Германија повторно воведува субвенции за купување електрични автомобили – но тие не важат за сите - Канал 5

Автомобилизам

Германија повторно воведува субвенции за купување електрични автомобили – но тие не важат за сите

Максималната вредност на возило за кое може да се побара даночно олеснување е 100.000 евра по автомобил.

Германија повторно воведува субвенции за купување електрични автомобили – но тие не важат за сите

Од јули 2025 година, германската влада предводена од канцеларот Фридрих Мерц повторно воведува субвенции за електрични автомобили, но тие нема да важат за сите.

Имено, субвенциите се резервирани исклучиво за правни лица, додека приватните купувачи се целосно исклучени од новиот план.

Владата планира да им дозволи на компаниите даночен одбиток од дури 75% при купување нови електрични возила, што претставува значително даночно олеснување.

Планот, кој првпат беше споменат во септември 2024 година, сега станува поспецифичен и јасно дефиниран. За потсетување, претходната програма за субвенции беше укината на крајот на 2023 година.

Како што објави „Tagesschau“, новите правила нема да важат за приватни лица – па затоа обичните граѓани нема да можат да сметаат на финансиска помош при купување електрични автомобили.

Фокусот на новата политика е јасно насочен кон бизнис секторот.

Новата мерка всушност е форма на забрзана амортизација. Според нацрт-законот, компаниите ќе можат да отпишат 75% од вредноста на возилото во првата година од користењето, додека преостанатите 25% ќе бидат отпишани во наредните години.

Максималната вредност на возило за кое може да се побара даночно олеснување е 100.000 евра по автомобил.

Овие посебни даночни правила ќе важат за сите електрични возила - и патнички и комерцијални - купени помеѓу јули 2025 и декември 2027 година.

Планот бара брза имплементација преку законодавна постапка, што укажува на сериозна политичка волја за стимулирање на електрификацијата на возниот парк, но исклучиво во деловната сфера.

Извор: Б92

Тагови: Германија електрични автомобили

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шкотска, Велс и Северна Ирска се здружуваат – бараат право на референдуми за независност

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Шкотска, Велс и Северна Ирска се здружуваат – бараат право на референдуми за независност

Лидерите на Шкотска, Велс и Северна Ирска во понеделник ќе се сретнат во Кардиф, каде што треба да потпишат заедничка декларација со која ќе го потврдат правото на нивните нации на самоопределување и ќе побараат можност граѓаните на референдуми да одлучуваат за својата иднина.

Според „Телеграф“, ова ќе биде прв заеднички настап на тројца лидери на Шкотска, Велс и Северна Ирска кои отворено се залагаат за промена на сегашниот уставен статус во рамките на Обединетото Кралство.

По состанокот се очекува нивните партии да потпишат и меморандум за соработка во четири области – економијата, енергетиката, европа и меѓународната соработка и самоопределувањето.

Сите три политички опции имаат и европска агенда. Шкотската национална партија и Плајд Камри се залагаат независните Шкотска и Велс во иднина да станат членки на Европската Унија, додека Шин Фејн бара обединување на Северна Ирска со Република Ирска.

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Тагови: референдум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кушнер: Украина не сака да ѝ отстапи територија на Русија

Територијалното прашање останува да се реши пред да може да се постигне договор за крај на војната меѓу Русија и Украина, но Киев не е подготвен на отстапки, изјави Џаред Кушнер, специјален пратеник на американскиот претседател и негов зет.

Кушнер: Украина не сака да ѝ отстапи територија на Русија

Тој додаде дека американската страна изминатите девет месеци работела на други елементи од мировниот договор, вклучувајќи безбедносни гаранции и механизми за спречување на повторно разгорување на непријателствата.

Кушнер истакна дека за време на преговорите во Москва, рускиот претседател Владимир Путин ги изнел своите територијални барања. „Ако Украина се согласеше да се повлече до таа линија, веќе ќе го имавме подготвено остатокот од договорот. Но, засега, украина не е подготвена да го стори тоа“, рече пратеникот на Трамп.

Тагови: Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер