Година на резултати: МЕРМС гради сигурна, модерна и европска енергетска иднина за Македонија - Канал 5

Македонија

Година на резултати: МЕРМС гради сигурна, модерна и европска енергетска иднина за Македонија

Еден од најзначајните резултати е донесувањето на новиот Закон за енергетика, целосно усогласен со европското законодавство и позитивно оценет од Енергетската заедница.

Година на резултати: МЕРМС гради сигурна, модерна и европска енергетска иднина за Македонија

Во изминатата година Министерството за енергетика, рударство и минерални суровини реализираше една од најобемните реформски и инвестициски агенди во областа на енергетиката, рударството и управувањето со природните ресурси, поставувајќи цврсти темели за поголема енергетска сигурност, економски развој и подобар животен стандард на граѓаните.

Во периодот јуни 2025 – јуни 2026 година Министерството работеше на повеќе од 700 домашни и меѓународни активности, средби и настани, при што паралелно се спроведуваа крупни законски реформи, стратешки инфраструктурни проекти и политики за зелена и праведна енергетска транзиција.

„Ова беше година на резултати. Година во која создадовме нови закони, започнавме историски инфраструктурни проекти, обезбедивме значајна меѓународна поддршка и воведовме ред, план и транспарентност во секторите кои се од суштинско значење за развојот на државата“, истакна министерката за енергетика, рударство и минерални суровини Сања Божиновска.

Реформи и европски стандарди

Еден од најзначајните резултати е донесувањето на новиот Закон за енергетика, целосно усогласен со европското законодавство и позитивно оценет од Енергетската заедница. Истовремено, усвоен е Интегрираниот национален план за енергија и клима 2025-2030, со кој се предвидени 61 конкретна мерка за декарбонизација и енергетска транзиција.

Паралелно се работеше на новите законски решенија за обновливи извори на енергија, рударство, геологија и јавно-приватни партнерства, со цел создавање современа и предвидлива регулаторна рамка за граѓаните и инвеститорите.

Реформски напредок (2024 vs 2025/2026):

- Пазари и пазарна интеграција: Рaст од 54% на 61%.

- Сигурност во снабдување: Рaст од 21% на 41%.

Историски инфраструктурни проекти

Во областа на нафтата и природниот гас беа реализирани значајни активности за зголемување на енергетската безбедност на државата.

По 13 години повторно беше ставен во функција продуктоводот Солун-Скопје, започна изградбата на гасната интерконекција со Грција, објавен е тендер за интерконекцијата со Србија, а Македонија стана дел од регионалниот проект „Вертикален коридор“. Изработена е и национална Проценка на ризик во снабдувањето со гас согласно европската регулатива.

Обновливи извори и батериски системи – енергијата на иднината

Министерството воспостави нов модел на планирање на инвестициите преку Годишните планови за изградба на енергетски објекти за 2025 и 2026 година.

Само за Планот за 2027 година до Министерството пристигнаа повеќе од 800 иницијативи од приватни и државни инвеститори. Воспоставен е ГИС систем за дигитализација на постапките за ветерна енергија, исплатени се над 50 милиони денари поддршка за производство на енергија од обновливи извори, а батериските системи за складирање на енергија станаа столб на новата енергетска политика.

- Воспоставена обврска за батериски системи за складирање на енергија.

- Подобра интеграција на соларни и ветерни електрани.

- Поголема сигурност на електроенергетскиот систем.

- Намалување на загубите и балансирачките трошоци.

- Поддршка на енергетската транзиција и декарбонизацијата

Рударство и геологија – одржливо управување со природните богатства

Во рударството и геологијата се воспостави нов пристап заснован на одржливост, контрола и стратешко управување. За првпат формиран посебен Сектор за геологија, за стратешко управување со геолошките истражувања и критичните минерални суровини. Донесена е првата Стратегија за геолошки истражувања и одржливо искористување на минералните суровини 2026–2046

Активно се управува со 284 рудници, воведен е модерен дигитален надзор за ефикасна и зајакната контрола, а значително се зголемени приходите од концесиски надоместоци. Раст од над 200% на приходите од концесии по основ на експлоатирана и продадена минерална суровина.

За првпат се регулира и статусот на македонскиот рубин и другите скапоцени и полускапоцени камења.

Министерката за енергетика, рударство и минерални суровини, Сања Божиновска, на брифинг со новинарите соопшти дека е заокружен процесот на институционална заштита на македонскиот рубин како минерал со географко потекло - македонски, Со оваа одлука, македонскиот рубин добива статус на заштитено национално минерално наследство.

Праведна транзиција и енергетска ефикасност

Министерството воспостави функционален систем за праведна транзиција и механизми за следење на реализацијата на мерките предвидени со националните политики.

Во областа на енергетската ефикасност беше усвоен Тригодишен план за реновирање на јавните објекти, програма со буџет од 11 милиони евра, насочена кон комплетна реконструкција на објекти со висока потрошувачка на енергија. Проектот вклучува 14 големи згради во кои моментално се сместени дури 33 државни институции. Започна воспоставувањето на Национален инвентар на јавни згради, донесена е Уредба за ЕСКО моделот, а обезбедени се значајни средства за нови инвестиции во оваа област (одобрени 50 милиони евра за енергетска ефикасност)

Меѓународно позиционирање на Македонија

Во текот на изминатата година Македонија беше домаќин на 14-тиот Меѓународен форум за енергија за одржлив развој (IFESD-14), на кој учествуваа над 1.000 претставници од повеќе од 70 држави и над 150 меѓународни експерти.

Истовремено беа воспоставени нови стратешки партнерства, меѓу кои и Меморандумот за разбирање со Соединетите Американски Држави за безбедност на снабдувањето со природен гас, со Хрватска за поголема регионална енергетска поврзаност. Обезбедени се и 5,2 милиони евра ИПА средства за развој на енергетскиот сектор.

Конкретни резултати за граѓаните

Покрај стратешките реформи, Министерството обезбеди и директна поддршка за ранливите категории граѓани преку:

4.070 ваучери за инвертер клима уреди;

148,8 милиони денари поддршка за ранливи потрошувачи;

Донесена Методологија за мерење на енергетска сиромаштија

Правна заштита на државните интереси

Преку воведување на механизми за целосна транспарентност и ревидирање на договорите, се стави крај на неодговорното управување и воспоставивме бескомпромисна правна заштита на државните ресурси и јавниот интерес. Покренати 25 постапки за наплата на побарувања во вредност од над 10 милиони денари. Добиени судски пресуди во корист на Министерството во износ од над 1,5 милиони денари. Намален финансиски ризик за над 380 милиони денари - од судски побарувања.

Донесени измени и дополнувања на Законот за возила и подготвени нови подзаконски акти.

Дигитализација и отворено Министерство

Министерството реализираше значајни проекти за дигитална трансформација, со воведување на ERP, GIS и DMS системи, нови електронски услуги за граѓаните (аплицирање за субвенции), како и современи системи за сајбер.

Во областа на транспарентноста и комуникацијата, министерството сите информации ги објавува транспарентно на веб сајтот, реализирани се повеќе од 300 соопштенија, интервјуа и јавни настапи, организирани се бројни прес-конференции и теренски активности, а сите 58 пристигнати барања за слободен пристап до информации од јавен карактер се обработени и навремено одговорени.

Зајакната соработка

Преку постојан дијалог со бизнис заедницата, граѓанскиот сектор, научната јавност и локалните самоуправи, се изгради отворено и инклузивно Министерство кое решенијата ги носи заедно со сите општествени чинители.

Покрај постојните меморандуми за соработка, изминатата година се потпишаа меморандуми меѓу Министерството за енергетика и УНДП, со македонското друштвото на геолози „Геолог“.

Вратите на Министерството отворени за студентите – потпишан Меморандум со Машинскиот факултет, со Технолошко-металуршкиот факултет и ФИНКИ. Министерството е отворено за студентска пракса.

Министерството за енергетика, рударство и минерални суровини останува посветено на реализацијата на реформската агенда, завршувањето на стратешките инфраструктурни проекти, понатамошната интеграција со европскиот енергетски пазар и создавањето сигурна, модерна и европска енергетска иднина за Македонија.

Министерство за енергетика, рударство и минерални суровини

Тагови: МЕРМС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Газда на албански клуб влезе во соблекувалната со торба пари, настана хаос (ВИДЕО)

Фудбалскиот клуб Динамо од Тирана се квалификуваше во плејофот на Конференциската лига откако ја елиминираше латвиската Ауда со вкупен резултат од 4:1.

Газда на албански клуб влезе во соблекувалната со торба пари, настана хаос (ВИДЕО)

За влез во групната фаза од натпреварувањето, албанскиот тим сега го чека кипарскиот Пафос, клуб кој претходно го елиминираше Хајдук од Сплит.

Наградата за пласманот и бонус од половина милион евра

Еуфоријата во клубот дополнително ја поттикна претседателот Ардијан Барди. По победата против Ауда, тој влезе во соблекувалната со торба полна со пари за да ги награди играчите за пласманот во плејофот, а веднаш објави и нов, уште поголем бонус. Доколку тимот успее да го елиминира Пафос, играчите ќе ја поделат сумата од 500.000 евра. Снимките од соблекувалната покажуваат огромна прослава додека низ собата летаа банкноти.

Голем предизвик во плејофот

И покрај славеничката атмосфера и финансиската мотивација, Динамо влегува во дуелот со Пафос како аутсајдер. Кипарскиот клуб претставува најтешкиот тест за тимот од Тирана во овие квалификации, а натпреварите ќе го покажат вистинскиот потенцијал на тимот на европската сцена. Првиот натпревар од плејофот помеѓу Динамо и Пафос се игра овој четврток, а домаќин ќе биде албанскиот клуб. Навивачите со нетрпение го очекуваат настапот на својот тим во еден од клучните натпревари во сезоната.

Тагови: соблекувалната

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Се враќа култниот Мерцедес во ново пакување- има V8 мотор и чини околу 480.000 долари (ВИДЕО)

Еден од најпознатите класици на Мерцедес доби прилично радикален третман во форма на неконвенционален наследник кој наскоро ќе можете да го видите на патиштата.

Се враќа култниот Мерцедес во ново пакување- има V8 мотор и чини околу 480.000 долари (ВИДЕО)

Американскиот Kugel Werks го претстави One Eleven, рестомод кој ги задржува препознатливите линии на Mercedes W111 Coupe, но под него ја крие технологијата на многу помодерен Mercedes.

Резултатот е автомобил кој на прв поглед наликува на елегантен Мерцедес од 1960-тите, но со 510 КС, модерна суспензија, сопирачки и електроника. Кугел не го обнови само стариот W111 и инсталираше помоќен мотор. One Eleven е базиран на модерната платформа на AMG C63 S, додека каросеријата е моделирана по класиката.

Класик на Мерцедес кој е стар повеќе од шест децении

Mercedes-Benz W111 беше претставен во 1959 година, првично како луксузен седан препознатлив по неговиот препознатлив заден дел. Елегантното купе и кабриолет пристигнаа во 1961 година, а овие верзии се меѓу најценетите класични Мерцедес денес.

За нивниот изглед е одговорен и познатиот француски дизајнер Пол Брак, а елегантните пропорции на W111 Coupe се покажаа како доволно безвременски за да послужат како инспирација за One Eleven повеќе од шест децении подоцна.

Работилницата во Калифорнија одлучи да го зачува основниот карактер на тој дизајн и да го комбинира со модерната технологија.

W111 со тјунер ескапади

Ако оригиналниот W111 беше синоним за елеганција и воздржаност, One Eleven оди на сосема спротивен начин.

Пропорциите на оригиналот се препознатливи со исправениот преден дел, долгата хауба, тенките столбови на покривот и издолжениот заден дел, но речиси сè останато стана значително поагресивно.

Кугел го издолжи капакот на моторот, ги прошири браниците и ги преработи браниците, а автомобилот доби големи бандажи, поистакнати прагови и модерни LED елементи напред и назад. Деталите за хром отстапија место на сјајната црна боја.

Резултатот изгледа малку како германски туринг автомобил од 1990-тите од некоја алтернативна иднина, екстремно низок, широк и поставен на големи моноблок бандажи.

Основата е модерен спортист со V8 ѕвер

Најголемото изненадување сепак е под телото.

One Eleven ја користи техничката основа на претходната генерација на Mercedes-AMG C63 S Coupe, односно моделот W205. Од него беа земени погонската единица, суспензијата, сопирачките и модерната електроника.

Го придвижува 4,0-литарски V8 битурбо мотор со 517 КС и 700 Nm вртежен момент. Силата се пренесува на задните тркала преку седум-брзински AMG Speedshift MCT менувач.

Тоа е голема разлика во споредба со оригиналниот W111 и неговите мотори од времето кога сто коњски сили беа сериозна бројка.

Кугел веќе направи нешто слично

Ова не е прв пат компанијата од Лос Анџелес да комбинира класичен Мерцедес со модерна AMG технологија.

Пред One Eleven, компанијата го направи Kugel 600, врз основа на Mercedes-Benz 600 W100 од 1967 година. И кај него, рецептот беше сличен, само поекстремен: под класичната каросерија беше технологијата на Mercedes-AMG E63 S, вклучувајќи 4,0-литарски V8 битурбо, погон на сите тркала и модерен ентериер.

Внатрешноста засега останува тајна

Кугел сè уште не ја покажал целосно внатрешноста на новиот автомобил. Нивниот претходен проект, сепак, навестува што би можело да се крие зад вратата.

Во Kugel 600, голем дел од модерниот кокпит AMG е пренесен заедно со механиката, вклучувајќи ја контролната табла и спортските седишта.

За One Eleven, производителот моментално ги потврдува широките можности за персонализација. Клиентите ќе можат да ја изберат бојата на каросеријата и изгледот на ентериерот и да комбинираат кожа, алкантара, дрво, јаглеродни влакна и други материјали.

Секоја копија ќе биде направена по желба на купувачот, а производството ќе биде ограничено. Кугел се уште не го прецизира точниот број на автомобили кои ќе се произведуваат.

А цената?

Според објавените информации, првите испораки на One Eleven се планирани за оваа година, а се споменува почетната цена од околу 480.000 долари.

Тоа е значително помалку од претходниот Kugel 600, чија цена беше наведена на околу 850.000 долари.

Така, One Eleven комбинира два многу различни периоди од историјата на Мерцедес: изгледот на едно од најелегантните купеа на марката од 1960-тите и технологијата на еден од последните модели C63 S со V8 мотор и погон на задните тркала.

Тагови: V8 мотор мерцедес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крвав напад во Авганистан: 50 повредени, од кои најмногу деца, во експлозија на бомба во близина на училиште

Во напад со рачна граната во близина на училиште во авганистанскиот главен град Кабул вчера попладне беа повредени 50 лица, објави CBS 17 Plus.

Крвав напад во Авганистан: 50 повредени, од кои најмногу деца, во експлозија на бомба во близина на училиште

Портпаролот на полицијата во Кабул, Халид Задран, доцна во понеделник изјави дека „голем број деца“ се повредени и дека е во тек истрага. Тој не даде дополнителни детали.

Ричард Бенет, специјалниот известувач на Обединетите нации за Авганистан, го осуди „грозоморниот напад во кој беа повредени голем број деца во близина на училиште“.

Авганистанските медиуми објавија дека околу 25 деца се повредени во експлозијата. Експлозијата се случила во дел од главниот град кој е претежно населен со членови на етничкото малцинство Хазара.

Болница во западен Кабул наведе најмалку 19 лица како повредени, вклучувајќи 14 девојчиња на возраст меѓу девет и 14 години.

Портпаролот на талибанците, Забихулах Муџахид, изјави дека прелиминарните информации укажуваат дека во училиштето е фрлена рачна граната и дека повредите на учениците се полесни.

Тој рече дека е во тек истрага и дека безбедносните сили работат на идентификување и апсење на одговорните.

Хазарите, кои сочинуваат околу девет проценти од населението на Авганистан, се соочуваат со децении напади и прогон.

Повеќето се шиитски муслимани и во минатото често биле мета на сунитски екстремисти како што е групата Исламска држава. Тие, исто така, се соочуваат со дискриминација во земја каде што мнозинското население се сунити.

Во мај 2021 година, неколку месеци пред Талибанците да ја преземат власта во Авганистан по хаотичното повлекување на американските и сојузничките сили, во три експлозии во училиште во Кабул загинаа десетици луѓе. Сите жртви беа членови на заедницата Хазара, повеќето од нив млади девојки кои штотуку излегле од училиште.

Тоа училиште, како и она во близина на кое се случи експлозијата во понеделник, се наоѓаше во населбата Дашт-е-Барчи во Кабул, главно упориште на заедницата Хазара во авганистанскиот главен град.

Бенет напиша на социјалната мрежа X дека е неопходна независна истрага за да се изведат одговорните пред лицето на правдата. „Овој претежно хазарски дел од Кабул повторно е мета на напади. Осудено!“, напиша Бенет.

Тагови: Авганистан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер