Германките сепак пресилни за македонските ракометарки - Канал 5

Ракомет

Германките сепак пресилни за македонските ракометарки

Женската ракометна репрезентација на Македонија е поразена од Германија 21:24 во натпревар од квалификациите за Европското првенство кое во декември годинава ќе се одржи во Унгарија и Хрватска.

Германките сепак пресилни за македонските ракометарки
На дуелот одигран попладнево во СРЦ Кале во Скопје, а во рамките од групата 7, нашите ракометарки одиграа одлично во првата четвртина од натпреварот. По воведните 5:0 гостинките од Германија дури во 12-минута го постигна првиот гол. Македонија имаше и највисоки 6 голови предност во 18 и 19-минута (7:1 и 8:2), но во завршните три минути со серија 0:3 Германија на паузата замина само со два гола негатива 11:9.

Во вториот дел Германија со два гола во серија го израмни резултатот на 11:11 во 32-минута, но избраничките на Магдинчев одново ја презедоа играта во свои раце и се до 44-минута имаа и предност од гол, односно два. Следуваше серија на Германија од 5:1, за веќе во завршните 15 минути да влезат и со два гола позитива која до крајот рутинирано ја одржуваа и зголемуваа предноста за конечни Македонија – Германија 21:23.

Најефикасна на натпреварот беше нашата ракометарка Зорица Деспотовска со 8 постигнати голови, додека за победничките Сузан Милер постигна 6 голови.

Со оваа победа Германија и се приклучија на Русија како втора селекција од оваа група која обезбеди место на ЕП.

За подмладениот состав на нашата селекција ова беше трет пораз во исто толку одиграни натпревари, со што и теоретски ги загубија шансите за пласман на континенталниот шампионат.

Последниот натпревар, одново против Германија, македонските ракометарки ќе го одиграат в сабота во Магдебург.

Табела: Русија 6 бодови, Германија 4 и Македонија 0.


Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: До 30 септември училишен прибор по пониски цени од 10 до 15%

До 30 септември училишен прибор по пониски цени од 10 до 15%,Владата трета година по ред со училишна кошничка на почеток на учебната година

ВМРО-ДПМНЕ: До 30 септември училишен прибор по пониски цени од 10 до 15%

Со почетокот на новата учебна година, Владата предводена од ВМРО-ДПМНЕ донесе одлука за намалување на цените на училишниот прибор. Мерката ќе трае заклучно со 30 септември годинава.

Трговците на големо се задолжуваат да ги намалат цените за најмалку 10%, додека трговците на мало за најмалку 15%. Оваа мерка опфаќа широк спектар производи неопходни за учениците како ранци и ташни, тетратки, блокови, колажи, моливи и пенкала, боици, пластелин, теста за моделирање, фломастери, линијари и дидактички материјали.

Ова е трета година по ред како Владата предводена од ВМРО-ДПМНЕ, воведува училишна кошничка пред почетокот на учебната година, со цел да им го олесни месец септември на родителите, да ги заштеди семејните буџети и да го заштити животниот стандард на граѓаните. Заштедата е од особено значење за семејствата со повеќе од едно дете.

Со оваа мерка, целта е родителите да им го обезбедат потребниот училишен прибор по пониски и попристапни цени, а септември да биде момент на радост и подготовка за новата учебна година.

Со вакви конкретни мерки, Владата предводена од ВМРО-ДПМНЕ продолжува со политики кои носат директна корист за граѓаните и придонесуваат кон заштита на животниот стандард.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Леао во Галатасарај?

Клубовите постигнаа договор за висината на трансферот .

Леао во Галатасарај?

Италијанскиот фудбалски великан Милан и турскиот гигант Галатасарај постигнаа усмен договор за условите за трансфер на португалскиот крилен напаѓач Рафаел Леао во турскиот клуб.

Се очекува договорот да изнесува 45 милиони евра, плус дополнителни бонуси со кои би се зголемила вкупната вредност.

Преговорите продолжуваат денес. Конечната одлука зависи и од самиот играч. Интерес за него покажува и Астон Вила.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Руски државјанин прегази пешаци во Франција,еден загинат, десет повредени

Едно лице загина, а десет други се повредени синоќа во францускиот град Кан, откако возач намерно со автомобил удри во пешаци пред железничката станица. 

Видео: Руски државјанин прегази пешаци во Франција,еден загинат, десет повредени

Локалните власти го потврдија инцидентот во северна Франција, пренесува Ројтерс.

„Последиците се тешки. Имаме еден загинат; седум лица се во критична состојба, а тројца се сериозно повредени, но не им е загрозен животот“, изјави за новинарите Давид Клавиер, префект на департманот Калвадос.

Префектот потврди дека возачот бил уапсен кратко по нападот. Според достапните информации, мажот е роден во Русија и претходно не им бил познат на разузнавачките служби. Мотивите на напаѓачот засега остануваат непознати.

Во тек е полициска истрага која опфаќа детална анализа на снимките од безбедносните камери.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер