Ѓеорѓијев бара одобрување за вработување на помошен-технички персонал во штипската болница - Канал 5

Здравје

Ѓеорѓијев бара одобрување за вработување на помошен-технички персонал во штипската болница

Јас искрено се надевам дека министерот за финансии ќе одговори потврдно, бидејќи со некои места кои се побарани таму да ни бидат одобрени вработувања имаме сериозни проблеми. 

Ѓеорѓијев бара одобрување за вработување на помошен-технички персонал во штипската болница

Клиничка болница-Штип сè уште нема добиено одговор за вработување на околу 30 лица од страна на Министерството за финансии, истакна денеска директорот на Клиничка болница-Штип, Ален Ѓеорѓијев по врачувањето на донацијата на 10 електрични болнички кревети од Асоцијацијата Алзас Македонија – АЛМА со седиште во Стразбур.

-Јас искрено се надевам дека министерот за финансии ќе одговори потврдно, бидејќи со некои места кои се побарани таму да ни бидат одобрени вработувања имаме сериозни проблеми. Тука пред сè мислам од помошно-техничкиот персонал, како што се болничари, хигиеничари и на некои оддели имаме сериозен недостаток на тие извршители. Во оваа прилика апелирам и до министерството за финансии најбрзо што може да ни се потпише позитивно тоа решение, за може да ја спроведеме процедурата, бидејќи ние веќе на дел од одделите со недостаток на тој помошно-технички кадар се одразува на работата и на квалитетот на здравствените услуги, вели Ѓеорѓијев.

Посочи дека како болница бараат вработување над 20 лица од помошен-технички персонал, најголем дел од нив се болничари, хигиеничари, но како што вели имаат и неколку лица кои им требаат од занаетчиските струки, како што се парно ложач, електричар, водоводџија.

Прашан дали е почната грејната сезона на одделите во Клиничка болница-Штип, но и дали очекуваат проблеми со набавката на нафтата како и со цената на ова гориво и на струјата, Ѓеорѓијев со одговор дека поголем дел од одделите се греат на нафта. Пристигната е нафтата за главниот дел на болницата, како и за зградата за Физикална терапија.

-Полни се резервоарите, ние сме спремни да ја почнеме грејната сезона, ги направивме последните поправки на одделот за физикална терапија со парно системот, го поправивме системот и значи може да почне грејната сезона, вели Ѓеорѓијев.

Забележа дека штипската болница е од разбиен тип, односно дел од одделите не се во иста зграда и на тие оддели кои не се дел од главната зграда им се дозволува да се загреваат просториите со клима уреди.

-Нормално е во овој случај и да растат сметките за струја. Ние не сме на повластен пазар, не користиме струја со фиксна цена, туку сме на слободен пазар. На тендер имаме кој ќе ја снабдува Клиниката со струја. Во моментов плаќаме некаде околу 20.000 евра месечно, а нормално е ќе порасне сметката кога ќе почне грејната сезона, вели Ѓеорѓијев.

Тој истакна дека штипска Клиничка болница има одреден буџет кој го користи за набавка на нафта. Во текот на зимата сметките за струја се дуплираат во однос на летните месеци, а за нафта се трошат од девет до десет милиони денари на годишно ниво.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода вкупно осум лица во, кај нив при преглед е пронајдена дрога

Лишени од слобода вкупно осум лица во Скопје, Струга и Кичево, кај нив при преглед е пронајдена дрога.

Лишени од слобода вкупно осум лица во, кај нив при преглед е пронајдена дрога

На 11/12.07.2026 во Скопје, на различни локации полициски службеници од СВР Скопје ги лишија од слобода Т.Е.Б.(23), С.Б.(26), М.С.(33), Л.Д.(29), Е.М.(37) сите од Скопје и М.С.(18) од Тетово, затоа што кај нив се пронајдени и одземени марихуана, бела прашкаста материја и бела грутчеста материја.

На 11.07.2026 полициски службеници од ОВР Неготино извршија службен разговор со Н.К.(26) од село Бистренци, демиркаписко, затоа што при преглед од страна на полициски службеници од Мобилната единица за компензаторни мерки, кај него била пронајдена и одземена марихуана. Известен бил јавен обвинител.

На 12.07.2026 во 01:00 часот, на ул.„Нико Нестор“ во Струга, лишен од слобода е Н.М.(18) од струшкото село Мислодежда кај кого, полициските службеници при извршен преглед, пронајдоа и одзедоа опојна дрога марихуана.

На 12.07.2026 во 01:00 часот, кај месноста „Китино кале“ во Кичево, лишен од слобода е И.Ѓ.(48) од Белград, Република Србија кај кого, при извршен преглед, полициските службеници пронајдоа и одзедоа непозната бела прашкаста материја.

По целосно документирање на случаите, ќе следуваат соодветни поднесоци.

Тагови: дрога

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД погодија 140 цели во Иран, Техеран повторно го затвори Ормускиот теснец

Американските сили погодија околу 140 воени цели во Иран во третиот бран напади извршени во текот на оваа недела, соопшти централната команда на САД – ЦЕНТКОМ.

САД погодија 140 цели во Иран, Техеран повторно го затвори Ормускиот теснец

Во нападите биле употребени проектили и оружје лансирано од борбени авиони, беспилотни летала и воени бродови. Меѓу погодените цели биле позиции за ракети и дронови, поморски капацитети, складишта за муниција, комуникациски мрежи и крајбрежни системи за надзор. Причина за последните напади бил нападот врз товарен брод под кипарско знаме од страна на Иран. Техеран соопшти дека бродот се движел по неодобрена маршрута и дека бил погоден откако не ги почитувал иранските поморски инструкции. Новата размена на оган следи по неуспехот за постигнување финален мировен договор меѓу двете страни.

Тагови: САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Глишиќ свечено осветен големиот крст, на осветувањето присуствуваше градоначалникот Јанчев

Денес во Глишиќ свечено беше осветен големиот крст, кој ќе остане како траен симбол на верата и духовноста за жителите на Глишиќ и целиот наш крај.

Во Глишиќ свечено осветен големиот крст, на осветувањето присуствуваше градоначалникот Јанчев

На чинот на осветувањето присуствуваа градоначалникот на Општина Кавадарци Митко Јанчев и претседателот на Советот др Стојанчо Рамов. Овој значаен проект е реализиран благодарение на иницијативата и посветеноста на Месната заедница Глишиќ, со поддршка од Општина Кавадарци, ЈП „Комуналец“, општествено одговорни компании и физички лица кои несебично помогнаа во неговата изградба.

Крстот, висок 15 метри со распон од 10 метри, ќе биде место на молитва, благослов и духовно собирање, сведоштво за силната вера и заедничката желба да оставиме нешто вредно за идните генерации.

„Благодарност до сите кои дадоа свој придонес во реализацијата на ова дело. Нека овој свет христијански симбол носи мир, љубов и благослов за сите жители на Глишиќ и Кавадарци.“- објави Јанчев на Фејсбук

Тагови: Општина Кавадарци

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер