Германија: Стотици илјади млади луѓе зависни од социјалните мрежи - Канал 5

Живот

Германија: Стотици илјади млади луѓе зависни од социјалните мрежи

Повеќе од една четвртина од сите деца и млади луѓе во Германија ги користат социјалните медиуми на ризичен, или дури и патолошки начин. 

Германија: Стотици илјади млади луѓе зависни од социјалните мрежи

Зависното однесување е во пораст, според податоците на осигурителната компанија „ДАК-Гезундхајт“ (DAK-Gesundheit), јави ДПА.

Минатата есен, 21,5 отсто од анкетираните пројавиле ризична употреба на социјалните мрежи - во споредба со 21,1 отсто во септември - октомври 2024 година. Кога станува збор за консумирање онлајн-видеа, 21,4 отсто консумираат ризична количина, во споредба со 13,4 отсто една година претходно. Испитувањата покажа декаа 6,6 отсто од корисниците на социјалните мрежи и четири отсто од корисниците на видеа се „зависни“. Ова значи дека околу 350.000 деца и млади луѓе ги користат социјалните медиуми на „патолошки“ начин, според наводите. Претседателот на „ДАК-Гезундхајт“, Андреас Шторм, сепак го нарече овој развој загрижувачки.

- Мораме брзо да дејствуваме сега за да ги заштитиме и зајакнеме нашите деца. Самото воведување ограничувања на возраста не е доволно - потребна е и поголема обука за медиумска писменост, изјави Шторм.

Испитувањата покажаа дека децата и младите лица во Германија ги користат социјалните мрежи, во просек - 2,7 часа во нормален работен ден и 3,3 часа дневно за време на викендот. Затоа, Владата на Германија бара начини да го ограничи пристапот на децата до социјалните медиуми.

Комбинацијата од оние кои се изложени на ризик и оние кои се зависни, значи дека во просек, повеќе од едно од четири деца или млади лица во Германија ги користат социјалните медиуми на нездрав начин.

За да бидат оценети како патолошки, медиумите мора да се користат прекумерно, т.е. употребата да трае подолго од предвиденото или дозволеното и ако има негативни последици во други области. Овие несакани влијанија вклучуваат доцнење на училиште, пониски оценки, нарушувања во спиењето и други симптоми што укажуваат на губење на контролата.

Тагови: Германија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кушнер: Украина не сака да ѝ отстапи територија на Русија

Територијалното прашање останува да се реши пред да може да се постигне договор за крај на војната меѓу Русија и Украина, но Киев не е подготвен на отстапки, изјави Џаред Кушнер, специјален пратеник на американскиот претседател и негов зет.

Кушнер: Украина не сака да ѝ отстапи територија на Русија

Тој додаде дека американската страна изминатите девет месеци работела на други елементи од мировниот договор, вклучувајќи безбедносни гаранции и механизми за спречување на повторно разгорување на непријателствата.

Кушнер истакна дека за време на преговорите во Москва, рускиот претседател Владимир Путин ги изнел своите територијални барања. „Ако Украина се согласеше да се повлече до таа линија, веќе ќе го имавме подготвено остатокот од договорот. Но, засега, украина не е подготвена да го стори тоа“, рече пратеникот на Трамп.

Тагови: Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Девет лица загинаа во руски напади во Украина, десетици се ранети

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонија без активни пожари

Центарот за управување со кризи денеска за првпат после подолго време информира дека нема активни пожари и пожари под контрола.

Македонија без активни пожари

Во изминатото деноноќие имало вкупно 21 пожар и сите се изгаснати.

На ден 12/13.09.2026 година, до 08:00 часот, регистрирани се вкупно 21 пожар на отворен простор, од кои нема активни пожари, нема пожари под контрола, а изгаснати се 21 пожар, се вели во информацијата од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер