Свет

Германски генерал: Русија би можело да ја нападне Германија

Генералот Карстен Брејер, шеф на вооружените сили на Германија, за германските медиуми изјави дека стравува дека Русија може да ја нападне Германија и да започне „одбранбена“ војна.

Во интервју за Frankfurter Allgemeine Sonntagszeitung, Бројер рече дека е загрижен што Русија „се вооружува во моментот“. Тој додаде дека Германија ќе мора да се навикне на можноста „дека еден ден ќе мора да водиме одбранбена војна“.

Бројер беше прашан и дали германската армија ќе може да се справи со евентуален руски напад врз НАТО, чиј дел е и Германија. Бројер рече: „Да. Точка. Немаме алтернатива. Можеме да се браниме и ќе се браниме“.

Сепак, Бројер призна дека германската војска има недостатоци во националната и сојузната одбрана, бидејќи со години е фокусирана на меѓународното кризно управување. „Сега гледаме Бундесвер (вооружени сили на Германија) кој сè уште не е доволно опремен за војна“, рече тој, додавајќи дека има „структури кои ги прават брзите и насочени одлуки речиси невозможни“.

Македонија

По обилните врнежи во тетовско над 20 интервенции на пожарникарските екипи

Над 20 интервенции имало синоќа во поплавени куќи во Тетово по обилниот дожд.

Тетовските пожарникари ноќта имале повеќе од 20 повици за испумпување на вода од поплавени куќи, дворови, подруми и улици. Најголем дел од поплавените куќи биле во селата Мала и Голема Речица.. Поради обилните врнежи пожарникарите вчера извлекувале и неколку возила..Најкритично било во Желино каде во подвозникот по кој поминува локален пат в насобраната вода се заглавило комбе со 11 патници., кои не можеле да излезат , и по интервенција на тетовските пожарникари успешно биле извлечени од комбето и патниците и возачот

Свет

Шефот на иранската дипломатија од Дамаск повика на прекин на огнот во Либан и Газа

Шефот на иранската дипломатија, Абас Арагчи, денеска повика на прекин на огнот во Либан и Газа, неколку дена откако Техеран истрела над 280 балистички ракети кон Израел, јави ДПА.

При посетата на сирискиот главен град Дамаск, Арагчи го опиша прекинот на огнот како „најитното прашање“, пренесе ИРНА.

Шефот на дипломатијата рече дека Израел е главната пречка за мирот и ја повика меѓународната заедница да се спротивстави на израелските „воени злосторства“ за да се постигне мирот во регионот.

Израел се закани дека ќе возврати по ракетните напади на Техеран, а една од можните цели се нападите врз иранските нуклеарни постројки, пренесува ДПА./МИА

Фудбал

Директорот на Наполи: Разговараме со Кварацхелија за нов договор

Спортскиот директор на Наполи Џовани Мана информира дека клубот е во преговори со напаѓачот Квича Кварацхелија за продолжување на неговиот договор.

- Комуницираме за нов договор. Не брзаме и не сме под притисок. Фудбалерот има уште три години од актуелниот договор. Смирени сме и преговараме, го цитира Мана на социјалната мрежа Икс инсајдер Фабрицио Романо.

На 1 октомври беше објавено дека клубот му нуди на 23-годишниот Грузиец плата од шест милиони евра годишно за продолжување на договорот.

Кварацхелија игра за Наполи од јули 2022 година. Во тековната сезона постигна три гола и две асистенции на девет натпревари за тимот од Неапол.

Актуелниот договор на Грузиецот со италијанскиот клуб е со важност до крајот на јуни 2027 година. Сегашната плата на Кварацхелија изнесува 4,6 милиони евра годишно./МИА

притисни ентер