Сојузот на стопански комори на Македонија остро ја осудува злоупотребата на службената положба и фалсификувањето на службена документација од страна на извршниот директор Сузана Јаневска, која на 07.07.2025 година е суспендирана од функцијата и нема никакви овластувања да ја претставува институцијата.

На 09.07.2025 година, Сузана Јаневска, користејќи приватна Yahoo адреса ([email protected]), испратила лажно соопштение до медиумите во кое тврди дека е одржано вонредно Собрание на ССКМ. Истакнуваме дека:

• Тоа не е официјална комуникација на ССКМ и е правно ништовна.

• Собрание на 09.07.2025 не било закажано, ниту одржано по деловнички или статутарни процедури.

• Фалсификуваната покана и обидот за лажно собрание се резултат на грубо прекршување на член 4.2.8 од Договорот за основање на ССКМ.

• Постапката претставува класичен пример на институционална измама и дејствување без мандат.

Заедно со Јаневска, во координирана активност биле вклучени и четири правни субјекти поврзани преку семејни и деловни врски кои се исклучени од членство со Одлука бр. 0302-1-11/25 од 01.07.2025 година, поради сериозно нарушување на угледот и функционалноста на институцијата.

Согласно член 4.5.4 од Договорот за основање, Претседателот на ССКМ, г. Трајан Ангелоски, донесе формална Наредба за итна суспензија на Сузана Јаневска, со која ѝ се забранува пристап до службените простории, контакт со членството и користење на било какви ресурси во име на ССКМ. Исто така, таа е задолжена веднаш да ги врати сите доверени средства во сопственост на Сојузот.

Во интерес на правната сигурност, заштита на членките и зачувување на интегритетот на институцијата, целокупниот случај е пријавен во Министерството за внатрешни работи. Очекуваме соодветни институционални реакции за сите инволвирани во обидот за институционален удар и фалсификат.

Апелираме до сите медиуми и јавноста да не прифаќаат никаква комуникација или соопштенија испратени од приватни адреси кои не се дел од официјалната структура на ССКМ. Сите валидни информации ќе бидат доставени исклучиво преку официјалниот е-маил [email protected] и преку легитимните канали на Сојузот.

Ниту поединци, ниту групи нема да бидат дозволени да го узурпираат легитимитетот на институцијата изградена врз доверба, транспарентност и работа во интерес на бизнис заедницата.

Трајан Ангелоски, претседател на ССК

Како што информира ансамблот, нивниот концерт е дел од мала турнеја на која се претставиле со дела од композиторите Дарија Андовска, Михајло Трандафиловски, Панде Шахов, Томислав Зографски, Филип Иванов, како и со светската премиера на делото „Свадбениот танц на Влаина планина” од Ангел Спироски и со изведбата на „Dérive 1“ од композиторот Пјер Булез во чест на 100-годишнината од неговото раѓање.

Во ансамблот „Алтус НЗ“ членуваат музичари кои претходно биле дел од ансамблите „Алеа“ и „КонТемпора“: Паскал Галоа - уметнички раководител и диригент; Гонца Богоромова Краповски - сопран; Елена Стојческа - флејта; Игор Иванов - кларинет; Ромен Петио - гитара; Мартин Димитров - виолина; Александар Лаовски - виола; Паскал Краповски - виолончело и Маријана Николовска - пијано.

Како што велат, нивна цел е афирмација на современата музика на домашната и на меѓународната сцена.

-Тоа резултираше со оформување на ансамблот „Алтус НЗ“ како актуелен наследник на работата на претходните ансамбли. Со своето основање во 2021 година, ансамблот постави платформа за меѓународна соработка помеѓу исклучителни уметници - љубители на современата музика, меѓу кои и Французи, а сето тоа со едноставна премиса: да се понуди висок изведувачки квалитет, мобилност и флексибилност на концертниот подиум, како и вмрежување на изведувачи, композитори, универзитети и институции за култура и образование, охрабрувајќи ги да преземат создавање на нов, предизвикувачки репертоар, наведува „Алтус НЗ“.

Сојузот на средношколци денеска во Собранието на Република Македонија ќе одржи 25. Генерално собрание и 4. Конгрес, на кој ќе се избира нов претседател на Сојузот и ќе бидат презентирани активностите и резултатите од двегодишниот мандат на досегашниот, Берин Мухамед.

-Ќе се избира претседател на Сојузот на средношколци – позиција со клучна улога во застапувањето на средношколските интереси на национално и интернационално ниво, наведува Сојузот на средношколци.

Има двајца кандидати за претседателската функција: Виктор Јакимов - ученик од средното приватно училиште „НОВА“ во Скопје, кој оваа година завршил втора година средно, и Иво Маркиќ – ученик од средното приватно училиште „Јахја Кемал“ - Скопје, кој во јуни завршил прва година средно образование.