Германија се подготвува за војна- планираат да згрижат 1.000 ранети дневно - Канал 5

Свет

Германија се подготвува за војна- планираат да згрижат 1.000 ранети дневно

Германските вооружени сили развиваат планови за лекување на до 1.000 ранети војници дневно во случај на голем конфликт меѓу НАТО и Русија.

Германија се подготвува за војна- планираат да згрижат 1.000 ранети дневно

Оваа подготовка доаѓа во услови на предупредувања од алијансата дека Москва би можела да биде способна за напад уште во 2029 година, пишува Ројтерс.

Иако Москва ги отфрла сите сугестии дека се подготвува за војна со западниот воен сојуз, неодамнешните упади на руски авиони и беспилотни летала на територијата на НАТО ги поттикнаа стравувањата од ескалација на конфликтот.

Нови предизвици на војувањето

Главниот германски воен хирург Ралф Хофман објасни дека бројот на ранети ќе зависи од интензитетот на борбите и вклучените единици. „Реално, зборуваме за бројка од околу 1.000 ранети војници дневно“, рече Хофман во интервју за Ројтерс.

По руската инвазија на Украина во 2022 година, најголемиот конфликт во Европа по Втората светска војна, европските војски, вклучувајќи ги и нивните медицински служби, ги засилија подготовките за можна војна со Москва. Според тоа, Германија постојано ја прилагодува својата медицинска обука, учејќи од искуството од војната во Украина.

Лекции од Украина

„Природата на војувањето драматично се промени во Украина“, забележа Хофман, посочувајќи на промена од рани од огнено оружје кон рани од експлозии и изгореници предизвикани од беспилотни летала и залутана муниција.

Украинските војници го опишуваат коридорот широк 10 километри од двете страни на фронтовската линија како „зона на убивање“ бидејќи беспилотните летала управувани од двете страни можат брзо да забележат и неутрализираат цели.

„Украинците често не можат доволно брзо да ги евакуираат своите ранети бидејќи беспилотните летала зујат насекаде над нив“, рече Хофман, нагласувајќи ја потребата од продолжена стабилизација на ранетите на фронтовската линија, што понекогаш може да трае со часови.

Прилагодување на логистиката и капацитетот

Хофман ја нагласи потребата од флексибилни опции за транспорт на ранетите, наведувајќи ја употребата на болнички возови од страна на Украина. Затоа германската армија размислува за воведување болнички возови и автобуси и проширување на капацитетот за медицинска евакуација по воздушен пат.

Планот предвидуваше ранетите да добијат почетен третман на фронтовската линија, по што ќе бидат транспортирани во Германија за понатамошна нега, главно во цивилни болници. Хофман процени дека ќе биде потребно да се обезбедат околу 15.000 кревети од вкупно 440.000, колку што имаат германските болници. Тој исто така најави дека медицинската служба на германската армија, која моментално брои 15.000 членови, ќе биде проширена за да ги задоволи идните потреби.

Тагови: Војна Германија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски јавно призна кривично дело - повеќе од две години водата во Гостивар не била за пиење

Христијан Мицкоски вчера јавно изјави: „Верувам дека за првпат по многу години граѓаните ќе користат вода која е целосно бактериолошки исправна.“

СДСМ: Мицкоски јавно призна кривично дело - повеќе од две години водата во Гостивар не била за пиење

Со оваа реченица премиерот јавно призна: Повеќе од две години, додека ВМРО-ОКГ има апсолутна власт, водата во Гостивар не била бактериолошки исправна.

Две години знаеле.

Две години молчеле.

Две години граѓаните пиеле загадена вода.

А водата сѐ уште не е целосно исправна.

По хиперхлорирањето се појавила нова бактерија, изјави Христијан Мицкоски.

Министерот Клековски ветуваше дека до крајот на неделата ќе биде безбедна.

Сѐ уште чекаме официјална потврда.

Сѐ уште не се доставени ни документите за тоа кој потпишал дека водата е технички исправна за капење, додека граѓаните ја користат.

Гостивар не е изолиран случај. Проблеми со неисправна вода има во десетици места низ Македонија.

Дали знаел и за другите места во Македонија?

Овој тендер-патриот, Мицкоски, оди на екскурзија во Белгија, иако им порача на граѓаните на Македонија, поради изолацијата во која ја доведе државата, да летуваат во Македонија - на планините и езерата.

Оди на екскурзија додека половина Македонија се соочува со проблеми со неисправна вода за пиење. Во Гостивар има епидемија на жолтица.

За загадувањето на Лепенец и Вардар - нема утврдена одговорност, како што нема утврдена одговорност ниту за многу други случаи што ја потресоа Македонија.

Мицкоски сакаше да се претстави како спасител.

Наместо тоа - јавно призна кривично дело.

Скопје, 02.08.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Салах пред трансфер во Трабзонспор

Трабзонспор е блиску до тоа да го „украде“  досегашниот ас на Ливерпул, Мохамед Салах од Бешикташ. 

Салах пред трансфер во Трабзонспор

Клубот влезе во напредна фаза на преговори со агентот на играчот и сега е многу блиску до постигнување целосен договор со самиот Салах.

Како резултат на тоа, Бешикташ официјално ги прекина преговорите на неодредено време, иако претходно имаше постигнато устен договор со претставниците на фудбалерот.

Договорот предвидуваше едногодишна соработка со опција за продолжување за уште една сезона, годишна нето-плата од 10 милиони евра и дополнителни 2 милиони евра преку бонуси, според турскиот новинар Јагиз Сабунџуоглу, чии информации ги пренесе неговиот колега Санти Ауна.

Тагови: Мохамед Салах

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Во Перу падна туристички авион,13 загинати

Тринаесет лица загинаа денес при падот на мал туристички авион над археолошкиот локалитет „Наска линии“ во јужниот дел на Перу, соопштија локалните власти.

Видео: Во Перу падна туристички авион,13 загинати

Перуанскиот државен информативен канал „ТВ Перу“ соопшти дека во авионот имало 11 патници и двајца пилоти, пренесе Ројтерс.

Локалните власти изјавија дека авионот се урнал во областа Пуебло Виехо, на околу шест километри од градот Наска и приближно 12 километри од локалитетот со Линиите од Наска.

Малиот авион ѝ припаѓал на локалната перуанска авиокомпанија „Аеродијана“ (Aerodiana). Авионот полетал од аеродромот во Писко за да прелета над линиите Наска, но неколку минути подоцна ја изгубил врската со контролната кула, објавија локалните медиуми.

Причините за падот на авионот сè уште се непознати, а локалните власти најавија покренување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер