Германија во шок: Брутално убила двојничка, да ја лажира сопствената смрт, ѝ помогнал Косовец - Канал 5

Живот

Германија во шок: Брутално убила двојничка, да ја лажира сопствената смрт, ѝ помогнал Косовец

Шахрабан К-Б, Германка со ирачко потекло (23) е обвинета за убиство откако наводно на Инстаграм пронашла жена која личела на неа и ја убила за да ја лажира сопствената смрт.

Германија во шок: Брутално убила двојничка, да ја лажира сопствената смрт, ѝ помогнал Косовец

Кога крвавото тело на млада жена било пронајдено во паркиран автомобил „мерцедес“ во август 2022 година во Инголштад на југот на Германија, полицијата помисли дека се работи за К-Б. и дека некој ја убил, пишува Гардијан.

Иако членовите на нејзиното семејство сведочеле дека тоа е таа, обдукцијата подоцна покажала дека се работи за Кадиџа О. (23), блогерка со алжирско потекло од градот Хајлброн во германската покраина Баден-Виртемберг.

Како и Шахрабан К-Б. и Кадиџа О. имале долга црна коса, слична боја на кожа и многу шминка на лицата, германските медиуми случајот го прогласија за „убиство на двојнички“.

Тужителите ја обвинија Шахрабан К-Б. и дека наредила убиство на братот на нејзиниот сопруг. На човекот идентификуван како „А“ му понудила 10.000 евра за да го убие. Мажот ѝ зел 5.000 евра, но не го убил братот на нејзиниот сопруг и покрај тоа што таа тоа го барала неколку пати. Шахрабан К-Б. го признала наведеното кривично дело.

Покрај Шахрабан К-Б., на обвинителна клупа ќе биде и Шеќир К.(24) од Косово, кој наводно ѝ помогнал да ја убие Кадија О.

Обвинителите го обвиниле и Шеќир К. за поттикнување на убиство бидејќи списокот со потенцијални сведоци во случајот со убиството на Кадиџа О. го дал на човек што го сретнал во затвор по апсењето. Шеќир К. се обидел да го убеди тој човек да ја убие и му рекол дека ќе му плати ако го стори тоа. Тие обвинувања ги отфрлил Шеќир К. Шахрабан К-Б. и Шеќир К. тврдат дека не се виновни за убиството на Кадиџа О.

Вероника Гризер, од државното обвинителство во Инголштад, изјави дека Шахрабан К-Б. решила да ја лажира сопствената смрт за да започне нов живот. Се верува дека сакала да побегне по семејна расправија.

Според тврдењата на обвинителот, осомничената испратила пораки до голем број корисници на Инстаграм за кои оценила дека се слични на неа. К-Б. на 09.08.2022 година и понудила на Кадиџа О. можност да биде во спот на раперката Луна. "Не треба да правите многу. Би била среќна ако ме контактирате. Снимањето ќе биде во Офенбург", и напишала К-Б на Кадиџа О.

Кадиѓа О. се сомневала во вистинитоста на тврдењата на Шахрабан К-Б. и веднаш стапила во контакт со споменатиот рапер кој ѝ рекол дека поканата е лажна.

Користејќи друг профил на Инстаграм, Шахрабан К-Б. ја контактирала Кадиџа О. два дена откако ѝ понудила улога во спотот на раперот Луна. Овој пат таа ѝ понудила бесплатен третман во салонот за убавина. Во замена за третманот, на својот Инстаграм профил требало да ја промовира Кадиџа О.

Тие се договориле да се сретнат на 16 август во областа Епинген во Хајлброн. Шахрабан К-Б. и Шеќир К. со црн автомобил „мерцедес купе“ дошле да ја земат Кадиџа О. и наводно се упатиле кон салонот за убавина каде требало да добие бесплатен третман. Меѓутоа, по пат застанале во една шумичка и таму ја убиле.

„Најмалку еднаш ја удриле во задниот дел од главата, по што паднала на земја. После тоа ја избоделе 56 пати и ја убиле“, рекла Вероника Грисер, додавајќи дека телото на Кадиџа О. било целосно осакатено. . Ножот со кој била убиена се уште не е пронајден.

Пријавениот потоа го паркирал автомобилот на улицата недалеку од куќата во која живеела Шахрабан К-Б. Нејзините родители го пронашле телото истата вечер. На суд како дел од процесот против Шахрабан К-Б. и Шаќир К. Би можело да дојдат повеќе од 190 сведоци.

Доколку бидат прогласени за виновни за делото за кое се товарат, може да се соочат со доживотна затворска казна. Се уште не е одлучено кога ќе почне судењето.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Хаос во Франција повредени повеќе од 600 лица

Повеќе од 600 лица се уапсени за време на акциите за блокирање на средни училишта во Франција, а над сто ученици и полицајци се повредени во судирите со полицијата, изјави францускиот министер за внатрешни работи Лоран Нуњез.

Видео: Хаос во Франција повредени повеќе од 600 лица

Според него, уапсени се 625 лица, а 199 од нив се повредени, од кои 83 се полицајци. Тој ги осуди „нападите врз полицајци, фрлањето предмети и насилството“, како и „урбаното насилство“.

Според него, полицијата интервенирала со „голема воздржаност“ и покренала истраги во врска со повредените студенти.

„Станува збор за малолетници кои се соочуваат со полицијата. Очигледно е дека полицијата пропорционално користи средства како што е солзавецот“, изјави Нуњез. Според „Фигаро“, движењето на средношколците и понатаму е поттикнувано од поединци од левичарската партија „Непокорена Франција“ (LFI) и од поддршката на студентите.

Лидерот на LFI, Жан-Лук Меланшон, претходно во средата ги отфрли обвинувањата на францускиот претседател Емануел Макрон дека партијата поттикнува немири за време на протестите на средношколците низ земјата.

Францускиот министер за високо образование, Филип Батист, ја обвини LFI за поттикнување насилство за време на блокадите на училиштата, кои продолжуваат во неколку градови низ земјата, додека претседателот Макрон изјави дека политичките лидери не треба да бидат меѓу демонстрантите за да „шират страв и да го поттикнуваат најлошото“.

Средношколците низ Франција ги блокираат влезовите на училиштата уште од почетокот на неделата, додека државните службеници стапија во штрајк поради планираните кратења на буџетот и условите за работа.

Протестите се интензивираа во последните денови; во Париз беа блокирани околу десет отсто од училиштата, главно во предградието Сен-Дени, во Лил вчера беа запалени контејнери пред едно средно училиште, додека во Лион дојде до судир меѓу полицијата и учениците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Рекорден септември на uslugi.gov.mk: 27.345 поднесени барања за еден месец, вкупната бројка надмина 400.000

Националниот портал за електронски услуги uslugi.gov.mk во септември забележа рекордна употреба – во текот на месецот граѓаните и компаниите поднеле 27.345 барања за електронски услуги, што го прави септември убедливо најуспешен месец досега

Рекорден септември на uslugi.gov.mk: 27.345 поднесени барања за еден месец, вкупната бројка надмина 400.000

Националниот портал за електронски услуги uslugi.gov.mk во септември забележа рекордна употреба – во текот на месецот граѓаните и компаниите поднеле 27.345 барања за електронски услуги, што го прави септември убедливо најуспешен месец досега, надвор од услугата за ИКТ ваучерите со која беа услужени над 50 илјади студенти.

Со овој резултат, вкупниот број на барања поднесени преку Националниот портал надмина 400.000 и достигна 405.881 барање.

Континуираниот раст на користењето на порталот е резултат на проширувањето на бројот на достапни електронски услуги, поедноставувањето на постапките и сè поголемата соработка со институциите кои своите услуги ги прават целосно достапни онлајн.

Особено се издвојува одличната соработка со Државниот завод за статистика, со кој во изминатиот период беа дигитализирани и ставени на располагање повеќе услуги, вклучително и услуги наменети за студентите и академската заедница.

Министерот за дигитална трансформација Стефан Андоновски истакна дека бројките покажуваат дека граѓаните сè повеќе ја препознаваат вредноста на електронските услуги.

„27.345 барања за само еден месец е најдобриот резултат од постоењето на порталот. Уште поважно е што вкупно ја надминавме бројката од 400.000 барања. Ова покажува дека кога услугата е едноставна, достапна и целосно електронска, граѓаните ја користат. Нашата цел е сè повеќе постапки да можат да се завршат од дома или од мобилен телефон, без шалтери, без непотребно чекање и без носење документи од една институција во друга“, истакна Андоновски.

Министерството за дигитална трансформација продолжува со институциите да работи на дигитализација на нови услуги, нивно поврзување преку Платформата за интероперабилност и поедноставување на корисничкото искуство на Националниот портал.

Фокусот останува на услуги кои граѓаните и компаниите најчесто ги користат и кај кои дигитализацијата може да донесе најголема заштеда на време и административни трошоци.

Рекордниот септември е уште една потврда дека електронските услуги постепено стануваат стандарден начин на комуникација меѓу граѓаните и институциите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Министерство за култура: Објавен е Конкурсот за доделување на државната награда „Мито Хаџи Василев-Јасмин“ за 2026 година

Министерство за култура и туризам информира дека Одборот за доделување на државната награда „Мито Хаџи Василев-Јасмин“  распиша Конкурс за доделување на државната „Мито Хаџи Василев-Јасмин“ во 2026 година.

Министерство за култура: Објавен е Конкурсот за доделување на државната награда „Мито Хаџи Василев-Јасмин“ за 2026 година

Со државната награда „Мито Хаџи Василев-Јасмин“ се оддава признание за остварувања во областа на публицистиката и новинарството.

Државната награда им се доделува на поединци, група творци, екипи, установи, трговски друштва и здруженија на граѓани.

Државната награда, под условите определени во конкурсот, може да се додели и на странски државјани, група творци, екипи и институции од странство.

Конкурсот ќе трае од 1 до 31 октомври 2026 година.

Конкурсот и пријавата се достапни на веб-страницата на Министерството за култура и туризам.

Државни награди - Државни награди - Конкурси - Министерство за култура и туризам - Република Северна Македонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер