Ѓорѓиевски: За 20 дена ќе биде готова новата градинка во населеното место Потстаница во Драчево - Канал 5

Македонија

Ѓорѓиевски: За 20 дена ќе биде готова новата градинка во населеното место Потстаница во Драчево

-За 20 дена ќе биде готова новата градинка во населеното место Потстаница во Драчево со капацитет за 75 деца.

Ѓорѓиевски: За 20 дена ќе биде готова новата градинка во населеното место Потстаница во Драчево

За 20 дена ќе биде готова новата градинка во населеното место Потстаница во населбата Драчево, најави денеска градоначалникот на Кисела Вода, Орце Ѓорѓиевски, откако заедно со премиерот Христијан Мицкоски изврши увид на активностите на терен.

Во објектот со три занимални, со вкупна површина од 300 метри квадратни ќе бидат згрижени 75 дечиња.

- Во општина Кисела Вода листите на чекање се сведени на нула и сме една од ретките општини што се отворени за згрижување на дечиња од други општини, изјави Ѓорѓиевски.

Тој посочи ова е 10-ти ваков објект, се прави уште едно проширување во Драчево, каде ќе се згрижуваат уште 60, а привршуваат и работите за градинката во Расадник, со капацитет од 125 дечиња.

Мицкоски најави дека ќе продолжат активностите за решавање на, како што рече, наследените проблеми со листите на чекање во градинките и недостигот на кадар.

- Главен наш приоритет ќе продолжи да биде изградба на инфраструктура, бидејќи демографијата е еден од водечките предизвици што ќе треба да ги совлада Владата, изјави Мицкоски.

Тагови: Орце Ѓорѓиевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Емотивно збогување на петооделенците од ОУ Кирил Пејчиновиќ со нивната одделенска наставничка

Учениците заедно со родителите и приредија изненадување на наставничката Даниела, од кое се расплакаа дури  и не толку емотивните.

Емотивно збогување на петооделенците од ОУ Кирил Пејчиновиќ со нивната одделенска наставничка



⭐ Благодарност до Даниела Јовановска – 5 В ⭐

По пет незаборавни години исполнети со учење, смеа, дружба и безброј спомени, дојде моментот на разделба.

Од срце ѝ благодариме на нашата драга наставничка Даниела Јовановска за целата љубов, трпение, поддршка и посветеност во овие 5 години. ❤️

Таа не беше само наставничка, туку и наш водич, мотиватор и дел од нашето мало училишно семејство.

Сите спомени што ги создадовме заедно ќе останат засекогаш во нашите срца 🤍

5 В – засекогаш ќе ве памети ❤️

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Дрон експлодираше во цивилно пристаниште во Романија, во тек итна евакуација

Силна експлозија одекна во романското цивилно пристаниште Констанца во петок наутро кога беше активиран морнарички дрон.

Дрон експлодираше во цивилно пристаниште во Романија, во тек итна евакуација

Според првичните информации, во експлозијата немало жртви, а властите наредиле итна евакуација на пристаништето непосредно пред инцидентот.

Романското министерство за одбрана потврди дека станува збор за вид морнарички дрон кој активно се користи во војната во Украина, нагласувајќи дека романската армија не поседува такво оружје.

„Морнаричкиот дрон, кој беше откриен во петок наутро, 5 јуни, во цивилното пристаниште Констанца во близина на седиштето на романската агенција за спасување човечки животи на море, се самоуништи околу 10:30 часот. Во експлозијата немаше жртви“, се вели во соопштението на романското министерство за одбрана.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Видео-фото: Дали Џенифер Лопез ставила силикони??

Светската музичка ѕвезда Џенифер Лопез предизвика хасо на социјалните мрежи со своето бујно деколте. Сега, сите се прашуваат дали вградила силикони.

Видео-фото: Дали Џенифер Лопез ставила силикони??

Мегапопуларната пејачка и глумица веќе некое време е главна тема на социјалните мрежи, особено поради врската со нејзиниот нов колега, а сега и поради изгледот на нејзините гради.

Деновиве, Џеј Ло е во центарот на вниманието на јавноста поради филмот „Канцелариска романса“, во кој таа ја игра главната улога.

Брет Голдштајн исто така глуми со неа во филмот, а тие го промовираат заедничкиот проект појавувајќи се на премиери низ САД.

Така во вторник тие присуствуваа на премиерата на филмот во Њујорк, а малкумина забележаа нешто друго освен модната комбинација на Џенифер.

Лопез блесна на црвениот тепих во еден од најсмелите фустани во нејзината кариера, а сите очи беа насочени кон нејзиното деколте, кое изгледа двојно поголемо.

Деколтето предизвика и шпекулации и коментари за пластична хирургија. „Дали се нови? Или не ги забележав претходно?“, „Градите нејзини изгледаат сè друго освен природно“, „Изгледаат многу поголеми“, „Од каде се? Но, изгледа одлично“, напишаа некои.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер