Го нарекуваше Трамп „идиот“ и „американски Хитлер“, сега ќе му биде потпретседател - Канал 5

Свет

Го нарекуваше Трамп „идиот“ и „американски Хитлер“, сега ќе му биде потпретседател

Портпаролот на угнетената Америка кој стана жесток поддржувач на „трампизмот“, Џеј Ди Венс ќе стане американски потпретседател по изборната победа на Доналд Трамп.

Го нарекуваше Трамп „идиот“ и „американски Хитлер“, сега ќе му биде потпретседател

Хина

Портпаролот на угнетената Америка кој стана жесток поддржувач на „трампизмот“, Џеј Ди Венс ќе стане американски потпретседател по изборната победа на Доналд Трамп, што ќе биде врв на неговата нетипична животна приказна и молскавично брз политички подем, пишува Франс Прес.

-Мислам дека сме сведоци на најголемото политичко враќање во историјата на Соединетите држави, рече поранешниот војник и успешен автор во средата откако Трамп го освои вториот претседателски мандат. Со 40 години, 38 години помлад од Трамп, сенаторот од Охајо дојде на „едно отчукување на срцето“ до претседателството.

Прифаќајќи ја потпретседателската номинација на Републиканската партија во јули, тој ги повика Американците да „одберат нов пат“ со Трамп.

На републиканската конвенција, која тој ја опиша како „прослава на она што беше Америка и што, по Божја милост, наскоро ќе биде повторно“, Џеј Ди Венс вети дека ќе го заштити народот и ќе се бори за „американските граѓани, нивните работни места и нивните плати“.

Го опиша Трамп како „идиот“ кој „може да биде американскиот Хитлер“

Пред да се приклучи на кампањата на Трамп, еклектичниот конзервативец се залагаше за прашања во Конгресот за кои се грижеше неговиот работодавец, како што се антиимиграцијата и протекционизмот.

-Имам добро сеќавање. Ако политички се борите против Трамп и кандидатите што тој ги поддржува денес, не доаѓајте кај мене за една година да барате помош за да го усвоите вашиот закон или проектите за кои се грижите, предупреди на почетокот на годината сенаторот со тркалезно лице, беспрекорна фризура и негувана брада.

Тогаш неговите противници реагираа на ова без да пропуштаат да ја нагласат иронијата на ситуацијата: пред да почне жестоко да го брани Доналд Трамп, Џеј Ди Венс не го штедел од критиките.

Откако изјави дека е „човек кој никогаш нема да биде за Трамп“, тој исто така го опиша магнатот како „идиот“ и дури изрази загриженост дека тој може да биде „Хитлер од Америка“.

„Hillbilly Elegy“

Пред да влезе во политиката, Џеј Ди Венс имаше, во најмала рака, нетипичен животен пат.

Тој израснал во сиромаштија во т.н Раст Бет, североисточен американски регион погоден од деиндустријализацијата, а потоа и се приклучи на војската. Неговите родители се развеле кога тој бил млад, а го воспитувале главно баба и дедо по мајка. Студирал право на Јеил, еден од најпрестижните универзитети во земјата, а потоа изградил кариера во Силиконската долина.

Тој стана познат благодарение на „Hillbilly Elegy“, книга објавена во 2016 година. Во оваа автобиографија, која стана бестселер и беше снимена во филм, Џеј Д. Венс го прикажа своето хаотично детство во бела Америка опфатена со сиромаштија и зависност и им даде глас на разочараната, угнетената и лута работничка класа.

Се фали со својата вера

Дури подоцна им се придружил на Трампистите. Неговата книга го привлече вниманието на постариот син на Трамп, Доналд Трамп Помладиот, и тие станаа добри пријатели. Тој го ископира борбениот стил на Трамп и ја доби неговата поддршка за неговата кампања во Сенатот во 2022 година.

Како човек кој ја истакна својата христијанска вера како приватен и политички компас, тој се трансформираше во жесток бранител на републиканскиот магнат кој се соочува со кривични и граѓански постапки.

„Администрацијата на Бајден сака Трамп да умре во затвор и сака да го уништи неговото семејство. Тоа е најголемиот напад врз демократијата досега забележан“, рече тој во март.

Новата десница

Со сопругата Уша, адвокатка со индиско потекло, Џеј Ди Венс има три деца. Тој целосно се согласува со шефот кога станува збор за миграцијата и економијата, а повеќе е десничар за други прашања, како што е абортусот.

Џеј Ди Венс дури стана лидер на движењето „Нова десница“, млади конзервативци кои се обидуваат да го радикализираат изолационистичкото и антиимиграциското движење на Трамп, забележа Политико во март. Движењето „го гледа Трамп само како прва фаза од поголемата популистичко-националистичка револуција која веќе ја менува американската десница“, според Политико.

„И ако ги постигнат своите цели, наскоро ќе ја трансформираат цела Америка“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Сомнителни книги во библиотека од 30 милиони евра- се истражува дали ги напишала вештачка интелигенција

Суд во Индија нареди истрага за наводите дека јавна библиотека во јужната држава Тамил Наду купила стотици книги за кои се сомнева дека се генерирани од вештачка интелигенција (ВИ).

Сомнителни книги во библиотека од 30 милиони евра- се истражува дали ги напишала вештачка интелигенција

Контроверзноста избувна откако тамилскиот писател Перумал Муруган посочи книги со неточни информации и сомнително авторство во новоизградена библиотека во градот Коимбаторе, објави Би-Би-Си.

Набавки и сметки под истрага

Високиот суд во Мадрас ѝ наложи на антикорупциската агенција да ја истражи спорната набавка и да ги замрзне банкарските сметки поврзани со издавач за кој се сомнева дека ги снабдувал книгите.

Случајот се однесува на библиотеката Перијар Аривулагам, чија изградба чинела околу три милијарди рупии (30,7 милиони евра).

Авторот Муруган тврди дека речиси 1.800 книги на тамилски јазик биле купени од малку познат издавач, Агал Вилаку Патипагам, а меѓу спорните примери се публикации со непознати автори, невообичаено високи цени и сомнителни меѓународни стандардни броеви на книги (ISBN).

Дополнителни сомневања покрена книга пронајдена во друга јавна библиотека, во која како автор е наведен познатиот економист Жан Дрез.

Сепак, тој рече дека не ја напишал книгата и изрази загриженост дека неговото име е употребено без дозвола.

Некои книги веќе се отстранети

Министерот за образование на државата Тамил Наду, А. Рајмохан, го опиша случајот како потенцијално „прва измама со вештачка интелигенција во Индија“ и најави преглед на купувањата во јавните библиотеки низ целата држава.

Тој рече дека 523 книги веќе се отстранети од историската библиотека Конемара во Ченај, на југоистокот од земјата, поради сомневања за нивната автентичност и квалитет.

Повеќе од 160 писатели, истражувачи, уметници и издавачи потпишаа заедничка изјава во која бараат независна истрага, објавување на документи за набавки и ревизија на фондот на библиотеката.

Случајот, исто така, предизвика политички спор, при што сегашната влада ја обвини претходната администрација на Дравида Мунетра Кажагам (DMK) за нарачка на спорните книги.

DMK ги отфрли обвинувањата како политички мотивирани и исто така побара истрага.

Сè уште не е познато дали спорните книги се всушност создадени со помош на вештачка интелигенција, а истрагата треба да утврди и дали имало злоупотреба на јавни пари при нивната набавка.

Тагови: библиотека вештачка интелигенција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Путин се согласи Европа да се приклучи на преговорите

Американскиот претставник Стив Виткоф изјави дека рускиот претседател Владимир Путин се согласил со учеството на европски претставници во следната рунда преговори за завршување на војната во Украина.

Путин се согласи Европа да се приклучи на преговорите

„Европејците ќе се приклучат на следниот состанок, кој го сметаме за исклучително важен момент бидејќи тие се наши партнери, а нивното учество е важно за нас“, изјави Виткоф за руската државна телевизија по средбата со Путин во Кремљ.

Џаред Кушнер, кој заедно со Виткоф се сретна со рускиот претседател, му рече на Путин дека забележал „голема промена“ во ставот на европската страна и дека е убеден дека вклучувањето на европски претставници нема да го забави напредокот на преговорите.

Путин: Европејците го прекинаа дијалогот

Путин изјави дека никогаш не бил против дијалогот со Европа, тврдејќи дека европските земји ја прекинале комуникацијата со Москва. „Тие се оние што го прекинаа дијалогот со Руската Федерација“, рече Путин.

„Многу би сакале вие, господа, и целата американска администрација да соработувате со вашите европски сојузници за конечно да одлучат дали сакаат мир или војна во Украина“, додаде рускиот претседател.

Сепак, Путин предупреди дека европскиот план за испраќање војници во Украина по евентуален мировен договор веднаш ќе доведе до обнова на војната, бидејќи Русија би го сметала таквиот потег за закана за сопствената безбедност.

Датумот и местото на следните преговори не се објавени

Досега не е познато кој ќе ја претставува Европа во следната рунда преговори, а не се објавени ниту датумот ниту местото на нивното одржување. Соединетите Американски Држави и украинскиот претседател Володимир Зеленски сакаат Европа да назначи претставник кој ќе преговара со Москва во нивно име.

По средбата во Кремљ, се очекува Виткоф и Кушнер да отпатуваат во Даблин, каде што треба да го информираат Зеленски за денешните разговори со Путин.

Тагови: Владимир Путин Европа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Два танкера се погодении во Ормутскиот теснец- Иранците тврдат дека се движеле по недозволена рута

Два супертанкери беа онеспособени од силни експлозии откако ги игнорираа предупредувањата да не користат „неовластена рута“ во Ормутскиот теснец, објави морнарицата на Иранската револуционерна гарда.

Два танкера се погодении во Ормутскиот теснец- Иранците тврдат дека се движеле по недозволена рута

Два танкера „експлодираа откако удриа во поморски мини“, објавија подоцна иранските државни медиуми, прикажувајќи наводни видеа од инцидентите.

Чести напади

Не е познато под чии знамиња пловеле бродовите.

Во текот на претходните месеци од конфликтот меѓу САД и Израел со Иран, кој започна во февруари, морнарицата на Иранската револуционерна гарда објави дека директно ги нападнала танкерите. Неодамна, објави дека бродовите се запалиле откако удриле во поморски мини додека користеле „неовластена рута“, како што ја нарекуваат, во јужниот дел од тој стратешки важен воден пат.

Агенцијата за поморски трговски операции на Обединетото Кралство (UKMTO) неколку пати објави дека танкери во теснецот биле погодени од непознати ракети.

Тагови: Ормутскиот теснец Танкери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер