Стасин во 10. и 67. минута постигна два гола за победа на домашните, а почесниот гол за гостите го постигна Тесман во 76. минута. Натпреварот беше прекинат во самиот финиш на првото полувреме. Пред играчите да заминат на пауза, во 44. минута некој од трибините со предмет, најверојатно паричка, го удри по глава помошниот судија. После тоа, натпреварот беше прекинат и судијата на натпреварот Франсоа Летексие ги испрати екипите во соблекувалните додека не се донесе одлука дали натпреварот да продолжи.

Лекарската служба на Лион веднаш дојде на помош на судијата, по што сите го напуштија теренот, а натпреварот беше прекинат 40 минути.

Полицијата го уапсила одговорниот на инцидентот

Во продолжението од дуелот важна победа во борбата за опстанок оствари Сент Етјен, а воедно спикерот објави дека полицијата го уапсила авторот на овој инцидент кога тој излегувал од стадионот. Насилникот сè уште е во полиција, а меѓу другите, Сент Етјен ќе поднесе официјална жалба против него и ќе помогне да биде соодветно казнет.