Годинашната манифестација „Поетска ноќ во Велестово" во знакот на стиховите на Иван Џепароски - Канал 5

Култура

Годинашната манифестација „Поетска ноќ во Велестово" во знакот на стиховите на Иван Џепароски

Охридското село Велестово од вечер наредните три дена, по 31 пат, ќе живее за и од поезијата. 

Годинашната манифестација „Поетска ноќ во Велестово" во знакот на стиховите на Иван Џепароски

Во 21 часот „Кај чешмата" на сред село ќе биде отворено 31-то издание на манифестацијата „Поетска ноќ во Велестово", со вечерта посветена на стиховите на Иван Џепароски и цртежите на Воскресија Андреевска.

– Манифестацијата смело влегува во четвртата деценија од своето постоење. Се надеваме дека ќе не има уште долго и натаму да придонесуваме за афирмација на македонската поезија, култура, истакна на денешната прес-конференција Јулијана Величковска од организацискиот одбор на „Поетска ноќ во Велестово".

Таа појасни дека на отворањето ќе настапи вокалистката Евгенија Здравевска (Зарина Првасевда) и Александар Петров како специјална придружба на тапан. Поетскиот портрет на Иван Џепароски ќе го презентира проф. д-р Наташа Аврамоска, а стихови од неговата поезија ќе чита актерот Владимир Јачев. Од 22 часот во тремот на црквата „Успение на Св. Богородица" во Велестово ќе биде отворена и изложба на академскиот сликар Воскресија Андреевска.

Величковска уште изрази задоволство што манифестацијата и оваа година повторно добива меѓународен предзнак, како поради претставување на поезија на странски поети, така и што годинава се обновува соработката со Меѓународниот семинар за македонски јазик и литература, односно учесниците ќе бидат гости на „Поетската ноќ во Велестово".

– Како и секогаш оние што биле во Велестово знаат дека другарувањето продолжува и надвор од предвидената програма. Токму во тој меѓупростор се случува она што навистина ние го правиме, се создаваат пријателства, врски, се договараат културни размени кои значајно придонесуваат нашите гости да бидат вистински амбасадори на Велестово, Охрид, Македонија во светот, рече Величковска потсетувајќи дека многу од учесниците на манифестацијата во нивните подоцнежни песни ја презентираат инспирацијата добиена за време на нивниот престој тука.

Поетот Џепароски изрази задоволство што е дел од плејадата поети, македонски автори кои биле во низата врзана за врвните вредности на македонската поезија.

– Да се биде навечер во Велестово за секого, поет или обичен човек кој ја сака природата и љуби убавината, е прекрасно чувство, оттаму што таму како никаде на друго место може да се почувствува естетичката категорија возвишеност. Не поради фактот што Велестово се наоѓа на високо место, туку дека поезијата не издигнува во естетско доживување од поврзаноста на уметностите како што се поезијата, книжевноста, сликарството. Сестринските уметности таму настапуваат многу успешно, а тука се и музите да им помогнат на поетите да ги создадат нивните идни творби, рече поетот Џепароски.

Тој додаде дека посебноста и специфичноста на „Поетската ноќ во Велестово" произлегува од неопсредната комуникација со населението кое живее во селото, што е редок случај мало село да има таква манифестација од врвно значење на која гостуваат најзначајните писатели, поети, теоретичари…

– Вакви манифестации треба да се поддржуваат, постојано да се облагородуваат со нови идеи, нови гости, да се оствари комуникацијата со светот. Комуникацијата со другиот прави да се чуе надалеку гласот и за градот Охрид и за нашата држава, но и вредностите на нашата историја, култура, цивилизација. Се разбира, во комуникација со другиот да се оствари примарното, а тоа е преку запознавање на другиот да се запознаваме себеси, истакна Џепароски.

Манифестацијата продолжува утре напладне во библиотеката „Григор Прличев" во Охрид , со настанот „Поезија напладне" посветен на творештвото на Поли Муканова од Бугарија, а од 19 часот во кафе-барот „Shilla" во Охрид ќе биде промовирана стихозбирката „Жалба до Музата" од Џери Марфи од Ирска. Книгата ќе ја промовира проф. д-р Димитар Пандев, а стиховите на македонски ќе ги чита актерот Јован Цветкоски.

Поетот Џери Марфи кој вторпат доаѓа тука, понесен од инспирациите стекнати за време на првиот престој има напишано три песни посветени на Велестово и Охрид, Свети Наум.

– Прекрасен е начинот на кој луѓето тука ја восприемаат поезијата. Нивната бројност на ваквите поетски манифестации и на промоциите на книгите покажува дека луѓето ја сакаат уметноста на напишаниот искажаниот збор. Наликува како да сум дома во Ирска, изјави Марфи, кој инаку е еден од најпознатите поети во Ирска.

На третата и завршна поетска вечер на 18 август од 20:30 часот во Куќата на Уранија во Охрид во соработка со Фондацијата „Славко Јаневски" ќе биде претставен романот „Некој бил тука" од Николина Андова Шопова, кој ја доби наградата „Роман на годината" за 2018-та, со што ќе заврши годинашното издание на „Поетската ноќ во Велестово".

„Поетска ноќ во Велестово" е манифестација единствена од таков вид во земјава. Основана е во 1989 година како камерна презентација на творештвото на афирмиран македонски поет и сликар. Од нејзиното прво издание одржано на 12 авуст 1989 година низ неа продефилираа најзначајните македонски поети и сликари, меѓу кои: Петре М. Андреевски, Анте Поповски, Гане Тодоровски, Јован Котески, Матеја Матевски, Радован Павловски, Јордан Плевеш, Славе Ѓорѓо Димоски, Богомил Ѓузел, Михаил Ренџов, Ефтим Клетников, Ристо Јачев, Братислав Ташковски, Пако Кузман, Веле Смилевски, катица Ќулавкова, Раде Силјан, Бладимир Мартиновски, Никола Маџиров и др., сликари: Вангел Наумовски, Глигор Чемерски, Сергеј Андреевски, Боро Митрикевски, Родољуб Анастасов, Владимир Георгиевски, Газанфер Бајрам, Коле Манев, Мирослав Масин, Славко Упевче, Никола Упевче, Драган Спасевски-Охридски, Доне Милјановски, Нове Франговски, Васко Ташковски, Александар Станковски и други. Од странските поети досега во Велестово имаат настапено поети од Сирија, Србија, Турција, Израел, Ирска, од Италија, Црна Гора, Естонија, Бугарија, Албанија, Норвешка, Словачка, Словенија, од Монголија. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Дошол на погреб на пријател, па случајно пропаднал во гробот на татко му и починал (ВИДЕО)

Адилсон Марсаро (48) од Бразил го загуби животот во необична несреќа на гробиштата, кога пропаднал во гробот на сопствениот татко. 

Дошол на погреб на пријател, па случајно пропаднал во гробот на татко му и починал (ВИДЕО)

Трагедијата се случила додека тој престојувал на гробиштата на погреб на пријател, а бетонската конструкција на која седел наеднаш се урнела.

Несреќата се случила во средата, на 21 октомври, на градските гробишта Сао Хозе во Линхарес, во бразилската држава Еспирито Санто.

Марсаро дојде тој ден да присуствува на погребот на пријател кој загинал во сообраќајна несреќа претходниот ден.

Според гробарот Назаре Бравин, човекот пристигнал на гробиштата со мотор, ги поздравил присутните и прашал каде ќе биде погребан неговиот пријател.

После тоа, тој ги оставил моторот и кацигата, а потоа се упатил кон гробот на својот покоен татко, кој се наоѓал на истите гробишта.

Кога стигнал до гробот на својот татко, Адилсон седнал на бетонскиот надгробен камен.

Во тој момент структурата наеднаш попуштила под неговата тежина и човекот пропаднал во гробницата.

Силен тресок го привлече вниманието на луѓето во близина. Кога сфатиле што се случило, веднаш повикале брза помош.

На местото на настанот пристигнале припадници на противпожарната служба и брзата помош, но несреќниот човек не можел да се спаси.

Лекарите можеле само да констатираат смрт. Неговото тело е извлечено од урнатата гробница и пренесено на обдукција.

Како што пишува Њујорк Пост, Марсаро бил погребан веќе следниот ден, на истите гробишта каде што го загубил животот.

Градските власти на Линхарес изразија сочувство до семејството и пријателите на жртвата.

Во соопштението тие наведуваат дека вработените на гробиштата веднаш ги известиле надлежните органи, но дека обидите за спасување биле неуспешни.

Воедно, тие ги потсетија граѓаните да бидат особено внимателни при посетата на гробните места, особено во пресрет на празникот Денот на мртвите, кога се очекува поголем број посетители.

По трагедијата се отвори и прашањето за безбедноста на гробните градби.

Градската управа соопшти дека е надлежна за одржување на заедничките површини, патеките и другите јавни делови на гробиштата.

Сепак, одржувањето на поединечните гробови и надгробни споменици, според локалните правила, е обврска на семејството на починатиот.

Бразилската цивилна полиција покрена истрага за да се утврдат сите околности на несреќата.

Засега не е соопштено зошто попуштила бетонската конструкција или дали претходно имало знаци на нејзино оштетување.

Тагови: гробот погреб

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Мора да го запрам убивањето на иранските лидери

Американскиот претседател Доналд Трамп изјави дека мора да престане да убива ирански лидери за да утврди со кого преговараат САД и го повтори својот став дека на Иран никогаш не смее да му биде дозволено да развива нуклеарно оружје.

Трамп: Мора да го запрам убивањето на иранските лидери

„Морам да престанам да убивам ирански лидери затоа што морам да сфатам со кого, по ѓаволите, преговараме“, рече Трамп на предизборен митинг во Џорџија, објави Дејли експрес. Трамп повтори дека Иран повеќе нема авиони, нема бродови и нема лидери.

„Лидерот од прво ниво го нема, лидерот од второ ниво го нема“, рече Трамп.

Тој, исто така, ја бранеше својата одлука од 2018 година да ги повлече САД од нуклеарниот договор со Иран од 2015 година, постигнат под тогашниот американски претседател Барак Обама, велејќи дека ја донел одлуката во клучно време за да го спречи Техеран да добие нуклеарно оружје.

„Го раскинав еден од најлошите договори што некогаш биле склучени, Заедничкиот сеопфатен план за акција (JCPOA) на Барак Хусеин Обама, познат и како нуклеарен договор со Иран, што доведе до тоа Иран да добие нуклеарно оружје. За среќа, го раскинав токму на време“, тврдеше Трамп.

Тој повтори дека САД го уништиле капацитетот за збогатување ураниум на Иран во воените операции спроведени оваа и минатата година.

„Ги победивме воено, финансиски и на други начини. Мора да се погрижиме тие никогаш, ама баш никогаш да не добијат нуклеарно оружје“, повтори Трамп.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Пет илјади патници уплатиле крстарење на топлите Бахами, а завршиле во студената Канада (ВИДЕО)

Повеќе од 5.000 патници кои очекуваа еднонеделен одмор на сончевите Бахами завршија во студената Канада откако Ројал Карибиан мораше да го пренасочи своето крстарење поради бура. 

Пет илјади патници уплатиле крстарење на топлите Бахами, а завршиле во студената Канада (ВИДЕО)

Бродот „Оаза оф д Сис“ исплови од Њу Џерси на 18 октомври на планирано седумдневно патување, но патниците дури на половина пат дознаа дека пловат кон Халифакс, Нова Шкотска, наместо кон тропските острови, објави CTV.

Неочекуван пресврт

Ненадејниот пресврт значеше дека патниците се пакувале за сосема погрешни температури. Ситуацијата беше влошена од објавата дека нема да им биде дозволено да го напуштат бродот додека е закотвен во пристаништето.

„Мојот сопруг ме праша: „Ова е шега, нели?““, изјави Мари Дурнинг од Њу Џерси за CTV News. „Донесов зимска капа и грејачи за уши, но го заборавив шалот.“

Патниците кои пристигнаа на крстарењето од подалечни земји немаа зимска облека со себе, ниту пак имаа каде да ја земат пред да се качат.

@chelsea_davis21 Bahamas? Canada? Tomato, tomato 🤷🏼‍♀️ #royalcaribbean #Canada #oasisoftheseas #halifax #novascotia ♬ original sound - Chelsea Davis

Разочарување на социјалните мрежи

Актерката Микајла Ајверсон објави видео на Инстаграм снимено на аеродромот Њуарк кратко откако дозна за промената. Во него, таа се пожали на ситуацијата, а видеото стана вирално со 1,4 милиони прегледи.

„Ни беше кажано, по слетувањето во Њуарк, дека нашето семејно крстарење до Бахамите, кое тргнува за само 12 часа, сега оди во Нова Шкотска? И нема да ни биде дозволено да се симнеме од бродот цела недела. @royalcaribbean, немаме облека за тоа“, напиша таа во објавата.

Меѓу патниците имаше и Канаѓани, кои практично беа испратени дома поради промената на рутата. „Многу сум разочаран“, рече Николас Мели од Торонто. Тој и неговото семејство возеа седум часа до Њу Џерси за да се качат на бродот. „Јас сум од Канада и сакав да одам на Бахамите“.

@katymarie923 It was a not so perfect day at cococay. Now it’s just me and my bonine against the seas. #royalcarribean #utopiaoftheseas ♬ Hoist The Colours (A Cappella) - The Wellermen & Eric Hollaway & Big Brev & Ebucs & Luke G. Taylor & Bobby Bass & Jesse Elkins & Davide Dalmonte

Се обидоа да ги обештетат

И покрај сè, дел од патниците решија да го извлечат најдоброто од ситуацијата. „Бидејќи потрошивме многу пари на ова патување, им реков на сите да ги надминат своите фрустрации пред да се качиме на бродот. Откако ќе се качиме на бродот, не сакам повеќе да слушам за тоа“, рече Двејн Хикс од Филаделфија.

„Така се среди, но сум благодарен и ќе се обидам да го извлечам најдоброто од ситуацијата“, додаде Џим Метјуз од Њу Џерси. „Освен тоа, слушнав дека Халифакс е прекрасен град.“

Тагови: Бахами

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер