Живот

Германскиот министер за надворешни работи бара поблиско партнерство со Боливија за литиум

Германскиот министер за надворешни работи Јохан Вадефул изјави дека сака да ги зајакне партнерствата на Германија со Боливија, бидејќи Берлин настојува да ја намали својата зависност од Кина за критични суровини како што е литиумот.

- Боливија е богата со суровини, особено со литиум, кој е незаменлив за нашата енергетска транзиција, за електричната мобилност и за многу други сектори во Германија, рече Вадефул пред неговата посета на оваа јужноамериканска земја богата со ресурси.

Боливија ги поседува најголемите резерви на литиум во светот, кој е клучна компонента за батерии и електрични возила, како и за преносливи електронски уреди како што се паметни телефони и лаптопи, и во системи за сончева и енергија на ветар.

Побарувачката за литиум-јонски батерии брзо расте, а германската влада сака да ја намали зависноста од Кина во оваа област, пренесува ДПА.

Вадефул рече дека Боливија, исто така, нуди импресивен потенцијал во однос на ретките минерали, уште една група на критични суровини. „Нашиот потенцијал за соработка е голем“, додаде германскиот министер за надворешни работи.

Во југоисточниот град Санта Крус, Вадефул треба да се сретне со новиот претседател на Боливија, Родриго Паз Переира, кој се смета за умерен реформатор. Исто така планирани се средби со новиот министер за надворешни работи, Фернандо Уго Арамајо, како и со претставници на бизнисот.

Паз, од Христијанско-демократската партија, победи на вториот круг од изборите во октомври. Изборите ставија крај на речиси две децении левичарски влади, кои долго време беа обележани со борба за власт меѓу поранешниот претседател Ево Моралес и досегашниот шеф на државата Луис Арсе од левичарското Движење за социјализам (MAS).

Паз наследува големи предизвици, вклучувајќи длабока економска криза обележана со висока инфлација, недостиг на гориво и храна, и акутен недостиг на лекови.

Боливија, земја без излез на море со околу 12 милиони жители, е една од најсиромашните нации во Јужна Америка.

Вадефул рече дека Паз има намера да ја отвори Боливија кон светот. „Боливија ја има нашата целосна поддршка во тоа“, рече министерот.

Тој додаде дека Боливија, како нова членка на јужноамериканскиот трговски блок Меркосур, може да се приклучи на договорот што ги опфаќа Бразил, Аргентина, Парагвај, Уругвај и 27-те земји членки на Европската Унија, со цел да се воспостави една од најголемите слободни трговски зони во светот. Финализирањето на договорот е на повидок по повеќе од 25 години преговори.

- Тоа би бил дополнителен поттик за германско-боливиските економски односи, рече Вадефул.

Според Европската комисија, слободната трговска зона со повеќе од 700 милиони жители би била најголема од ваков вид во светот и би послужила како сигнал против протекционистичката царинска политика на американскиот претседател Доналд Трамп.

Планот е во голема мера да се намалат царините и трговските бариери меѓу ЕУ и блокот Меркосур. Договорот ги опфаќа Бразил, Аргентина, Парагвај и Уругвај. Боливија, како нова членка, и Венецуела, која е суспендирана од 2016 година, не се вклучени.

Тагови: Германија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Најзгодната мама повторно воодушеви во бикини

Екс манекенката Роузи Хантингтон-Вајтли ужива во одморот со својот славен сопруг, холивудскиот актер Џејсон Стетам и децата.

Познатото семејство летниот одмор го мининува на егозтичната Малта, каде што Роузи повторно позира во провокативно бикини.

Убавата Роузи Хантингтон-Вајтли ја покажа својата извајана фигура во минијатурни бикини за време на луксузниот семеен одмор со Џејсон Стетам.

39 годишната манекенка моментално ужива на Малта со 20 години повозрасниот Џејсон и нивните две деца – деветгодишниот син Џек и четиригодишната ќерка Изабела.

Парот веќе објави фотографии од одморот, но кога станува збор за Роузи, никогаш не е доволно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во Франција пронајдени тела на пет бебиња

Француските обвинители покренаа истрага за сомнително убиство откако во станот на еден пар во градот Оранж, во југоисточна Франција, беа пронајдени посмртните останки на пет новороденчиња, соопштија локалните правосудни органи.

Остатоците од бебињата биле пронајдени во картонски кутии за време на претрес на станот во историскиот центар на градот, спроведен од 32-годишниот партнер на жената, откако тој – според обвинителството – дури во напредна фаза дознал дека таа повторно е бремена, пренесува „Франс 24“.

Жената во неделата дома родила здраво дете, по што била пренесена во болница.

По пристигнувањето во станот, нејзиниот партнер пронашол остатоци за кои се сомневал дека се човечки остатоци и ги известил болничките вработени, кои го пријавиле случајот во обвинителството. Според првите наоди на судскиот испитувач, остатоците најверојатно им припаѓаат на пет бебиња, а причината и околностите на нивната смрт ќе бидат утврдени со обдукции.

Истражителите сè уште не разговарале со мајката, соопштија од обвинителството.

Двојката има и две деца на возраст од осум и девет години.

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Шпанската пејачка ја откри вистината за нејзината врска со фудбалерот

Шпанската пејачка Ана Мена одлучи да проговори по бројните гласини што ја поврзуваат со сè попопуларниот фудбалер Феран Торес.

Шпанската пејачка Ана Мена категорично демантираше дека е во врска со напаѓачот на Барселона, Феран Торес – освојувач на Светското првенство во 2026 година со шпанската репрезентација – и ги нарече таквите тврдења „глупости“ и „апсурдни“, откако беа видени заедно за време на прославата на светската титула.

Пејачката веднаш реагираше на гласините што се појавија во медиумите деновиве, особено на оние што ја поврзуваат со фудбалерот на Барселона.

„Ова е бесмислица, за име на Бога. Навистина е смешно“, им изјави таа на собраните новинари, пренесува Goal.com.

Медиумите почнаа да ги поврзуваат Ана Мена и Феран Торес откако беа видени заедно на прослава на плоштадот Сибелес, организирана од Шпанската фудбалска федерација, а потоа и на приватна забава во еден од најпознатите ноќни клубови во Мадрид.

Шпекулациите дополнително се разгореа кога пејачката се појави во дрес со бројот 7, кој Торес го носи во шпанската репрезентација.

Кога ја прашале Анна зошто го носела токму тој дрес, Ана Мена кратко одговори: „Па, тоа е дресот што ми го дадоа, не знам.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.