Главниот служител во Елисејската палата уапсен за кражба на вредни предмети - Канал 5

Европа

Главниот служител во Елисејската палата уапсен за кражба на вредни предмети

 Главниот служител во Елисејската палата е уапсен под сомнение за кражба на вредни садови и порцелан, а и за обид за нивна продажба преку интернет.

Главниот служител во Елисејската палата уапсен за кражба на вредни предмети

Тој е еден од тројцата приведени во скандалот што ја потресе официјалната резиденција на францускиот претседател. Вредноста на украдените предмети се проценува на 40.000 евра, објави „Гардијан“.

Надлежните го уапсија главниот осомничен и двајца соучесници минатата недела. Властите беа предупредени за исчезнувањето на предметите, од коишто некои се сметаат и за национално богатство. Повеќето предмети потекнуваат од познатата фабрика за порцелан „Севр“ во Париз, којашто е во државна сопственост од 1759 година. Истрагата беше покрената откако вработените во фабриката препознаа некои од исчезнатите предмети на интернет-страници за аукции како што е „Винтед“.

Според истражителите, сметката на осомничениот во „Винтед“ содржела плочка со печат „Француски воздухопловни сили“ и пепелници со ознака „Севр“, предмети што вообичаено не се достапни за јавноста. При претрес на неговиот дом, возило и личното службено шкафче, пронајдени се околу сто предмети, вклучувајќи порцелан, статуа од Рене Лалик, чаши за шампањско „Бакара“ и бакарни садови.

Улогата на главен службеник вклучува грижа и одржување на приборот за јадење што го користат претседателите и достоинствениците. Обвинителите рекоа дека инвентарните листи што ги водел уапсениот посочуваат дека тој планирал и други кражби. Тој и неговите соучесници беа изведени на сослушување, а нивното судење е закажано за 26 февруари следната година.

Тие беа пуштени на слобода под надзор, со што им се забранува да контактираат едни со други, да посетуваат аукциски куќи и да се занимаваат со професионалните дејности.

Пронајдените предмети беа вратени во Елисејската палата, коешто посреќен исход од случајот со „Лувр“, каде што сè уште недостасуваат накитот во вредност од околу 88 милиони евра по грабежот во октомври. Уапсени се четворица осомничени досега во врска со тој случај.

Се чини, низата кражби што ги погодија истакнатите француски институции - продолжува. Во септември, од Природонаучниот музеј во Париз исчезнаа шест златни грутки во вредност од околу 1,5 милиони евра, а од Музејот на порцелан во Лимож снема кинески порцелан во вредност од 6,55 милиони евра. Во октомври, околу 2.000 златни и сребрени монети во вредност од околу 90.000 евра беа украдени од музејот „Мезон де Лумиер“ во Лангр.

Тагови: Елисејската палата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Приведени две лица во Охрид поради агресивно однесување кон полицајци

Министерството за внатрешни работи соопшти дека во Охрид се уапсени две лица поради агресивно однесување кон полициски службеници. 

Приведени две лица во Охрид поради агресивно однесување кон полицајци

-На 31.10.2026 во 22.35 часот, во угостителски објект во Охрид, приведен е А.Н.(46) од Охрид кој претходно бил агресивен кон полициските службеници кои извршиле контрола во објектот и затекнале малолетни лица кои биле послужени со алкохолни пијалоци. По целосно документирање на настанот, против него и против правниот субјект, ќе биде поднесена соодветна пријава.На 01.11.2026 година во 03.08 часот, на паркинг простор во Охрид приведен е Г.Н.(28) од охридско село кој го нарушил јавниот ред и мир со викање а потоа и со агресивно однесување кон полициските службеници кои вршеле службени дејствија. По целосно документирање на настанот, против него ќе биде поднесена соодветна пријава, стои во соопштението од МВР.

Тагови: охрид полицијата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Охрид приведен радовишанец поради напад на сопругата

Во Охрид е приведен 50 годишен жител на Радовиш поради семејно насилство. 

Во Охрид приведен радовишанец поради напад на сопругата

-На 31.10.2026 година во 19,30 часот, во СВР Охрид лишен од слобода е О.О.(50) од Радовиш, по претходна пријава дека во дом во Охрид каде привремено престојувал, физички ја нападнал неговата сопруга. По целосно документирање на настанот, против него ќе биде поднесена соодветна пријава, информираат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Италијанците воодушевени од Лука Модриќ

Милан победи против Интер со резултат 3:1 во големото градско дерби, а асот на црвено -црните, Хрватот, Лука Модриќ уште еднаш беше еден од најистакнатите актери.

Италијанците воодушевени од Лука Модриќ

Хрватскиот играч за врска ги одигра сите 90 минути, а италијанските медиуми беа особено воодушевени од неговиот потег што му претходеше на третиот гол на „росонерите“.

Како што пренесува „Тутомеркатовеб“ (Tuttomercatoweb), по прекршокот на Николо Барела врз Јунус Муса, Диего Мореира му пријде на Модриќ и побара од него да му го препушти изведувањето на слободниот удар.

Искусниот играч од средниот ред се согласи, а Белгиецот упати спектакуларен удар преку „живиот ѕид“ и го совлада Жозеп Мартинез за конечни 3:1. За својата игра, Модриќ доби оценка 7,5 од порталот „MilanNews“, при што беше спореден со диригент кој управува со играта на целиот тим.

„Тој ја презема улогата на диригент и го води целиот оркестар на Милан, го одредува ритамот на играта и го менува темпото кога е потребно.

Семоќен и величествен“, се наведува во образложението. Највисока оценка, 8,5, доби стрелецот на спектакуларниот гол, Диего Мореира, додека Адриен Рабио, Мајк Мењан и Страхиња Павловиќ беа оценети со 7,5.

Тагови: Лука Модриќ Милан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер