Акутната фаза на епидемијата во Гостивар е во смирување, но матичните лекари да се фокусираат на дијагностицирање на заразните болести кои можат да се појават на опашката на епидемијата како Хепатит А и Хепатит Е, посочи министерот за здравство Сашо Клековски. Тој дополни дека вкупно досега има 4303 заболени лица, а во последното деноноќие има 109 новопријавени пациенти за кои се уште се прават епидемиолошките анкети дали нивните симптоми се поврзани со епидемијата или пак се работи за редовни состојби.

-Во врска со тој засилен здравствен надзор ќе бидат испратени соодветни упатства до Центарот за јавно здравје, до здравствените установи, до матичните лекари а ќе бидат дадени насоки за комуникација со населението. Клучно е да има рано препознавање за да можеме да реагираме соодветно, а здравствените установи се веќе подготвени во смисла на капацитет за тестирање,- -Сашо Клековски, министер за здравство.

Клековски вели дека паралелно со справување со епидемијата се работи и на анализа на системот за одговор на заразни болести,а со тоа ќе се анализира како се реагирало во Гостивар по што ќе се утврди и дали се потфрлило во одговорноста.

-Стандардот за Гостивар за јули е 25 пријави во извештаи за заразни болести. Во петокот мислам дека биле 19 поднесени. Во тој момент, спрема стандардите на законот не постоеле услови да се прогласи епидемија. // Ќе ги земеме во предвид сите дијагнози кои се слични на гастроентероколит и ќе ги објавиме тие податоци дали имало основа некој да реагира. Ако се покаже дека имало основа да се реагира, сите вклучително и јас ќе поднесеме одговорност,- -Сашо Клековски, министер за здравство.

На темата здравствена криза во гостивар се огласија и од сдсм. Преку партиско соопштение од соопштија потсетуваат дека нивниот претседател Филипче веќе предупредил за опасноста од појава на жолтица во градот, а алармот кај надлежните, според нив, се вклучил доцна.

-(Клековски) сега признава појава на жолтица. Токму она што проф. д-р Венко Филипче го кажа уште минатата недела дека ќе се случи и дека тие не знаат да управуваат со криза. Јасно е дека човек како Клековски, без знаење и без стручност, не може да се носи со ваква ситуација. Прво ја доведоа до оваа точка. Потоа ги криеја податоците и ја префрлаа одговорноста заради политички поени. Сега ќе доведат до сериозни последици за здравјето на жителите на Гостивар.-СДСМ.

Инаку, освен за развојот на тековната епидемија, министерот најави и податоци за како што рече, неразјаснета епидемија во Гостивар во 2017та, бидејќи во овој град , како што изјави Клековски, вакви состојби се случуваат периодично а повеќе не смеат да се повторат.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Надлежните апелираат граѓаните и понатаму да не ја користат водата за пиење и подготовка на храна, сè додека официјално не биде потврдено дека е здравствено исправна. Министерот за здравство Сашо Клековски денеска кажа дека ограничувањето ќе биде укинато само кога ќе се добијат три последователни исправни лабораториски анализи, со кои ќе се потврди дека водата е безбедна за употреба. До тогаш, продолжува земањето мостри и контролите на водоводната мрежа.

Крушево пак денеска ја укина забраната за пиење вода, откако последните анализи покажале исправност на водата. Последните испитувања покажале дека водата од градскиот водовод ги исполнува условите за безбедна употреба.

-После шест мостри во два дена по три беа здравствено исправни и безбедни, исто така последната од 24.07 се здравствено исправни и безбедни за користење како вода за пиење. Од наша страна е известено ЈКП и надлежните од АХВ кои имаме информации дека веќе се излезени на терен да ја согледаат состојбата и најверојатно врз основа на резултатите и нивното мислење стручно, ќе биде повелечена забраната и ќе биде дозволена за пиење водата за град Крушево- изјави – Д-р Петар Оханесјан – ЈЗУ ЦЈЗ Прилеп.

Надлежните апелираат да не се користи за пиење водата од јавните и крајпатните чешми во крушево кои не се под надлежност на јавното водостопанство и каде не се врши редовна дезинфекција бидејќи испитувањата покажале дека најголем дел од нив се бактериолошки неисправни.

Од СДСМ пак и денеска побараа одговорност за состојбата со водата во Гостивар. Обвинија дека сè уште нема официјален потпишан извештај со анализите за таканаречената „техничка вода. Од партијата тврдат и дека проблеми со квалитетот на водата има и во други населени места.

-Сè уште нема официјален документ. Сè уште никој не го покажа потпишаниот извештај со анализите за „техничката“ вода во Гостивар. Кој институт? Кој потпишал и одобрил? Кои се параметрите од анализата на водата? Додека граѓаните чекаат, водата е отруена во повеќе од 8 населени места. Гостивар – труење, хиперхлорирање, „техничка вода“, сè уште без официјален потпишан извештај. Крушево – вода заматена и микробиолошки неисправна затоа што уредот за хлорирање еден час немал струја,- изјава – Богданка Кузеска – Портпарол на СДСМ.

Во тетовското село Лешок и понатаму водата не смее да се користи за пиење освен за техничка употреба. Таму решение за проблемот кој трае подолго време бара и месната заедница.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Сигналите за смирување на ситуацијата на Блискиот исток, по најавите на амеркинаскиот претседател Доналд Трамп за нова рунда преговори со официјален Техеран втор ден по ред ја намалуваат цената на нафтата на светските берзи, но ситуацијата и натаму е неизвесна.. Барел од типот Брент денеска падна на околу 85 долари.

Премиерот Христијан Мицкоски, одговарајќи на новинарско прашање рече дека очекува следната недела да има поголемо намалување на цената на горвата, но владата вели внимателно ја следи ситуацијата. Ако има потреба најави дека може да има ново намалување на акцизата или евентуално намалено ДДВ кај дериватите, но тоа вели ќе се знае в понеделник откако ќе го завшрат анализирањето на движењето на цените на берза за втората половина од месецов.

„Сега завршува онаа втора половина од месецот и веќе во понеделник ќе направиме просек за втората половина од месецот и врз основа на тие параметри ќе се делува на цената на нафтените деривати добро е што два дена по ред паѓа цената денеска се стабилизира на некој 85 – 86 долари за барел така што веќе следната недела очекувам поголемо намалување на цената на дизелот и бенизните ..... “- Христијан Мицкоски – претседател на Влада.

Инаку со вчерашната последна одлука на регулаторна бензините поскапеа за 3, дизелот за 4,5 денари – тоа значи дека од денеска еуросупер 95ка се продава по цена од 93 денари, 98ца се точи за 95 денари, додека литар дизел чини 98,5 денари.

Вчера првиот регулатор Ацо Ристов, објасни дека причина за енергетската криза не е самото производство на нафта туку преработката на деривати, бидејќи вели воените дејствија оштетиле голем дел од капацитетите на рафинериите на глобално ниво.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.