македонија и е направен во неколку центри, моментално како рутински, редовно, се прави само во Скопје.

-Така, сега може да кажеме дека и овде ќе се прави редовно и пациентите од овој регион ќе може да бидат услужени со оваа метода, додава неврологот Петар Кузманоски од прилепската општа болница „Борка Талески“.

Мозочните удари се карактеристика на староста, но има и случаи кај младите, иако смета дека не се алармантни. Препораките за превенција се: здравиот начин на живот, добрата исхрана, физичка активност, одвикнувањето од пороците, како цигари и алкохол.

Лекарите во Болницата прават и превентивни, скрининг прегледи, со доплер на вратни крвни садови, лабараториски анализи и гледааат да ги намалат тие најчести причинители на мозочен удар.

-Секој пациент кој ќе почувствува слабост на едната страна од телото, лева или десна страна, рака или нога, завлекување или невозможен говор, секогаш ќе биде знак дека станува збор за мозочен удар. Веднаш да се јави на лекар. По тие четири часа лекот нема да го постигне ефектот и да помогне. Секоја минута е битна за да се спаси животот при знаци на мозочен удар, објаснува прилепскиот невролог Петар Кузманоски.

Тагови: Прилеп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Дошле да гледаат натпревар, па бегале од трибините за да спасат жива глава (ВИДЕО)

Навивачите на бејзбол бегале во паника додека огномет на стадионот во Вирџинија тргнал ужасно наопаку.

Дошле да гледаат натпревар, па бегале од трибините за да спасат жива глава (ВИДЕО)

Застрашувачко видео ги прикажува навивачите на „Летечките верверички“ од Ричмонд како трчаат од трибините додека огномет и чад се издигаат кон трибините на „Карл Макс Парк“.

За среќа, никој не е сериозно повреден во инцидентот, според властите, објави „Дејли меил“.

Една посетителка рекла дека нејзиното семејство првично мислело дека тимот тестира некаков нов вид огномет, пред нивното возбудување да се претвори во паника.

YouTube video

„Гледавме со децата од зад надворешниот терен, само уживавме во целиот огномет, и на почетокот помисливме дека користат некаков нов огномет лансиран од земја или нешто слично“, рекла Алиса Дарден.

„Кога видовме дека удрил во просторијата за загревање на фрлачот и експлодирал кон трибините, сфативме дека веројатно некои од цевките за лансирање се откорнале. Нашите деца беа разбирливо исплашени. За среќа, никој не беше повреден.“

„Летечките верверички“ рекоа дека соработуваат со истражителите за да ја утврдат причината за дефектот.

„Продолжуваме тесно да соработуваме со Pyro Shows и Канцеларијата на противпожарниот маршал на Ричмонд за да собереме информации и да ја утврдиме причината за дефектот на огнометот за време на натпреварот во четврток навечер“, соопшти тимот на социјалните медиуми.

Тие исто така рекоа дека нивните прикази на огномет ќе бидат одржани надвор од локацијата во догледна иднина.

„Како мерка на претпазливост, и за да ни се овозможи темелно да ги разгледаме оперативните процедури и безбедносните протоколи, огнометот по натпреварот ќе биде поставен надвор од локацијата почнувајќи од утре навечер и ќе остане така во догледна иднина“, соопшти тимот.

Тагови: трибините

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Гратче во Франција е практично збришано преку ноќ, луѓето бесни: Жртвувани сме за да се спасат богатите од пожарот (ВИДЕО)

Малиот град Ле Порж, во департманот Жиронд во југозападна Франција, е тешко погоден од еден од најлошите шумски пожари годинава.

Гратче во Франција е практично збришано преку ноќ, луѓето бесни: Жртвувани сме за да се спасат богатите од пожарот (ВИДЕО)

Неколку дена по избувнувањето на пожарот, местото изгледа како да поминало низ војна. Поранешната железничка станица сè уште чади, изгорени автомобили лежат покрај патот, а километри шума се претворени во црни скелети од борови изгорени до самиот врв. Тука и таму, меѓу јагленисаните дрвја, се гледаат само остатоци од куќи.

Според весникот Ouest-France, атмосферата е апокалиптична. Улиците се речиси целосно празни, а единствениот сообраќај се противпожарни возила кои брзаат кон нови жаришта. Пред магацин кој беше зафатен од пламен, остануваат само остатоци од брод опкружен со стопена пластика.

Меѓу жителите кои останале без покрив е Ингрид, која успеала да ги спаси само своите мачки од шталата за време на евакуацијата во среда вечерта. Неколку дена подоцна, соседката ѝ кажала дека нејзината куќа целосно изгорела.

„Изгубивме сè. Немам зборови“, рече таа низ солзи.

Таа и нејзиниот сопруг морале да бегаат од пожарот неколку пати - прво од својот дом, потоа од местото каде што привремено нашле засолниште, по понатамошните евакуации. На крајот се засолниле кај роднини во Шарант.

Градоначалникот на Ле Порж, Марсијал Занинети, ја сумирал ситуацијата во една реченица: „Ситуацијата е катастрофална“.

Додека пожарникарите продолжувале да се борат со пожарот на периферијата на градот, целото население било евакуирано, а градското собрание привремено било претворено во прифатен центар. Подоцна било потврдено дека во пожарот биле уништени помеѓу 153 и 175 куќи, што е речиси една десетина од сите згради во општината, додека пожарот се проширил на околу половина од нејзината територија.

Општинските власти сега организираат психолошка помош и се обидуваат да најдат сместување за семејствата кои останале без сè, објавува „Ле Монд“.

Една од главните цели на пожарникарите била да се спречи ширењето на пожарот кон заливот Аркашон и туристичките одморалишта Арес, Андернос и Кап-Ферет.

Борбата беше исклучително тешка бидејќи ветерот неколку пати ја менуваше насоката, а тресетната подлога продолжуваше да гори под површината на земјата, од која постојано се појавуваа нови пламени. Командантот на противпожарната служба Салем Маизи предупреди дека ситуацијата е многу неповолна бидејќи пожарот сè уште не е целосно контролиран.

Поради новите опасности, властите мораа да наредат дополнителни евакуации, па вкупниот број на раселени лица во Франција достигна речиси 220.000.

Во исто време, шумските работници користеа машини за да изградат заштитни бариери за да го спречат пожарот да напредува кон Лаканау, каде што во тој момент сè уште имаше голем број туристи. Тракторите донесоа големи резервоари за вода, додека пожарникарите гаснеа нови жаришта кои постојано се разгоруваа меѓу изгорените борови дрвја во текот на ноќта.

„Авенија на очајот“

„Ле Монд“ пишува дека авенијата Басен-д'Аркашон, која до неодамна водеше до плажи, ресторани и фарми за остриги, сега жителите ја нарекуваат „авенија на очајот“.

Повеќе од 50 од вкупно 175 изгорени куќи се наоѓаат таму. Пејзажот е целосно црн. Боровите сè уште стојат, но нивните корени се изгорени, па наскоро ќе паднат. Телефонските кабли висат или лежат на земја, стопени од високата температура, а столбови чад се креваат насекаде од пепелта создадена од таканаречените „зомби пожари“ во тресетната подлога.

Меѓу оние што ги загубија своите домови е и 69-годишниот Ив Бругиергард. Од неговата куќа останаа само поцрнети ѕидови, куп ќерамиди, изгорени греди и стопени рамки за прозорци.

„Во оваа градина и меѓу овие ѕидови, ја напишавме нашата животна приказна, приказна за младешка љубов што животот некогаш ни ја одзеде, а повторно почнавме да ја живееме кога се најдовме еден со друг во 2009 година“, рече тој.

Неколку дена не знаеше што остана од неговиот дом бидејќи не му беше дозволено да влезе во евакуираната област. Кога конечно пристигна, првото нешто што го виде беше целосно уништената куќа на неговите соседи кои ја градеа со свои раце со години.

„Болката на таа жена ќе ми остане во сеќавањето долго време“, рече тој.

Тој накратко зборуваше за својата куќа:

„Сè беше изгорено толку многу што веќе не можев да препознаам каде е кујната, а каде спалната соба. Немаше ништо останато. Огнот проголта сè“, рече тој.

Во пепелта, тој успеа да најде само неколку од неговите скулптури направени од рециклирани материјали.

Ив верува дека властите можеле да реагираат порано. Се сеќава дека чадот веќе бил видлив околу пладне, додека првите воздушни противпожарни сили пристигнале дури кога пожарот веќе станал огромен.

Тој го опиша столбот од чад како „црн облак во форма на нуклеарна печурка“.

Тој, неговата сопруга и внук се евакуирале навечер, носејќи само торба со облека, документи и лекови. Денес признава дека ако знаел што ќе се случи, можеби ќе останел да ја брани куќата, како еден од неговите соседи кој цела ноќ истурал вода врз неа и успеал да ја спаси.

Софи Рош, менаџерка на хотел во Ле Порж, се присети на драматичните моменти кога ѕид од пламен висок повеќе од десет метри се појавил пред хотелот.

„Да ја пресечеше улицата, ќе ги изгубевме животите“, рекла таа, објавува „Монд“.

Хотелот, речиси неверојатно, остана недопрен.

Пожарот двапати го зафати градот. Првиот пат, пламените јазици пристигнаа првата вечер по избувнувањето на пожарот, а следната вечер се вратија и го запалија она што остана.

Жителот Пјер Хароар го спореди пожарот со рендал што оди во еден правец, а потоа во друг, оставајќи целосно уништен пејзаж зад себе.

Во средината на катастрофата, многу жители решија да им помогнат на другите. Алексис Фонтен, чија куќа остана недопрена благодарение на добрата изолација што го спречи пожарот да навлезе внатре, подготви храна за пожарникарите и волонтерите во спортска сала претворена во логистички центар.

Неговиот свекор, чија куќа беше тешко оштетена, исто така помогна на терен, наместо да се справи со сопствената загуба.

Сепак, меѓу жителите се прошири чувство на горчина. Многумина веруваат дека Ле Порж бил жртвуван за да се заштити луксузот на Кап-Ферет и неговите вили.

Неколку локални жители тврдат дека пожарникарите морале да ја напуштат одбраната на своите домови во еден момент за да го заштитат полуостровот. Градоначалникот не сакаше да коментира за обвинувањата, но чувството дека нивниот град претрпел најголема жртва остана многу силно кај жителите.

Тагови: пожар Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Сидни Свини пука од пушка- фановите разочарани: Нема веќе да те следам (ВИДЕО)

Актерката Сидни Свини, позната по улогата во серијата „Еуфорија“, објави серија фотографии од патувањето во Нов Зеланд со својот партнер Скутер Браун на Инстаграм. 

Сидни Свини пука од пушка- фановите разочарани: Нема веќе да те следам (ВИДЕО)

На фотографиите и видеата, двојката може да се види во разни активности - од возење со хеликоптер и брод до банџи скокање и пукање со оружје. Токму овој последен дел предизвика поделени реакции.

Негативни коментари под објавата

Додека фотографиите од пејзажот и активностите полни со адреналин собраа многу позитивни коментари, некои од следбениците го критикуваа видеото во кое актерката пука со пушка. Тие го оценија како несоодветно, а некои претпоставија дека станува збор за лов. „Одлична си, но дали штотуку пукаше во птица?“, праша еден корисник. Друг твитна: „Се откажувам од следење“.

Еден следбеник саркастично го сумираше целото патување: „Добро, значи резиме на патувањето: лет со хеликоптер, снежен голф (како ги зедовте топчињата?), огнено оружје (благодарение во име на животните), возење со баги и речен брод“.

Не е прв пат таа да користи оружје

Ова не е прв пат Свини да биде критикувана за оружје. Минатата година, видео од нејзиното вежбање на стрелиште стана вирално на интернет, за што таа беше јавно пофалена од американскиот претседател Доналд Трамп, како и од неговото движење MAGA.

Видеото доби ново внимание откако Трамп ја пофали нејзината реклама за фармерките American Eagle, која ја нарече „анти-будна“. Во тоа време, медиумите објавија и дека актерката е регистрирана како гласач на Републиканската партија.

Тагови: Сидни Свини

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер