Тајланѓанката Супатра „Нати“ Сасупан, позната како највлакнестата девојка на светот, поминала низ тежок период растејќи затоа што во текот на детството била цел на задевања и ги плашела своите школски другари со својот уникатен изглед. И покрај сѐ, таа успеа да најде љубов и да го прифати својот изглед по долги години борба, низ која помина заедно со родителите, за на крајот гордо да го открие своето лице без влакна.

На 5 август 1999 година се родило малото девојче, чие раѓање засекогаш ќе остане врежано во сеќавањата на лекарите и нејзините родители. Имено, доаѓањето на новото дете ги исполнува новите мама и тато со радост и воодушевување, што го почувствувале Сомпон и нејзиниот сопруг Самрернг, но нивната среќа била заматена со шок, страв и неверување кога го виделе своето девојче.

-Кога ја видов во инкубаторот се шокирав колку коса има. Во еден момент сè уште мислев дека тоа е нормална количина коса – изјавила Сомпон, признавајќи колку била збунета од она што го доживеала.

Кога се родила Нати, нејзината мајка сакала да ја напушти болницата, но лекарите не сакале да ја пуштат, бидејќи мислеле дека ќе побегне и ќе го остави детето.

- Му кажав на докторот дека никогаш нема да го оставам своето дете, без разлика на сѐ. Имаме среќа што се роди - изјави Сомпон.

Нати пораснала во прекрасно семејство, но не сите ја прифатиле нејзината состојба, поради што поминала низ многу непријатности.

Нати пораснала со лице покриено со густа коса. Бидејќи Амбрасовиот синдром е неизлечив и отпорен на техники како ласерско отстранување на влакна или каков било третман кој го забавува растот на косата, девојчето морало да се помири со тоа како изгледа. На училиште, пак, ја исмејувале, давајќи и погрдни прекари како врколак и мајмун.

Наставничката на Ната, Куљира Посенг раскажала како другите деца се плашеле од неа.

- Нати на почетокот имаше навистина тежок период на училиште, но како одминуваше времето, докажа дека е како и сите други - истакна Посенг.

Наставниците на Ната ја опишале како вредна ученичка со добри оценки. Сите други луѓе кои ја познавале го кажале истото, велејќи дека со текот на времето успеала да ги придобие своите школски другари и да стане исклучително популарна. Голем придонес за тоа имале нејзините родители кои никогаш не дозволиле нивната ќерка да се чувствува инфериорно во однос на другите. Ја носеле насекаде бидејќи не се срамеле од фактот што не личи на другите деца.

Нати во 2011 година била запишана во Гинисовата книга на рекорди како највлакнеста тинејџерка во светот, по што истакнала дека е многу горда на таа награда.

- Тоа што сум влакнеста ме прави посебна. Ова е најсреќниот ден во мојот живот! Имаше неколку луѓе кои ме задеваа и ме нарекуваа мајмунско лице, но сега не го прават тоа - рече Нати и во еден од првите документарни филмови за себе откри дека кога ќе порасне сака да стане докторка во со цел да им помогне на луѓето.

Во еден момент лекарите се обиделе да ѝ помогнат на Нати и да ѝ отстранат барем дел од косата со ласерски третман, но таа повторно почнала да расте и била густа како порано.

И покрај овие неуспешни обиди, Нати останала решена да живее среќен и весел живот, да се дружи и да ужива во гледањето цртани филмови како и секое друго дете. Таа ја прифатила нејзината состојба и фактот дека нема лек за тоа. Таа ја чувала својата коса таква каква што била од кога се родила, но го избричила лицето дури кога дошла во пубертет. Во тој момент нејзината самодоверба станала приоритет, а набрзо ја нашла и љубовта.

She was known as the world's hairiest girl.

For the fact she had hair all over her face, but despite all the odds, she tied the knot to the love of her life in that same condition and shaved her face for the first time Supatra won 'The World's Hairiest Girl' record by GWR. pic.twitter.com/neElgMHFcX

— Eevee TV (@eeveesocialtv) January 4, 2018

- Започна како пријателство, а потоа станавме пар. Кога разговаравме, бев среќна. Кога бевме заедно, бев опуштена и се слушавме. Тоа е љубов каква што не очекував да ми се случи - признала Нати.

Таа споделила и неколку слики од себе и нејзиниот убавец. Нејзиното лице е без коса, поради што многумина мислат дека е излечена. Сепак, нејзиниот татко открил дека Нати едноставно донела одлука да се избричи.

И покрај предизвиците со кои се соочувала додека растела, Нати успеала да ја најде среќата. Таа е пример за храброст, самодоверба и самољубие, поради што и денес инспирира многумина да ја прифатат нивната уникатност и да ја откријат својата внатрешна убавина, пренесе српски Курир.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.