Германските „Зелени“ бараат од ЕК да ги запре граничните проверки - Канал 5

Германските „Зелени“ бараат од ЕК да ги запре граничните проверки

Политичари од германската партија „Зелени“ во отворено писмо до Европската комисија го изразија своето незадоволство од граничните проверки, наметнати од министерката за внатрешни работи Нанси Фезер, пренесе ДПА. 

Германските „Зелени“ бараат од ЕК да ги запре граничните проверки

Ова е уште една разлика во ставовите меѓу партиите од владејачката тројна коалиција во Берлин, забележува агенцијата.

Во писмото, кое денеска беше објавено и адресирано до ЕК и нејзината претседателка Урсула фон дер Лајен, се изразува загриженост во врска со проверките на границите со Полска, Чешка, Австрија и Швајцарија. Членови на „Зелените“ тврдат дека Германија, заедно со уште седум земји членки на ЕУ, не постапува во согласност со правилата за регулирање на движењето во Шенгенската зона за безвизно патување.

За да се справи со растечкиот број на нелегални мигранти, Фезер во октомври минатата година воведе постојани проверки на копнените граници со Чешка, Полска и Швајцарија и ја информираше Европската комисија во Брисел за својата одлука.

Проверки на границата со Австрија се извршуваат од 2015 година и се обновуваат неколку пати со цел да се ограничи нелегалната миграција и да се спречи криумчарењето. Проверки на границите со Швајцарија, Чешка и Полска ќе има до 15 декември, а на граничните пунктови со Австрија до 11 ноември.

За време на Олимписките игри во Париз беа воведени проверки и на границата со Франција, а за време на Европското првенство во фудбал во Германија, проверки се извршуваа на сите гранични пунктови во земјата.

Фезер, која е член на Германската социјалдемократска партија, ги опиша проверките како успешни.

Авторите на писмото, меѓутоа, тврдат дека според неодамнешна анализа, ефикасноста на мерките на Министерството за внатрешни работи е „многу спорна и во многу случаи не е статистички докажана“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Доли Партон постхумно доби три номинации за Греми наградите

Американската кантри пејачка Доли Партон доби три постхумни номинации за наградата Греми, речиси три месеци по нејзината смрт на 80-годишна возраст, објави Американската академија за музичка уметност и наука.

Доли Партон постхумно доби три номинации за Греми наградите

Партон беше номинирана двапати во категоријата за најдобар кантри дуо или групна изведба, за нејзината соработка со бендот Зак Браун на песната „Butterfly“, како и за песната „Light of a Clear Blue Morning“, која ја изведува со Лејни Вилсон, Мајли Сајрус, Квин Латифа и Роб Мекентајр, објавува Entertainment Weekly.

Таа доби трета номинација во категоријата за најдобра аудио публикација, нарација и раскажување приказни, за нејзината автобиографска книга „Star of the Show: My Life on Stage“ од 2025 година.

Актерот Тим ​​Кари беше исто така постхумно номиниран во истата категорија за неговите мемоари „Vagabond“.

Партон и Кари починаа на 25 август, на 80-годишна возраст.

Доли Партон освои десет Греми награди во текот на својата кариера, како и награда за животно дело во 2011 година.

Меѓу нејзините најпознати наградувани песни се „9 to 5“ и „Jolene“, кои ги изведе со групата Pentatonix во 2017 година.

Нејзината номинација за заедничка песна со нејзината кума Мајли Сајрус е особено значајна, со оглед на нивната блиска врска.

Сајрус во октомври, за време на настапот на Холивуд Боул, изјави дека тие двајца имаат „вечна врска“ и дека ништо не може да ги раздели.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кристијан Корабоски доби 30 дена притвор за нападот врз Сара во Охрид

30 дневен притвор доби Кристијан Корабоски, обвинет за нападот врз 26-годишната Сара во Охрид.

Кристијан Корабоски доби 30 дена притвор за нападот врз Сара во Охрид

Од обвинителството информираат дека барањето за притвор следувало по проширувањето на обвинението од едно на три кривични дела.

Обвинението опфаќа телесна повреда, противправно лишување од слобода и загрозување на сигурноста.одлуката е донесена врз основа на дополнителни докази собрани во истрагата. Обвинителството оценило дека постои опасност обвинетиот да го повтори насилството.нападот се случил на 15 ноември, околу два часот по полноќ. Според МВР, расправијата започнала во домот, а продолжила во автомобилот, каде жената била физички нападната.таа изгубила свест и била пренесена во болницата во охрид, а потоа во „Свети Еразмо“. Корабоски бил лишен од слобода во 5 и 05 часот. Претходно му биле определени мерки на претпазливост, меѓу кои забрана за приближување до оштетената. Адвокатот владимир туфегџиќ вели дека самиот факт што доаѓа до драстична промена на мерката остава сомнеж. Вели дека малите локални средини создаваат големна локална моќ, затоа според него републичкото јавно ообвинителство треба да го преиспита случајот.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Пилот на српската војска загина во пад на воен авион кај Стара Пазова (ВИДЕО)

Министерството за одбрана објави дека авион МиГ-29 на српската армија, дел од 204-та воздухопловна бригада, се урна утрово околу 8:45 часот во близина на Стара Пазова, при што загина пилотот, мајор Горан Булајиќ.

Пилот на српската војска загина во пад на воен авион кај Стара Пазова (ВИДЕО)

Според соопштението на Министерството, воената полиција веднаш пристигнала на местото на несреќата, а за трагичниот настан бил известен и надлежниот обвинител.

За да се утврдат сите факти, формирани се две комисии - комисијата за истражување на вонредниот настан, чија задача е да ги утврди околностите на несреќата и евентуалната одговорност на воената организација, како и експертската комисија на воздухопловните сили, која ќе ги испита техничките причини за авионската несреќа.

Пилотот кој загина, мајор Горан Булајиќ, е роден на 25 март 1973 година во Белград и бил во професионална служба во српската армија од 1996 година. Зад себе оставил две деца.

По повод оваа трагедија, министерот за одбрана Братислав Гашиќ и заменик-началникот на Генералштабот на српските вооружени сили и командант на воздухопловните сили и силите за противвоздушна одбрана, генерал-потполковник Тиосав Јанковиќ, испратија телеграми со сочувство до семејството на загинатиот пилот. Генерал-потполковник Јанковиќ по несреќата отиде на местото на настанот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер