Глобалното движење „The Distinguished Gentlemans Ride“ 10-ти пат во Скопје - Канал 5

Живот

Глобалното движење „The Distinguished Gentlemans Ride“ 10-ти пат во Скопје

Скопје годинава по 10-ти пат ќе биде дел од глобалното движење The Distinguished Gentlemans Ride посветено на борбата против ракот на простатата и заштитата на машкото здравје.

Глобалното движење „The Distinguished Gentlemans Ride“ 10-ти пат во Скопје

Урбаните моторџии, кои веќе станаа претпознатлив белег на главниот град, утре повторно ќе продефилираат низ улиците во централното градско подрачје, а граѓаните ќе имаат можност да погледнат уникатни мотори управувани од елегантни моторџии облечени во палто, вратоврска, елек и елегантни чевли. Задолжителен дел од дрес кодот е и кацигата.

Скопје првпат се најде на мапата на ова глобално движење во 2016 година. Оваа урбана приказна со хуманитарна димензија опстои во изминатите десет години благодарение на двајцата иницијатори Игор Стефановски и Благоја Петровски.

Стефановски во разговор за МИА, правејќи ретроспектива на изминатите десет години, вели дека поттикот и одговорноста да се продолжи во оваа насока, се уште поголеми имајќи предвид дека од година во година се повеќе се зголемува интересот за учество.

- Во 2016 година почнавме скромно со 64 учесници, но од година во година бројката на учесници и донации прогресира. Годинава, кога обележуваме 10-годишен јубилеј, бројот на учесници е двојно зголемен. Пријавени се 185 учесници кои утре ќе продефилираат низ градските улици укажувајќи на неопходноста од превентивни прегледи и потребата за заштита на машкото здравје, истакнува Стефановски.

Годинава, собрани се повеќе од две илјади долари кои ќе бидат уплатени во фондацијата „Мовембер“ во Лондон, но Стефановски очекува оваа бројка да се зголеми бидејќи донации се уплатуваат и на самиот ден кога се одржува манифестацијата.

Смета дека е постигната една од целите на ова движење, а тоа е дека повеќе не е табу тема одењето на лекар и превентивните прегледи за рак на простатата.

- Најважно е дека за овие работи веќе се разговара отворено, подигната е свеста кај населението со што сме задоволни како организатори на ова движење кај нас, нагласува Стефановски.

Како интересен момент го посочува и тоа што мото културата е издигната на повисоко ниво со почитување на сообраќајните правила и задолжително носење на кацига. - Самото движење кај многумина поттикна да се роди љубовта кон моторите, вели Стефановски.

Движењето „The Distinguished Gentlemans Ride“ започна во 2012 година во Сиднеј кога Марк Хава облечен во фин машки костим одлучи да продефилира низ улиците на градот во чест на неговиот пријател кој починал од рак на простата. Од година во година движењето станува се помасовно и на годишно ниво се собираат околу 20 милиони долари што преку фондацијата „Мовембер“ се донираат во институции и болници кои се фокусирани во борбата за заштита на машкото здравје и ракот на простата.

Настанот се организира секоја година во втората половина на мај, според одредени правила и мора да има одлики спрецифични за самото движење како уникатни мотори и елегантен дрес код за учесниците кои мора да се облечени во палто, вратоврска, елек, елегантни чевли и задолжително да носат кацига./МИА

Тагови: The Distinguished Gentlemans Ride

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Џејми Фокс по трет пат стана татко на 58 години со 27 години помладата девојка

Холивудскиот актер Џејми Фокс стана татко по трет пат, на 58-годишна возраст.

Џејми Фокс по трет пат стана татко на 58 години со 27 години помладата девојка

Познатиот добитник на Оскар го пречека своето прво дете со својата партнерка Алис Хакстеп, која е 27 години помлада од него.

Извор ја потврди веста за списанието People, а името и полот на бебето сè уште не се познати.

Џејми и Алис првпат беа поврзани во 2023 година, кога започнаа шпекулациите за нивната романса. Нивната врска имаше свои подеми и падови, па дури и раскинаа минатата година.

Сепак, не можеа долго да издржат еден без друг, па се смирија истата година, а сега го имаат своето прво дете заедно.

„Го следев примерот на Ал Пачино“: Искрени зборови и шеги за возраста

Гостувајќи во емисијата на Џими Кимел (исто така на 58 години), познатиот актер зборуваше во својот препознатлив стил повторно за родителството во подоцнежните години:

- Моето бебе доаѓа... Сè уште го имам во себе! Повторно сум во ред да ги оставам моите деца на училиште. Немав никакви сомнежи за тоа, но имам 58 години... знаете што сакам да кажам?

Фокс откри дека добил дополнителна самодоверба од разговорот со актерската легенда Ал Пачино, кој на 83 години го доби синот, Роман, со Нур Алфалах (32), во 2023 година:

- Налетав на Ал Пачино. Ако некогаш се сомневав, откако разговарав со него веќе не бев.

Актерот потоа се пошегува за својата иднина со помладата партнерка:

- Дури и ѝ реков на девојка ми: „Слушај, само издржи 12 години“. Ако сега имам 58 години, за 12 години ќе имам 70... само ќе ми фрлаш ќебе преку нозете и ќе ми даваш пудинг од тапиока...

Актерот веќе има две ќерки од претходни врски: Корин (32), која ја имаше со поранешната девојка Кони Клајн, и Анелиз (18), која ја има со Кристин Гранис. Доаѓањето на трето дете го комплетира неговото семејство.

Фокс претходно имал сериозни здравствени проблеми, а неговите ќерки одиграле важна улога за време на неговото закрепнување.

Тагови: Џејми Фокс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Маж сее смрт низ Турција- денеска убил осум луѓе, а се уште не е уапсен (ВИДЕО)

Осум лица загинаа денеска во пукотници во три села во централниот дел на западна Турција, според локалните власти.

Маж сее смрт низ Турција- денеска убил осум луѓе, а се уште не е уапсен (ВИДЕО)

Приватната телевизиска станица НТВ објави дека полицијата го бара осомничениот возач на црвениот автомобил, кој го виделе сведоци како бегаат од местото на настанот.

„Осум наши граѓани ги загубија животите, а друг е тешко ранет во вооружен напад во нашата покраина“, објави канцеларијата на гувернерот на Афјонкарахисар.

Инцидентот се случил рано навечер во рурална област во близина на Афјонкарахисар, град кој се наоѓа на половина пат помеѓу главниот град Анкара и крајбрежниот град Измир.

Жртви пронајдени во три села

Две жени со прострелни рани беа пронајдени на патот во селото Јукаритандир. И покрај тоа што беа итно префрлени во болница, двете им подлегнаа на повредите, забележа државната новинска агенција Анадолу.

Уште три тела беа пронајдени во селото Кијир, кое се наоѓа на половина час возење североисток, и уште три во селото Ајазини, уште половина час возење исток, продолжи Анадолу. Друго лице, кое е пронајдено во критична состојба, се бори за живот во болница, додаде агенцијата, без да прецизира каде е ранет.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Во Србија е поведена истрага против шефот на БИА и министерот за правда на Вучиќ

Српското Јавно обвинителство за организиран криминал (ЈТОК) покрена постапка против директорот на Агенцијата за безбедност и разузнавање (БИА) Владимир Орлиќ и неколку функционери на БИА, како и против министерот за правда Ненад Вујиќ.

Во Србија е поведена истрага против шефот на БИА и министерот за правда на Вучиќ

Српското Јавно обвинителство за организиран криминал (ЈТОК) покрена постапка против директорот на Агенцијата за безбедност и разузнавање (БИА) Владимир Орлиќ и неколку функционери на БИА, како и против министерот за правда Ненад Вујиќ и неколку вработени во тоа министерство, кои се обвинети за кршење на правото на глас и принуда, беше објавено денес.

По поразот на Српската напредна партија (СНС) на изборите на 25 октомври, Србија чека конституирање на парламент и избор на влада, која ќе биде формирана од победничката листа на студентското движење. Втората постизборна недела донесе промени првенствено во медиумите и судството, со бројни апсења на полицајци, банкари, државни функционери и директори на јавни претпријатија, како и поднесување кривични пријави, пренесе Индекс.

Случаи против лидерите на БИА и министерот за правда

Според соопштението на ЈТОК, против Орлиќ (СНС) и Вујиќ и нивните соработници е покрената предистражна постапка, кои се обвинети за кривични дела против изборните права и принуда.

Извештаите се засноваат на сомневања за злоупотреба на службена должност, принуда и кршење на изборните права, во врска со наводната организација на собирање таканаречени „капиларни гласови“ за владејачката Српска напредна партија на изборите на 25 октомври.

Извештаите се однесуваат и на сомневања за незаконски дејствија во рамките на БИА и систематски притисок врз вработените во казнено-поправните установи, кои се под надлежност на Министерството за правда.

Список на осомничени и обвиненија

Покрај раководителот на БИА и министерот за правда во техничкиот мандат, во извештаите се вклучени и директорот на Дирекцијата за извршување на кривични санкции Миле Јандриќ, советникот на министерката за правда Милица Радоњиќ и 60 други именувани лица, вклучувајќи директори и вработени во неколку казнено-поправни установи и окружни затвори во Србија.

Извештајот вклучува и неидентификувани лица кои се опишани во соопштението на ЈТОК како „високи функционери, претставници и активисти на Српската напредна партија“.

Тие се осомничени за заговор за извршување кривични дела, злоупотреба на службена положба, давање и примање поткуп во врска со гласање, неовластено собирање лични податоци, небрежно работење во службата, расна и друга дискриминација.

Истрага и собирање докази

Обвинителството побара од Службата за борба против организираниот криминал при Министерството за внатрешни работи на Србија да ги собере потребните информации, барајќи да се преземат „сите потребни мерки“ за проверка на наводите од кривичните пријави, вклучително и собирање информации од сите пријавени и други лица кои можеби имаат сознанија за злоупотреби.

Дури и за време на изборната кампања, опозицијата, студентското движење и невладиниот сектор посочија сомнежи за намерите и обидите на Српската напредна партија да влијае врз гласачите и врз резултатот од изборите преку притисок, уцена и евентуално купување гласови.

Српската напредна партија ги загуби изборите, според податоците на државната изборна комисија, кои сè уште не се официјално објавени како конечни, а Студентскиот список победи убедливо - 53,01 проценти наспроти 38,98 проценти.

Студенти, активисти, опозициски политичари и организации за заштита на човековите права ги обвинија Вучиќ и СНС за политичко насилство, притисок врз медиумите, врски со организираниот криминал и широко распространета корупција. Вучиќ и неговите соработници и сојузници го негираат ова, возвраќајќи со контраобвинувања што ги спроведуваат поддржувачите на победничката Студентска листа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер