Македонија

Ѓеорѓиевски: Проверени се 90% од училиштата и градинките, објектите се безбедни

90% од градинките, училиштата, спортските сали и културни домови низ Македонија се безбедни, а во останатите 10% се уште трае вонредниот инспекциски надзор координиран од ЗЕЛС -уверува претседателот на организацијата Орце Ѓорѓиевски.

Од досегашните надзори најголеми неправилности биле констатирани во елаборатите за терасите и урбаната опрема во кафулињата, за што бил оставен простор од еден месец тие да бидат отстранети. Ѓорѓиевски вели дека следниот чекор ќе биде проверка на стамбените објекти и урбаната опрема низ општините.

Недостатокот на инспекциски кадар низ дел од помалите општини времено ќе се решава со позајмување а во наредниот период Ѓорѓиевски нагласи дека ќе се зголеми притисокот за барање согласност од Министерството за економија за вработување на инспектори.

На денешниот состанок на управниот одбор на ЗЕЛС и дел од градоначалниците од земјава било предложено и низ општините и нивните институции да бидат откажани јавните настан.

Дополнително, од ДКСК информираа дека е започната антикорупциска проверка на законите за идентификација и спречување на потенцијални ризици од корупција при издавање на дозволи, лиценци и надзор врз угостителските и други правни субјекти. Оттаму нагласуваат дека целиот процес ќе биде транспарентен а извештаи и препораки за понатамошно уредување на законите ќе бидат доставени до Владата и Собранието.

-Антикорупциската проверка на законите како процес подразбира целосна и систематска проценка на правните прописи за да се идентификуваат можности за злоупотреба, конфликт на интереси, нејаснотии и празнини во законите кои би можеле да поттикнат коруптивни практики. Воедно ќе се направи комплетна анализа и проценка на формата и содржината на прописите (закони, подзаконски акти и други општи акти) кои се во подготовка или кои се веќе изготвени од аспект на нивното практично спроведување, усогласеност и нивното подобрување со цел детектирање, спречување и минимизирање на ризиците во однос на можноста за корупција и судири на интереси кои може да резултираат при спроведување на законите. - ДКСК

И од МОН најавија дека од денеска во рамки на своите надлежности и Државниот просветен инспекторат ќе проверува дали училишните објекти се безбедни и осигурани.

Тагови: инспектори проверени

Свет

Во Турција уапсени околу 50 луѓе во рамките на истрагата против Имамоглу

Околу 50 блиски соработници и приврзаници на поранешниот уапсен градоначалник на Истанбул се приведени во рамките на истрагата за корупција поведена против Екрем Имамоглу, соопшти денеска Обвинителството на Истанбул.

Во рамките на истрагата издадени се налози за апсења на 53 лица во Истанбул и во Анката, а уапсени се 47 луѓе, се наведува во соопштението на Обвинителството.

Имамоглу беше приведен на 19 март под обвинение за корупција и поддршка на терористичка организација. На 23 март, судот нареди негово трајно апсење, а истиот ден, на внатрешните избори, опозициската Републиканска народна партија го предложи за претседателски кандидат на следните избори, што треба да се одржат во 2028 година.

Апсењето на Имамоглу предизвика масовни протести во поголемите градови во Турција, кои доведоа до судири со полицијата и стотици приведени, вклучително и новинари.

Тагови: Имамоглу турција

Свет

Во Рим средба Трамп – Зеленски

Американскиот и украинскиот претседател Доналд Трамп и Володимир Зеленски денеска имаа средба во Рим, пред погребот на папата Франциск.

Портпаролот на Зеленски ја потврди средбата, додека Белата куќа ја оцени како „многу продуктивна“.

Тоа е прва средба помеѓу Трамп и Зеленски по вербалниот судир во Белата куќа во февруари.

Трамп претходно изјави дека Украина и Русија се блиску до историски договор.

- Само што слетав во Рим. Добар ден за разговори и состаноци со Русија и со Украина. Многу блиску се до договор, а двете страни сега треба да се сретнат на високо ниво за да ја довршат работата, истакна Трамп.

Тој на сопствената социјална мрежа „Трут соушл“ (Truth Social) објави дека „Повеќето главни точки се договорени. Запрете го крвопролевањето, ВЕДНАШ. Ќе бидеме секаде каде што е потребно за да помогнеме да се стави КРАЈ на оваа сурова и бесмислена војна“. /МИА

Тагови: Доналд Трамп зеленски

Македонија

Манасиевски: Од левичари и глумење скромност, до деловни објекти во центарот на Скопје

Од левичари и глумење скромност, до деловни објекти во центарот на Скопје и кафулиња со тераси, тоа е Левица.

Како довчерашните скромни момчиња, сега станаа тајкуни?

Дали Апасиев и луѓето околу него едвај чекаа да дојдат на власт, за да се богатат?

Глумецот Апасиев, кој одеше со точак на работа и глумеше дека е дете од ниска класа, сега преку Левица купува деловни простори од над 400м2, во соработка со извршителите, кои до вчера ги плукаше и укинуваше.

Деловниот простор кој не бил само подрум, туку и објект со високо приземје, е во сопственост на членот на Централниот комитет на Левица и член на УО на Водовод, Зоран Ивановски.

Излегува на виделина целата вистина околу вистинското лице на Левица и Апасиев. Од велосипеди, глумење скромност, до џипови паркирани по тревници до Собрание. Од подрум, до деловен простор со кафуле “Павилјон 36”. Од плукање и укинување на извршителите, до соработка со нив за купување на простор по 3 пати пониска цена од пазарната.

Апасиев и Левица се демаскирани. Толку од нивната пропаганда дека се чесни, скромни и работници. Преку ноќ, тие станаа могули со кафулиња, врз грбот на нивните членови.

Апасиев да одговори на што ги троши чланарините на неговите членови? Дали за деловни простории, џипови или луксузни одмори во Грција?

Апасиев и Левица се прочитани!

Валентин Манасиевски, член на ЦК на ВМРО-ДПМНЕ

Американскиот и украинскиот претседател Доналд Трамп и Володимир Зеленски денеска имаа средба во Рим, пред погребот на папата Франциск.

​Од левичари и глумење скромност, до деловни објекти во центарот на Скопје и кафулиња со тераси, тоа е Левица.

Од левичари и глумење скромност, до деловни објекти во центарот на Скопје и кафулиња со тераси, тоа е Левица.