Македонија

Годишниот извештај за работата на Судскиот совет за ланската година на 51 седница на Собраниетo

Пред пратениците во рамки на 51. седница на Собранието е Годишниот извештај за работата на Судскиот совет на Република Македонија за 2024 година.

Во Извештајот објавен на собраниската веб-страна се посочува дека во текот на 2024 година, Советот во рамки на 39-те одржани седници извршила избор на судии и претседатели на судови, избор и разрешување на судии поротници, констатирал престанок на судиската функција, утврди нестручно и несовесно вршење на судиската функција со изрекување на дисциплински мерки, ги разгледал и оценил тримесечните и годишните извештаи за работа на судовите, донел одлуки за времено упатување на судии од еден во друг суд, извршил работни посети во судовите со цел констатирање на одредени состојби и вршел и други работи во рамки на својата надлежност утврдени со закон.

-Оценската мисија на ЕУ во текот на 2024 година изготви извештај за функционирање на Судскиот совет на РМ во кој извештај се дадени долгорочни, среднорочни и краткорочни препораки, а имплементацијата на краткорочните препораки за кои надлежен е Советот започна во 2024 година преку активностите кои ги спроведува Советот. А кои се нотирани во усвоениот Акциски план. Во текот на 2024 година приоритетни се активностите нотирани во Акцискиот план за имплементација и спроведување на препораките не ЕУ упатени до Судскиот совет на РСМ. Воедно, имајќи го предвид Извештајот на Оценската мисија и насоките и укажувањата во истиот, Судскиот совет во наредниот период ќе продолжи да се залага за заштита на интегритетот, независноста и професионалноста на судиите и на институциите и ќе се спротивставува на било какво внатрешно или надворешно влијание во работењето, се наведува во Извештајот.

Приоритет за Судскиот совет во текот на 2025 година, како што се нагласува во Извештајот, ќе биде натамошната реализација на препораките нотирани во Извештајот на Оценската мисија кои се дадени со цел за подобрување на постапката за избор, унапредувањето и одговорноста на судиите/претседателите на судовите и членовите на Советот, како и подобрувањето на транспарентноста, комуникацијата и управувањето со ресурси во Советот. Во таа насока, Советот посочува дека ќе продолжи со максимални заложби за доследна примена и постапување согласно законските одредби, следење на состојбите во судството и давање на нови предлози за подобрување на состојбите, следење на работата на судиите и претседателите на судовите, како и на самите судови, преземање дејствија во рамки на своите надлежности при детектирање на коруптивни дејствија во судството, а во таа насока и залагање за имплементација на донесената Програма и Акционен план за превенција и следење на корупцијата во судството 2022-2025 година.

Во Ивештајот се посочува дека една од основните заложби на Советот е финансиското одвојување на судската власт од другите власти, односно залагање за зголемување на процентот на Судскиот буџет во однос на Бруто домашниот производ од сегашните 0,3 проценти на годишно ниво на законските определени 0,8 проценти од Буџетот за судска власт.

На ова седница се и Предлог на законот за ратификација на Договорот за Централноевропската програма за размена на универзитетски студии (ЦЕЕПУС IV), Предлог на законот за претворање на побарувањето на Република Македонија по основ на платени обврски кон странски кредитори во траен влог во Акционерското друштво за вршење на енергетска дејност пренос на природен гас НОМАГАС Скопје во државна сопственост, по скратена постапка, Предлог на законот за изменување и дополнување на Законот за вработувањето и осигурување во случај на невработеност во прво читање, Предлог на законот за изменување на Законот за приватните агенции за вработување во прво читање и Предлог на законот за изменување и дополнување на Законот за јавно здравје во прво читање.

Тагови: Собранието

Здравје

Откриена засега најрaната трагa од бактеријата на чума, стара 5.500 години

Истражување на научници од универзитетите во Кембриџ и Копенхаген откри најстар ДНК-доказ за чумата - бактерискиот причинител „Yersinia pestis“, во човечки остатоци стари околу 5.500 години.

Во научниот труд, објавен во списанието „Нејчр“ (Nature), се анализирани ДНК-примероци од коски и заби на 1.313 лица кои живееле во Европа и Азија во каменото доба (37.000 - 12.500 години), па сѐ до пред 200 години.

Научниците идентификувале 214 патогени што го напаѓале човекот низ минатото, вклучително и зоонозни болести - оние што се пренесуваат од животни на луѓе, а се стари најмалку 6.500 години. Професорот Еске Вилерслев изјави дека преминот од ловечко-преселнички живот кон земјоделство и сточарство отворил нова ера на заразни болести.

- Овие инфекции не предизвикувале само болести, туку можеби довеле и до колапс на популации, миграции и генетска адаптација, вели тој.

Откриени се и траги од дифтерија (стари 11.000 години), хепатит Б (9.800 години) и маларија (од пред 4.200 години).

Тагови: бактерии

Свет

Најмалку 120 загинати во поплавите во Тексас

Бројот на загинати во катастрофалните поплави во американската сојузна држава Тексас се искачи на најмалку 120 лица, јавуваат американските медиуми, повикувајќи се на локални власти.

Најпогодена е областа Кер Каунти, каде што се потврдени 96 жртви, од кои 36 се деца, повеќето сместени во христијанскиот летен камп „Мистик“. Според извештај на службата за одговор при поплави, уште шест лица од кампот – пет деца и еден воспитувач – се водат како исчезнати.

Дождовите почнале во раните утрински часови во петокот, а реката Гвадалуп се излеала зголемувајќи го нивото за речиси осум метри за помалку од еден час.

Гувернерот на Тексас, Грег Абот, изјави дека над 2.200 лица се вклучени во спасувањето, а тешки услови и натаму има во Централен Тексас, Хил Каунтри, Биг Каунтри и Кончо Вали.

Во соседно Њу Мексико, три лица – возрасен маж и две деца на возраст од 4 и 7 години – загинале во поплава во планинското гратче Риудосо.

Гувернерката на државата, Мишел Луџан Гришем, прогласи вонредна состојба со цел пристап до федерални ресурси. Таа напиша на Фејсбук: „За оваа криза е потребна итна акција.“

Научниците сметаат дека климатските промени водат кон зголемена зачестеност и интензитет на ваквите екстремни временски услови, поради затоплувањето на океаните и покачените нивоа на морето.

Тагови: поплави Тексас

Македонија

ВМРО-ДПМНЕ: СДС се сити на пожарите, постојано се подметнуваат пожари а СДС шири политички хаос и прави политички маркетинг

Во СДС ништо не се менува, СДС продолжува со истата политичката матрица секогаш кога има национална трагедија или природна катастрофа да се обидат да ќарат политички поен плус.

СДС ликува на пожарите, додека некој постојано подметнува пожари низ државата СДС се сити низ соопштенија.

СДС заборава дека додека Македонија гореше во минатото Заев се сончаше на плажите низ Грција. За разлика од минатото сега веднаш се превземаат дејствија, има брз, навремен и ефикасен одговор за справување со пожарите.

Додека се пометнуваат пожари низ државата СДС злоупотребува природни катастрофи мислејќи дека на тој начин ќе добијат политички поен плус.

Дека намерно се подметнуваат пожари доказ е и пожарот во атарот на Чучер Сандево каде се пронајдени палети потопени во бензин, и постои сомнеж дека слични подметнувања со цел разгорување се направени и на други места ширум државата.

Поразувачки е како некој може да помисли да прави штети врз природата и да ја загрозува животна средина а со тоа и човечките животи. Неразбирливо и несфатливо е како СДС се радува и ликува на сето тоа и не пропушта можност да ја искористи ситуацијата за политичка кампања.

Време е СДС да престане да ги злоупотребува природните катастрофи и националните трагедии.

Центар за комуникации на ВМРО-ДПМНЕ

Тагови: ВМРО-ДПМНЕ