Германија во шок: Пронајдено е телото на исчезнатото 8- годишно момче, било запалено - Канал 5

Свет

Германија во шок: Пронајдено е телото на исчезнатото 8- годишно момче, било запалено

Германија е потресена од веста дека тело на дете е пронајдено во близина на селото Клајн Упала, недалеку од градот Гистрово, Германија.

Германија во шок: Пронајдено е телото на исчезнатото 8- годишно момче, било запалено

Обдукцијата го потврди најлошото - момчето починало од насилна смрт.

Телото био пронајдено во вторникот, а според канцеларијата на државниот обвинител во Росток, имало знаци на насилство и траги од горење, што укажува на обид за прикривање на доказите. Иако официјалниот идентитет сè уште не е потврден, истражителите претпоставуваат дека станува збор за осумгодишниот Фабијан, момчето кое исчезнало во петокот, 10 октомври.

Фабијан исчезнал откако, според првичните информации, сакал да го посети својот татко, кој живее одвоено од мајка си јужно од Гистрово. Неговата мајка го пријавила како исчезнат истата вечер. Полицијата и кучињата трагачи успеале да ја следат неговата трага до автобуската станица во Гистрово, но потоа сите траги исчезнале.

Во деновите што следеле, пребарувањата на езерата и околните области биле неуспешни сè до вторникот наутро, кога жена што шетала во близина на Клајн Упал наишла на телото на детето во шумата и веднаш ја повикала полицијата.

Иако истражителите речиси сигурно веруваат дека станува збор за Фабијан, се чека официјална потврда откако ќе се анализираат примероците од ДНК, чии резултати се очекуваат утре. Блиските роднини побарале да не бидат идентификувани и не биле во можност да го видат детето, што, според државниот обвинител, е сосема разбирливо со оглед на околностите.

Канцеларијата на државниот обвинител и полицијата издадоа заедничко соопштение во кое се наведува дека, врз основа на моменталната состојба на истрагата, се претпоставува дека некој друг е одговорен за смртта на детето.

„Невообичаено е да се најде тело на дете во шумска област. За жал, го претпоставуваме најлошото“, изјави портпаролот на полицијата за германските медиуми.

Според информациите објавени од локалните медиуми, телото било запалено, а околностите укажуваат на намерен обид за уништување на доказите. Властите сè уште не потврдиле кој би можел да биде осомничениот, пишува Нордкуриер.

Гистров, градот каде што живеел Фабијан, е обединет во тагата. Мештаните палат свеќи и оставаат цвеќе во близина на училиштето што го посетувал осумгодишникот. „Сите сме во шок. Никој не може да разбере како може да се случи нешто вакво“, рече еден жител.

Тагови: момче телото

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска официјално ќе биде промовирана „Везилка“ – првиот центар за вештачка интелигенција во земјава

Денеска  официјално ќе биде промовирана „Везилка“ – првиот центар за вештачка интелигенција во земјава. 

Денеска официјално ќе биде промовирана „Везилка“ – првиот центар за вештачка интелигенција во земјава

Проектот е воспоставен во рамки на европската заедница за пресметување со високи перформанси, кофинансиран од Европската унија и координиран од факултетот за компјутерски науки и инженерство при УКИМ во соработка со министерството за дигитална трансформација.

Проектот е од важност за зајакнување на дигиталниот суверенитет, забрзување на дигиталната трансформација, поттикнување на иновациите во јавната администрација, подобрување на одлучувањето засновано на податоци и создавање можности за истражување, претприемништво и технолошки развој. Има за цел и да ја зајакне соработката меѓу институциите, универзитетите, истражувачките центри, организациите на граѓанското општество и деловната заедница.

Тагови: Везилка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Минчев ќе оствари билатерална средба со министерката за јавна администрација и локална самоуправа на Србија

Министерот за јавна администрација на Република Македонија, Горан Минчев, ќе оствари билатерална средба со министерката за јавна администрација и локална самоуправа на Република Србија.

Минчев ќе оствари билатерална средба со министерката за јавна администрација и локална самоуправа на Србија

Средбата се организира со цел размена на искуства и унапредување на соработката во областа на јавната администрација.

По завршувањето на билатералната средба, двајцата министри ќе дадат изјави за медиумите.

Кабинет на Министер за Јавна Администрација

Тагови: Минчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Директорот на БЈБ Јанев во работна посета на Полициското одделение и Граничниот премин Ново Село

Вчера (23.06.2026) директорот на БЈБ Јанев оствари работни посети во Струмица, Полициското одделение Ново Село и Граничниот премин Ново Село, каде се запозна со состојбите и предизвиците на полициските службеници на терен.

Директорот на БЈБ Јанев во работна посета на Полициското одделение и Граничниот премин Ново Село

На средбите беше разговарано за безбедносната состојба, одржувањето на јавниот ред и мир, како и за спречување на прекуграничниот криминал. Посебен акцент беше ставен на унапредување на условите за работа, техничката опременост и зајакнување на координацијата со надлежните служби и соседните држави.

Беше истакнато дека ГП Ново Село е важна точка за проток на патници и стоки, при што останува приоритет обезбедување на ефикасна, професионална и безбедна услуга за граѓаните.

Тагови: БЈБ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер