„Размислуваме, меѓу другото, за периодот што ќе следи по воспоставувањето на примирјето и сакаме, како и другите големи западни земји, да го зачуваме економскиот мост кон Русија и да заштитиме повеќе од 100 милијарди евра германски имот во Русија“, објасни Шеп.

Економскиот форум ќе се одржи во Санкт Петербург од 3 до 6 јуни, а како и во претходните години, домаќин ќе биде рускиот претседател Владимир Путин.

Американските и француските претставници се вратија во Санкт Петербург минатата година и учествуваа во бизнис дијалог, и покрај санкциите.

„На долг рок, Западот не треба да ја остави Русија, својот голем пазар и своите суровини во Азија“, рече Шеп, истакнувајќи дека во првиот квартал од оваа година, само Кинезите основале 1.400 нови компании во Русија.

Познати лица на форумот

Според програмата на Санктпетербуршкиот меѓународен економски форум (SPIEF), меѓу германските учесници во бизнис дијалогот се Стефан Дир, производител на млечни производи што работи во Русија со групацијата EkoNiva, и Томас Брух, долгогодишен извршен директор на Globus Holding.

Синџирот Globus работи во Русија заедно со околу 1600 други германски компании и минатата година, според проценките на комората, регистрирал промет од околу 20 милијарди евра.

Обемот на германско-руската трговија падна под 10 милијарди евра минатата година поради западните санкции. Пред влегувањето на руските трупи во Украина на крајот на февруари 2022 година, Германија беше најголемиот европски трговски партнер на Русија, со обем на размена од 59,7 милијарди евра во 2021 година и 80 милијарди евра на својот врв во 2012 година.

„Важен пазар“

Ново истражување за деловната клима спроведено од Германско-руската стопанска комора меѓу 750 членови покажа дека речиси сите компании планираат да останат во Русија, бидејќи го сметаат нејзиниот пазар за важен.

Вкупно 75 проценти од 265 испитаници изразиле задоволство од развојот на бизнисот во Русија, и покрај големите загуби предизвикани од санкциите.

Две третини од нив се убедени дека казнените мерки на Западот значително влијаат врз руската економија, покажа анкетата. Малку повеќе од една третина од компаниите веруваат дека санкциите предизвикуваат поголема штета на Германија отколку на Русија, а повеќе од половина дека тие им штетат и на Германија и на Русија подеднакво.

Враќањето на рускиот гас и нафта?

Околу две третини од испитаниците рекле дека Германија треба што поскоро да почне да увезува нафта и гас од Русија, а 31 процент го поддржуваат тој потег, но „само откако ќе престанат борбите во Украина“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.