Култура

Гитаристот Ерик Сардинас на 17 јули ќе го отвори скопскиот „Блуз и соул фестивал“

Светски познатиот блуз рок-гитарист Ерик Сардинас од САД со својот бенд „Биг Мотор“ на 17 јули ќе настапи во летниот клуб „Рингишпил“ во Градскиот парк во Скопје во рамки на првиот дел од годинашното издание на „Блуз и соул фестивалот“, што го организира Дирекцијата за култура и уметност на Скопје.

Вториот дел од фестивалот ќе се одржи во септември кога ќе настапат неколку познати блуз-музичари чии имиња не се откриваат.

Васја Ивановски, програмски директор на Фестивалот, денеска на прес-конференција рече дека Сардинас е на европска турнеја, претходно одржал концерт во Канада, а моментално настапува во Франција. По настапот во Скопје тој ќе замине за Мостар.

- Она што тој ќе го претстави в четврток ќе биде дел од она што ние сите очекуваме да го видиме. Тој го подготвува својот нов албум, посочи Ивановски.
За Ерик Сардинас, ова е второ гостување во Скопје. Претходно тој настапи во 2002 година, и тоа на истиот фестивал.

Изминатите години во рамки на „Блуз и соул фестивалот“, нагласи тој, имавме можност да проследиме настапи на извонредни имиња кои на светско ниво имаат награди.

- Скопскиот „Блуз и соул фестивал“ идната година ќе одбележи 20 години постоење, што е пример на квалитет кој е препознаен надвор од границите на нашата држава, додаде Ивановски.

Други спортови

Тежок маратон во Белград, победникот на маратонот ја мина целта и падна на асфалтот

Кенискиот атлетичар Гилберт Киплинг Чумба победи на Белградскиот маратон, а потоа падна на асфалтот.

Чумба постигна одлично време - 2:11.47, но се чини дека силното темпо и условите во главниот град на Србија оставија трага на неговото тело.

Кога ја мина целта како победник, Чумба колабираше на улица, по што мораа да реагираат медицинските екипикои на носилка го однесао победникот на маратонот во болница на рехабилитација.

Второто место го освои сонародникот на Чумба, Гилберт Шериот Муге со 2:12;20, додека трет беше уште еден Кениец Емануел Кипкогеи, кој се искачи на подиумот со време 2:20;41.

Ема Черуто е победничка на 37. Comtrade Belgrade Marathon, трката ја истрча навреме (2:31.31). Во полумаратонот триумфираше Мохамед Ел Гаузани од Мароко.

Белградскиот маратон, 37-ми по ред, започна во осум часот со традиционалниот почеток пред црквата „Свети Марко“. На делница од 42.195 метри тргнаа 2.000 натпреварувачи.

Македонија

Ковачки: Се обврзуваме на реконструкција на пругата Велес-Кочани,....

Се обврзуваме на реконструкција на пругата Велес-Кочани, реконструкција на автопатот Катланово-Велес, нова катна гаража, реконструирање на општата болница во Велес и многу други проекти за велешани.

Ќе ги вратиме сите железнички линии во функција, ќе ја реконструираме пругата Велес-Кочани, ќе ја електрифицираме пругата Велес-Битола, ќе го реконструираме автопатот Катланово-Велес, ќе изградиме нова катна гаража во Велес, ќе ја реконструираме општата болница во Велес. Нови 26 милиони евра од проектот 250 милиони евра за општините.

Велес заслужува да се развива, Македонија заслужува да се развива, затоа ве повикувам сите заеднички да го поразиме овој ненароден режим. На 8 мај заеднички сите да излеземе и да го заокружиме бројот 2, за Гордана Силјановска Давкова за претседател и за Христијан Мицкоски за премиер за Македонија.

Драган Ковачки, носител на изборна единица 3

Центар за комуникации на ВМРО-ДПМНЕ

Свет

Абас: Израелската армија ќе го нападне градот Рафа во наредните денови

Претседателот на Палестинската самоуправа (ПА) Махмуд Абас денеска предупреди дека израелската армија во следните неколку дена ќе започне копнена офанзива врз градот Рафа, во јужниот дел на Појасот Газа.

Рафа моментално е дом на околу 1,45 милиони луѓе, од кои повеќето претходно беа раселени од другите делови на енклавата, додека загриженоста за хуманитарната ситуација во Газа расте. Абас истакна дека САД се единствената земја која може да спречи израелски напад врз Рафа.

Палестинскиот претседател изрази загриженост поради присилното раселување на палестинското население од Западниот Брег под управа на ПА, откако израелската армија ќе „заврши со Газа“.

Тој нагласи дека ПА одбива да прифати етничко чистење на Палестинците од двете територии и додаде дека палестинската самоуправа бара да се прекине конфликтот и да се даде помош на населението.