ГОБ „8 Септември“ доби софистицирани медицински апарати од Јапонската амбасада во Скопје - Канал 5

Здравје

ГОБ „8 Септември“ доби софистицирани медицински апарати од Јапонската амбасада во Скопје

Заокружени се два значајни проекта финансирани преку јапонската Програма за мали грантови (GGP) чија вредност е околу 160 илајди евра.

ГОБ „8 Септември“ доби софистицирани медицински апарати од Јапонската амбасада во Скопје

Во ГОБ „8 Септември“ од денеска пациентите со кардиоваскуларни заболувања ќе имаат можност за дијагностика и лекување со новиот дигитален подвижен ангеограф на одделот за кардиологија во вредност од околу 100 илјади евра, информира министерот за здравство Беким Сали кој присуствуваше на настанот за предавање на медицинските апарати од Јапонската амбасада на оваа болница.

Тој посочи дека станува збор за значајна донација со која според проценките двојно ќе се зголеми капацитетот за кардиолошки процедури во оваа здравствена установа.

– Во врска со новиот ангеограф, голема благодарност до Јапонската амбасада иако програмата за грант изнесуваше околу 80 илјади евра со нивни напори се надмина тој лимит и се овозможи таква една напредна апаратура и опрема да биде достапна за нашиот народ. Значајни се и придобивките од инсталирањето на дигиталниот ехо апарат на одделот за интервентна радиологија за дијагностика на пациенти со канцерогени заболувања на внатрешни органи во вкупен износ од 61 илјада евра, рече Сали.

Во текот на изминатата година, како што информира тој, се извршени околу 800 комплексни интервентни процедури и 2000 ехо прегледи.

– Преку јапонската програма за мали грантови досега се финансирани над 60 проекти во здравствениот сектор во вредност од над три милиони евра во медицинска опрема, реновирање клиники, возила за брза помош и друго. Јапонија во последните две години во јавните здравствени установи донираше медицинска опрема во вредност од 813 илјади евра како итна помош за Ковид 19, нагласи Сали.

Јапонскиот амбасадор во земјава Хиронори Савада појасни дека Јапонија на ГОБ „8 Септември“ и донираше дигитален ехо апарат од брендот „Канон“ за одделот интервентна кардиохирургија и за одделот кардиологија.

– Кардио болестите и ракот се меѓу главните причини за морталитет во Северна Македонија. Јапонскиот народ е среќен и горд што му помага на македонскиот народ да има подобри здравствени услови. Тоа го правиме во рамки на јапонската програма GGP. Од 1996 година Јапонија поддржа проекти во секторот здравство, образование и животна средина во Северна Македонија. Досегашната јапонска поддршка изнесува вкупно 8,5 милиони евра за 171 GGP- проект. Во рамки на иницијативата Западен Балкан, Јапонија е силно посветена да ја поддржи Северна Македонија во социјалниот и економскиот развој што е многу важно за евроинтеграцијата. Се надевам и во иднина ќе можеме да го поддржиме здравствениот сектор и неговите капацитети, рече Савада.

Директорот на болницата Христијан Костов се заблагодари за донацијата и нагласи дека станува збор за многу софистицирана медицинска опрема со што ГОБ „8 Септември“ станува доста модернизирана во тие две области.

– Голема благодарност до Јапонската амбасада која овозможи таква софистицирана апаратура да дојде кај нас и да се овозможи да се вршат тие многу прецизни интервентни кардиолошки и интервентни радиолошки процедури за сите граѓани во нашата држава. Со тоа, редот на чекање се намалува, здравствената заштита и квалитетот се зголемува и ќе нема потреба од соодветни мислења надвор од државата или во некои други медицински установи, нагласи Костов.

Одговарајќи на новинарско прашање, министерот Сали рече дека во март е потпишан договор со три компании за набавка на три ангеографи во државата и кои би требало веќе да се инсталираат. Тоа, како што рече, се три институции кои работат интензивно во радилогија, крадиологија и клиничката болница во Штип. Нагласи дека постојано инвестираат во опрема и оспособување на капацитети за пружање на квалитетна здравствена заштита.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Хајди Клум позира топлес покрај базен: Обожавателите ја нарекуваат „кралица“

Хајди Клум (53) го искористи сончевиот викенд за релаксација покрај базен. Во неделата, манекенката објави фотографија на Инстаграм на која седи на работ од базенот, со нозете во водата и кренати раце.

Хајди Клум позира топлес покрај базен: Обожавателите ја нарекуваат „кралица“

Таа носеше само долен дел од црно бикини и качкет, додека покрај неа седеше нејзината 22-годишна ќерка, Лени. Лени во скутот држеше кученце по име Фриц – кое Хајди го вдоми во април. „Недела“, напиша таа кратко покрај фотографијата.

Хајди не се крие

Објавата брзо го привлече вниманието на нејзините следбеници, кои го преплавија делот за коментари со комплименти. Некои ја нарекоа „кралица“ и „божица“, додека други едноставно напишаа „вау“.

Хајди со години отворено зборува за својот став кон сопственото тело и голотијата. Во интервју за списанието „People“, таа објасни дека ваквиот пристап за неа е сосема природен.

„Отсекогаш сум била многу отворена во однос на своето тело. Кога се сончам во градината, понекогаш не носам горен дел. Јас сум Европејка... моите деца никогаш не ме запознале поинаку, што веројатно е причината зошто тие се поопуштени во однос на сопствените тела“, изјави таа.

Манекенката исто така истакна дека никогаш премногу не се грижела за тоа како изгледа пред другите. „Отсекогаш сум имала самодоверба. Немам проблем да шетам наоколу во долна облека. Не се кријам по ќошиња“, појасни Хајди.

Таа не сака инјекции за слабеење

Клум претходно зборуваше за тоа како се справува со телесните промени што доаѓаат со стареењето. Според неа, во тоа има поддршка од нејзиниот сопруг, Том Каулиц (37), кој ја охрабрува да не биде опседната со стандардите за слабост наметнати од модната индустрија.

Денес, таа смета дека неколкуте килограми вишок воопшто не ѝ пречат и дека таквата фигура одлично ѝ прилега. Истовремено, таа изјави дека нема интерес за лекови за слабеење, како што се „Ozempic“, „Wegovy“ или „Mounjaro“.

Наместо тоа, таа се стреми да одржува рамнотежа преку исхраната и редовната физичка активност. Не поминува часови во теретана, бидејќи претпочита поедноставни форми на вежбање. Дома, во Лос Анџелес, таа често скока на трамболина или изведува вежби со сопствена тежина, вклучително и чучњеви.

Тагови: Хајди Клум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Жена со ебола пренесена во Швајцарија, има сомнеж за уште еден случај

Маж, за кој постои сомневање дека е заразен со ебола, пристигна во Швајцарија од Нигерија и е примен во Универзитетската болница во Цирих, потврди денеска портпарол на болницата, пренесува Ројтерс.

Жена со ебола пренесена во Швајцарија, има сомнеж за уште еден случај

Владата на Нигерија претходно соопшти дека жена заразена со ебола – сопруга на швајцарски дипломат – утрово заминала за Швајцарија со специјален лет за медицинска евакуација. Во авионот бил и нејзиниот сопруг. Според веб-страниците за следење летови, авионот пристигнал во Швајцарија попладнево.

Жена пренесена во Женева на лекување

Портпаролот на болницата во Цирих не го откри идентитетот на мажот, но потврди дека една жена е пренесена во Женева на лекување. Властите во Женева одбија да го коментираат случајот, наведувајќи дека швајцарската влада наскоро ќе издаде соопштение со дополнителни детали.

Извор: Индекс.хр

Тагови: ебола Швајцарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Дури ни соработката со „Xpeng“ не помага: „Volkswagen“ во криза

Уделот на кинескиот пазар во вкупната добивка на групацијата е намален од речиси 50 отсто на околу 10 отсто, а партнерството со локалниот производител „Xpeng“ сè уште не ги дава очекуваните резултати.

Дури ни соработката со „Xpeng“ не помага: „Volkswagen“ во криза

Со години, Кина беше еден од најважните пазари за „Volkswagen“, но ситуацијата значително се промени.

Уделот на Кина во вкупната добивка на групацијата падна од речиси 50 отсто на околу 10 отсто, а партнерството со кинескиот производител „Xpeng“ сè уште не ги носи очекуваните резултати.

„Volkswagen“ инвестираше 700 милиони долари во „Xpeng“, стекнувајќи удел од 4,99 отсто.

Двете компании развија заедничка електрична и електронска архитектура за нови електрични возила, вклучувајќи ги моделите „ID. Unyx 08“ и „ID. Unyx 09“.

Концептот беше автомобилите да се развиваат и произведуваат во Кина, приспособени за локалните купувачи.

Сепак, продажбата на првиот модел е далеку под предвидувањата. Според податоците објавени од Ројтерс, во периодот од април до август, месечно се продавале во просек само 267 примероци од моделот „ID. Unyx 08“.

Тоа е помалку од десет отсто од првичната цел од 3.622 возила месечно.

Поради овие слаби резултати, „Volkswagen“ ја намали целта за продажба за 2026 година од 32.600 на 12.300 автомобили.

Целта за 2027 година исто така е ревидирана, намалувајќи се од 70.400 на 64.000 возила. Технологијата и продажната мрежа како предизвик

Моделот „ID. Unyx 08“ се одликува со модерен дизајн и богата дигитална опрема. Сепак, според извештаите, тој заостанува зад одредени кинески конкуренти во поглед на технологијата и брзината на полнење.

Продажната мрежа претставува дополнителен предизвик: моделот првенствено се продава преку околу 166 продажни места на „Volkswagen Anhui“, наместо преку значително пошироката мрежа на партнерства со „FAW“ и „SAIC“. Сепак, „Volkswagen“ останува посветен на Кина. Компанијата очекува месечна продажба од најмногу 4.900 примероци од седанот „ID. Unyx 09“, со долгорочна цел до 2034 година да достигне 90.000 возила годишно.

Овој модел ќе им конкурира на возила како што се „Tesla Model 3“ и „Xiaomi SU7“.

Германскиот производител, исто така, ја разгледува можноста за извоз во Европа на возила произведени во Кина.

Сепак, дополнителните царини за автомобилите произведени во Кина би можеле да го отежнат овој план. Поради тоа, како алтернатива се разгледува производство во германските погони, кои моментално работат со капацитет под максимумот.

Извор: Б92

Тагови: Volkswagen Кина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер