Германските конзервативци слават, но крајната десница ужива во рекордниот резултат - Канал 5

Живот

Германските конзервативци слават, но крајната десница ужива во рекордниот резултат

Конзервативците на Фридрих Мерц победија на изборите во Германија, многу пред ривалските партии, но со помалку од 30 отсто од гласовите што го очекуваа.

Германските конзервативци слават, но крајната десница ужива во рекордниот резултат

Би-Би-Си

Конзервативците на Фридрих Мерц победија на изборите во Германија, многу пред ривалските партии, но со помалку од 30 отсто од гласовите што го очекуваа.

- Ајде да славиме вечерва и наутро ќе одиме на работа, им рече тој на поддржувачите. Тој рече дека е „свесен за одговорноста што сега е пред него“.

Другиот победник беше екстремно десничарската Алтернатива за Германија (АфД), која слави рекорден резултат на второто место од 20,8 проценти.

Кандидатката за канцеларка на АфД, Алис Вајдел, направи победнички круг пред своите приврзаници, но дури и нејзината партија се надеваше на поголем резултат и расположението во седиштето на АфД беше придушено.

Како што се објавуваа резултатите во раните утрински часови денеска, стана јасно дека АфД е далеку пред другите партии во источниот дел, со проектирани 34 отсто според истражувањето спроведено за јавниот радиодифузен сервис ЗДФ.

„Германците гласаа за промени“, рече Алис Вајдел. Таа рече дека обидот на Фридрих Мерц да создаде коалиција на крајот ќе заврши со неуспех: „Ќе имаме нови избори – не мислам дека ќе треба да чекаме уште четири години“.

Но, исто како што изборната карта стана светло сина во источниот дел, голем дел од остатокот од Германија стана црна – бојата на ЦДУ.

По падот на трипартиската коалиција на Олаф Шолц кон крајот на минатата година, Мерц побара од електоратот силен мандат за формирање јасна коалиција со една друга партија.

Тоа ќе му овозможи да реши што повеќе проблеми на Германија за четири години, рече тој, од стагнација на економијата до затворање на нејзините граници за илегалните мигранти.

Германските гласачи имаа други идеи. Тие излегоа во голем број, со 83 проценти излезност невидена од пред повторното обединување во 1990 година, но демохристијаните на Мерц бараа повеќе од 28,6 отсто од гласовите што ги добија заедно со нивната сестринска партија во Баварија.

Мерц ја отфрли можноста за соработка со АфД. Постои табу или „заштитен ѕид“ што ги спречува главните партии во Германија да работат со крајната десница.

Но, неговиот најверојатен партнер, социјалдемократите, го доживеаја својот најлош резултат досега со 16,4 проценти.

Нивниот лидер, канцеларот во заминување Олаф Шолц, рече дека изборните резултати се горчлив пораз за партијата и оти тој нема да учествува во преговорите за коалиција.

Поради релативно слабите перформанси на ЦДУ, првично има сомнеж дека две партии ќе бидат доволни за коалиција.

Германија штотуку помина низ четири години трипартиска коалиција и единствениот друг реален партнер беа Зелените, чиј лидер Роберт Хабек, Мерц во пресрет на гласањето го исмеваше како „претставник за топлински пумпи“.

Мерц (69) никогаш не бил министер, но вети дека ако стане следниот германски канцелар ќе покаже лидерство во Европа и ќе ја зајакне поддршката за Украина.

Повеќето Германци се шокирани од отворената поддршка што милијардерот Илон Маск и американскиот потпретседател Џеј Ди Венс ја дадоа на Алтернатива за Германија на изборите. Венс беше обвинет за мешање во гласањето за време на посетата на Минхен, додека Илон Маск постојано коментираше на неговата платформа Х.

Тоа воопшто не им наштети на Алиса Вајдел и на нејзината партија, бидејќи АфД уживаше зголемена поддршка за 10 поени во однос пред четири години. Но, таа исто така имаше корист од успешната кампања на ТикТок, која привлече голем број млади гласачи.

Сепак, претседателот Доналд Трамп ја поздрави победата на Мерц. Тој рече дека тоа е доказ дека Германците, како и Американците, се уморни од „агендата без здрав разум, особено за енергијата и имиграцијата“.

Ако тоа беше увертира, Мерц не ја сфати како таква. Тој на телевизиска тркалезна маса во неделата вечерта изјави дека во изминатата недела станало јасно дека администрацијата на Трамп е „во голема мера рамнодушна кон судбината на Европа“.

Трамп бизарно го опиша украинскиот Володимир Зеленски како „диктатор“ и се чинеше дека го обвини Киев за започнување на војната, која Русија ја почна против својот сосед пред точно три години.

Мерц рече дека негов „апсолутен приоритет“ ќе биде „да ја зајакне Европа што е можно побрзо за да можеме чекор по чекор да постигнеме вистинска независност од САД“.

Победата на Мерц беше брзо поздравена низ голем дел од Европа. Французинот Емануел Макрон зборуваше за обединување во време на неизвесност за „соочување со главните предизвици во светот и нашиот континент“, додека премиерот на Велика Британија Сер Кир Стармер побара да се „ја зајакне нашата заедничка безбедност и да обезбеди раст за двете наши земји“.

Демохристијаните на Фридрих Мерц продолжуваат да се потпираат на постарите гласачи за нивниот успех, додека гласачите на возраст од 18 до 24 години се чини дека се многу позаинтересирани и за АфД и за друга партија, Левица, која ја зголеми популарноста во анкетите во последните недели.

Не така одамна Левица немаше да влезе во парламентот со анкетни бројки далеку под прагот од 5 проценти.

Но, серија видеа на ТикТок на кои се гледа ко-лидерката Хајди Рајчиннек држи жестоки говори во парламентот станаа вирални и тие завршија со близу 9 проценти и една четвртина од гласовите на помладите, според истражување на АРД.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маж во Италија бил 27 часа затрупан под карпи- во акцијата учествувале 60 спасувачи (ВИДЕО)

Драма во познатите пештери Урзулеи на италијанскиот остров Сардинија. 

Маж во Италија бил 27 часа затрупан под карпи- во акцијата учествувале 60 спасувачи (ВИДЕО)

Пештерски истражувач беше закопан во недела попладне по уривање на карпи и земја. Членовите на Националниот корпус за планинско и спелеолошко спасување (CNSAS) се сомневаа дека човекот е под огромни, повеќетонски парчиња карпа и чакал, објавува Bild.de.

По часови неизвесност, пристигнаа охрабрувачки вести - 31-годишниот Италијанец е жив и е успешно спасен. Фотографиите и видеата го покажуваат моментот кога повредениот човек е извлечен на површината во понеделник вечерта, по повеќе од 27 часа поминати заробен под земја.

Човек заробен на длабочина од 10 метри

Според информациите од спасувачките екипи, човекот ја истражувал пештерата кога се случило лизгање на земјиштето, а карпите и камењата го покриле преминот и го заробиле на длабочина од околу 10 метри.

Неговиот партнер ги известил спасувачките служби околу 14:30 часот. Потоа започнала драматична трка со времето за да го однесат човекот на безбедно.

Во операцијата учествуваа околу 60 спасувачи

На местото на несреќата беа распоредени специјализирани спелеолошки спасувачи, лекари и експерти за отстранување на урнатини од цела Италија. Вкупно околу 60 лица учествуваа во координираната операција, заедно со воздушни спасувачи и пожарникари.

Првично, не беше можно да се воспостави контакт со закопаниот човек, а преминот до пештерата Горопеду беше блокиран.

Спасувачите прво мораа да отстранат камења и урнатини за да стигнат до него. Работата траеше цела ноќ и продолжи до понеделник вечерта. Во многу ограничен простор, екипите рачно го расчистија преминот широк само 1,5 метри и со иста висина. Во исто време, мораа да го обезбедат отворот со дрвени штици за да спречат понатамошно уривање.

По повеќе од 27 часа напорна работа, тие успеаја да го ослободат човекот.

Според порталот „SardegnaLive“ и неколку италијански новински агенции, пештерскиот истражувач бил свесен во моментот на спасувањето, но не можел да се движи. Откако бил извлечен на површината, лекарите ја стабилизирале неговата состојба, а потоа бил префрлен во болница со хеликоптер на брза помош.

Тагови: италија карпи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

НБА

Дресот на Џордан од финалето на НБА лигата во 1998 е продаден за 14 милиони долари

Дресот што го носел и потпишал поранешниот американски кошаркар Мајкл Џордан за време на финалето на НБА во 1998 година е продаден во приватна трансакција за 14 милиони долари.

Дресот на Џордан од финалето на НБА лигата во 1998 е продаден за 14 милиони долари

Дресот што го носел и потпишал поранешниот американски кошаркар Мајкл Џордан за време на финалето на НБА во 1998 година е продаден во приватна трансакција за 14 милиони долари, соопшти аукциската куќа „Хант“, што ја прави највисоката цена платена досега за кошаркарски сувенир.

Купувачот на црвениот дрес, кој Џордан го носеше во вториот натпревар од финалето против Јута Џез на 5 јуни 1998 година, е инвеститорот во недвижности од Мајами, Рон Фирман, објавува АП.

Последниот шампионски трофеј на Џордан

Чикаго Булс ја победија Јута во тој натпревар и го израмнија резултатот на 1-1, а потоа ја освоија титулата во шест натпревари. Тоа беше шестиот и последен шампионски трофеј на Џордан во неговата кариера.

Сезоната 1997/1998 беше тема на документарната серија „Последниот танц“, објавена во 2020 година, која ја следеше последната шампионска сезона на Џордан со Чикаго.

Претседателот на аукциската куќа, Дејвид Хант, изјави дека важноста на Џордан на пазарот на спортски колекционерски предмети достигна ниво карактеристично за познати уметнички дела.

Продажната цена од 14 милиони долари е втората највисока сума платена за дрес што го носел спортист. Рекордот го држи дресот на бејзбол играчот Бејб Рут, продаден во 2024 година за 24,12 милиони долари.

Рут го носеше овој дрес кога го постигна познатиот хоум ран во Светската серија во 1932 година против Чикаго Кабс.

Сменуваше сопственик само еднаш

Дресовите што ги носеше Џордан во финалната серија во 1998 година веќе достигнаа мултимилионски износи. Дресот од првиот натпревар беше продаден во 2022 година за околу 10,1 милион долари, додека дресот од третиот натпревар минатиот месец достигна цена од околу 12,3 милиони долари.

Фирман рече дека Џордан е исклучително талентиран кошаркар кој е почитуван низ целиот свет и дека е многу возбуден поради купувањето.

Аукциската куќа во соопштението наведува дека дресот првично бил купен од Чикаго Булс во 2003 година и дека оттогаш сменил сопственик само еднаш.

Други предмети поврзани со последната сезона на Џордан во Чикаго се исто така од голем интерес за колекционерите.

Патиките што ги носеше во вториот натпревар од финалето против Јута беа продадени на аукција на „Сотби“ во 2023 година за 2,2 милиони долари, што во тоа време постави рекорд за најскап пар продадени патики.

Тагови: мајкл џордан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Пукотница во близина на Европскиот парламент: Едно лице загина, полицаец е застрелан во глава

Во пукотница во близина на зградата на Европскиот парламент во Брисел рано утрово загина едно лице, потврди канцеларијата на белгискиот обвинител.

Пукотница во близина на Европскиот парламент: Едно лице загина, полицаец е застрелан во глава

Пукањето се случило во населбата Иксел, а нема дополнителни информации за околностите на инцидентот, објавува „Бруселс тајмс“.

Во исто време, во бриселското предградие Зет се случи уште една пукотница, во која полицаец бил застрелан во главата додека се обидувал да запре украдено возило.

Осомничениот подоцна бил уапсен во специјална полициска операција, а кај него биле пронајдени три оружја.

Сè уште не е утврдено дали двата инцидента се поврзани.

Белгискиот министер за внатрешни работи, Бернар Квинтин, се огласи за смртта на полицаецот и рече дека е длабоко потресен од трагедијата. Тој изјави дека обвинителството спроведува истрага и дека одговорните ќе се соочат со полната сила на законот.

Во врска со двата случаи, обвинителството треба да одржи прес-конференција попладнево.

Тагови: Европскиот парламент полицаец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер