Забава

Германски медиуми: Ана Ивановиќ го тужи Бастијан за алиментација?

Продолжува „шпанската серија“ поврзана со разводот на еден од најпознатите светски спортски брачни парови, екс фудбалерот Бастијан Швајнштајгер и екс тенисерката Ана Ивановиќ.

Веста за разводот на поранешната најпозната спортска двојка сè уште не ги напушта насловните страници.

Откако беше објавено дека Ана Ивановиќ покренала постапка за развод од Бастијан Швајнштајгер во Окружниот суд во Минхен, се појавија нови информации кои дополнително привлекуваат внимание во јавноста.

Германските медиуми, вклучувајќи ги „Дер Шпигел“ и „Билд“, објавија дека Ана Ивановиќ поднела тужба во Палма де Мајорка за издршка на дете(алиментација).

Оваа информација додава дополнителна тензија во процесот што веќе привлече големо медиумско внимание. Новинарите од двата весника се обидоа да добијат коментар од адвокатите на поранешните сопружници, како и од надлежниот суд во Минхен.

Според медиумските извештаи, адвокатот на Ана, Кристијан Шерц, одби да коментира за новите информации, додека правниот застапник на Швајнштајгер е без одговор.

Официјалниот став на судот остана краток и јасен: „Не можеме да даваме информации за приватни семејни прашања“.

Инаку Ана и Бастијан живеат одвоено со месеци.

Иако подолг период имаше шпекулации за брачни проблеми, официјалната потврда дојде во јули, кога адвокатот Шерц изјави дека „непомирливите разлики“ довеле до пропаѓање на деветгодишниот брак.

Тој, исто така, апелираше за почитување на приватноста на семејството, особено на трите деца.

Оттогаш, ниту Ана ниту Бастијан не дадоа никакви изјави за нивната врска. Љубовна приказна што трае повеќе од една деценија Ана Ивановиќ и Бастијан Швајнштајгер се сметаат за пар кој со години ја крие својата интимност од јавноста.

Нивната врска стана позната во 2014 година кога првпат беа фотографирани заедно за време на Отвореното првенство на САД во Њујорк. Тие ретко се појавуваа заедно во јавноста и речиси никогаш не зборуваа за своите синови. Сепак, Ана еднаш откри интересен детаљ - првата реченица што Бастијан ја научи на германски јазик: „Не, благодарам, среќно сум заљубен“.

Тагови: Ана Ивановиќ Бастијан Швајнштајгер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Кривичнииот суд почна судењето за поранешниот вицепремиер Артан Груби

По пола година од враќањето во земјава, денеска во Кривичниот суд почна судењето за поранешниот вицепремиер Артан Груби денеска ќе седне на обвинителна клупа за злоупотреба на службената положба за Државна лотарија.

Освен правните перипетии што го следат случајот, судењето го привлекува вниманието на јавноста и поради политичките импликации што може да произлезат од процесот..

Во кривичниот суд е Михајло Видимлиски..

Во видеото погледнете го целиот извештај.

Тагови: Груби кривичен суд Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

НУ Драмски театар Скопје со „Гидионовиот јазол“ гостува на фестивалот РУТА на Бриони

НУ Драмски театар Скопје со претставата „Гидионовиот јазол“ вечерва (24 август) ќе гостува на Бриони во Хрватска каде што театарот „Улисис“ е домаќин на фестивалот на Регионалната унија на театри (РУТА).

Претставата ќе биде изведена во Летното кино во 21 часот.

„Гидионовиот јазол“ на режисерката Драгана Милошевски-Попова е претстава работена по текст на авторката Џона Адамс. Драматург на претставата е Викторија Рангелова-Петровска, а улогите ги играат актерките Биљана Драгиќевиќ-Пројковска и Ања Митиќ.

Гостувањето на Бриони ќе биде дваесетта изведба на претставата, која досега гостувала на неколку фестивали низ Македонија, како и во регионот на сцените на театрите членки на РУТА. На минатогодишниот 33. Меѓународен фестивал на камерен театар „Ристо Шишков“ актерката Биљана Драгиќевиќ-Пројковска за улогата на Корин Фел ја доби наградата за високо актерско достигнување.

Режисерка Драгана Милошевски-Попова во програмската белешка истакнува дека: „Претставата ‘Гидионовиот јазол’ е моќна и вознемирувачка приказна за вината, одговорноста, тагата и сложениот однос во комуникацијата, како и состојбите во образовниот систем, проблемите со кои се соочува детето низ периодот на детството. На училишна средба меѓу мајката Корин и наставничката Хедер, кој се случува по еден трагичен настан, преку деликатен, емотивно исполнет/напнат дијалог, се отвораат прашањата за детската креативност, слободата на изразување, за уметноста, за одговорноста на наставниците и за родителите, за социјалните мрежи, за врсничкото насилство, за осаменоста, преку кои постепено се разоткрива длабоката болка и се бара, па и се посочува можниот виновник“.

Авторката Џона Адамс е претставничка на новата генерација американски драмски автори. Таа е авторка на 20 драмски текстови во кои драмската структура ја гради преку исклучително јаки и богато нијансирани карактери и ги поставува во сложени меѓусебни психолошки ситуации. Друштвото на американските театарски критичари ѝ ја доделува наградата „Стинберг“ (Steinberg Award) за делото „Гидионовиот јазол“.

Претставата „Гидионовиот јазол“ е на редовниот репертоар на Драмски театар од премиерата која се одржа во мај минатата година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Денеска нови цени на нафтените деривати

Регуалаторната комисија за енергетика денеска треба да донесе нова одлука за малопродажните цени на горивата.

Со претходната одлука бензините поскапеа за 4,5 денари, а дизелот поскапи за 6,5 денари по литар. Во последната пресметка на регулаторна продолжена беше и примената на намелените акцизи и тоа за 2 денари кај бенизните и за 4 денари по литар кај дизелот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.