Главниот украински разузнувач: Русија постави системи С-500 за заштита на Кримскиот мост(ВИДЕО) - Канал 5

Свет

Главниот украински разузнувач: Русија постави системи С-500 за заштита на Кримскиот мост(ВИДЕО)

Русија префрли еден од своите системи за противвоздушна одбрана С-500, најмодерниот што го има, на полуостровот Крим, кој го анектираше во 2014 година, а со цел да го заштити Кримскиот мост.

Главниот украински разузнувач: Русија постави системи С-500 за заштита на Кримскиот мост(ВИДЕО)

Ова, како што пренесува The War Zone, го соопштил генералот Кирио Буданов, шеф на украинската воена разузнавачка служба ГРУ.

Доколку ова тврдење се покаже како точно, тоа би било прво распоредување на овој систем за противвоздушна одбрана на фронтот и доказ дека Русија поседува значителни противвоздушни способности, особено против балистички ракети.

„Во градот Керч се распоредени елементи од системот С-500. Во принцип, ова ќе биде експериментална употреба. Кримскиот мост се користи за испорака на војници и опрема, а додека е таму, ќе се користи за овие цели“, рече Буданов. Неговите наводи не можеа да бидат независно проверени.

Системот S-500 Prometheus е дизајниран како штит против балистички ракети и други проектили со долг дострел. Тој треба да го замени сегашниот систем за воздушна одбрана А-135 распореден во силоси околу Москва. Исто така, се очекува да го надополни системот земја-воздух С-400 Триумф, кој беше честа мета на украинските напади.

Во април тогашниот руски министер за одбрана Сергеј Шојгу изјави дека системите С-500 ќе бидат распоредени оваа година, во две верзии, противракетна и противвоздушна, пренесе агенцијата ТАСС. Русија првпат објави видео од лансирањето на С-500, во јули 2021 година, за време на тест на југот на земјата во близина на Астрахан.

Според претходниот извештај на рускиот државен медиум РИА Новости, максималниот дострел на С-500 е околу 700 километри. Се поставува на мобилни фрлачи. Руските власти, исто така, претходно изјавија дека очекуваат првото сериско производство на С-500 да стапи во употреба до 2025 година. Цената на еден систем е околу 2,5 милијарди долари.

„Не е прашање дали ќе нападнеме или не. Тоа го правиме редовно. Прашање е само кога ќе успееме да го срушиме. Прашање на време е“, одговори Буданов на прашањето дали украинските сили ќе го нападнат Кримскиот мост.

На 30 мај, украинските војници погодија два руски фериботи кои се користат за пренос на војници и опрема во случај на затворање на мостот на Крим. Во тие напади беа користени американски ракети АТАКМС. Овие проектили претставуваат нова закана за поголемите и поцврсти структури како Кримскиот мост.

Украинските сили досега извршија два успешни напади на мостот. Тоа беше направено еднаш со камион-бомба во октомври 2022 година, а вториот пат со поморски дронови во јули 2023 година. Мостот на Крим беше отворен во мај 2018 година од самиот руски претседател Владимир Путин. Тој е најдолгиот мост во Европа (19 километри), а неговата изградба чинела 3,7 милијарди долари.

Кримскиот мост го поврзува полуостровот Крим со руското копно и се користи за транспорт на стоки и луѓе до полуостровот што Украина сака да го ослободи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Карагер: „Чаби Алонсо беше избркан од Реал Мадрид поради Винисиус“

Чаби Алонсо имаше победнички старт на чело на Челси, со победа од 3:2 над Фулам.

Карагер: „Чаби Алонсо беше избркан од Реал Мадрид поради Винисиус“

Интересно е што и Фулам ја започна новата сезона со нов тренер, Алваро Арбелоа – токму тој го наследи Алонсо на клупата на Реал Мадрид во јануари оваа година, што му даде нова димензија на односот меѓу двајцата поранешни соиграчи.

Заминувањето на Алонсо од Мадрид уследи по бурен период. Во тоа време, медиумите пишуваа за неговите несогласувања со одредени клучни играчи, меѓу кои особено се спомнуваше Винисиус Жуниор.

Легендата на Ливерпул и поранешен соиграч на Алонсо, Џејми Карагер, смета дека проблемите во Реал Мадрид првенствено не се должеле на работата на Алонсо, туку на односот со играчите.

„Чаби Алонсо ја загуби работата поради Винисиус Жуниор. Тој не беше задоволен од ситуацијата. Отиде да се пожали кај сопственикот, а се зборуваше и дека нема да потпише нов договор“, изјави Карагер.

На крајот, Реал Мадрид, како и секогаш, застана на страната на играчот, го смени тренерот, а потоа го доведе неговиот пријател, Алваро Арбелоа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Стејт департментот итно соопшти: „Нудиме 10 милиони долари...“

САД понудија награда до 10 милиони долари за информации за клучните лидери на Корпусот на гардата на исламската револуција, како дел од пошироката акција против воените активности на Иран.

Стејт департментот итно соопшти: „Нудиме 10 милиони долари...“

САД понудија награда до 10 милиони долари за информации за клучните лидери на Корпусот на гардата на исламската револуција, како дел од пошироката акција против воените активности на Иран, набавките и мрежите за шверц на нафта и петрохемиски производи.

Стејт департментот и Министерството за финансии воведоа санкции за речиси 60 поединци, компании и бродови, за кои Вашингтон тврди дека овозможуваат ирански воени набавки, сајбер-операции и остварување приходи од извоз на нафта и петрохемиски производи.

Меѓу санкционираните се високи ирански воени претставници, вклучувајќи ги Ахмад Вахиди, Али Абдулахи, Сајад Хосеин Маџид Мусави Ефтехари, Сејед Махди Фарахи и Амир Хатами, како и портпаролот на иранското Министерство за одбрана, Реза Талаеи-Ник.

САД ги обвинуваат за учество во воени активности и набавка на оружје, вклучувајќи ракети и беспилотни летала.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Голем пожар избувна на депонијата „Мелци“, апел до граѓаните да не се приближуваат до местото

Голем пожар избувна на депонијата „Мелци“, каде што во моментов се интервенира со ангажман на поголем број екипи од ТППЕ Кавадарци.

Јанчев: Голем пожар избувна на депонијата „Мелци“, апел до граѓаните да не се приближуваат до местото

Според првичните информации од терен, постојат индиции дека пожарот е предизвикан од човечки фактор. Надлежните служби ќе ги утврдуваат околностите за неговото настанување.

Противпожарните екипи се на терен и активно работат на ставање на пожарот под контрола и спречување на неговото понатамошно ширење. Општина Кавадарци ја следи состојбата, а екипите ќе останат ангажирани до целосно локализирање на пожарот.

Апел до граѓаните да не се приближуваат до местото на пожарот и да ги почитуваат упатствата на надлежните служби, објави на ФБ градоначалникот Митко Јанчев.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер