Наместо тоа, се очекува на северноамериканската земја да ѝ бидат ветени „уште поблиски врски“ со блокот на самитот подоцна оваа недела, според нацрт-изјавата што ја видел „Телеграф“.

Урсула фон дер Лајен, претседателката на Европската комисија, првично ја изнесе идејата за „придружно членство“ за Канада за време на нејзиното годишно обраќање за состојбата на Унијата.

Понудата на највисокиот функционер на ЕУ беше исполнета со малку детали, оставајќи ги земјите-членки збунети околу тоа што всушност би подразбирал таков статус.

Во серија состаноци зад затворени врати, претставниците на 27-те земји-членки на ЕУ почнаа да го разработуваат предлогот на фон дер Лајен пред планираното соопштение на состаноците во Монтреал во четврток и петок.

Во претходната верзија на изјавата се вели дека ЕУ и Канада ќе работат заедно за да го дефинираат концептот на „придружено членство“ пред следниот самит на двете страни во 2027 година.

Сепак, најновата верзија на изјавата не оди толку далеку, наведувајќи:

„Ќе работиме на дефинирање на концепт за сè поблиска асоцијација на Канада со ЕУ, под нивото на полноправно членство, до самитот ЕУ-Канада во 2027 година“, се вели во изјавата.

🛬 Touchdown in Montréal 🇨🇦 Rarely have I looked forward to a Summit this much. An ocean separates Europe and Canada. Yet we have never felt closer. We have a new ambition: bringing Canada closer to us than ever before, as Associate Member of the EU. And we want to take our unique partnership even further. With an Alliance for the Future, we will stand together and respond to a world of growing rivalries. Montréal, we’re about to write a new chapter in our shared history.

— Ursula von der Leyen (@vonderleyen) October 28, 2026

За Германија, тоа беше лично

Се вели дека Германија била главната движечка сила зад промената на предлогот, бидејќи нејзината слична иницијатива за Украина претходно беше отфрлена од земјите-членки.

„Фридрих Мерц предложи придружно членство за Украина, но идејата веднаш пропадна. Мислам дека тоа беше лично за нив“, изјави еден дипломат од ЕУ за „Телеграф“.

Франција, Грција и Италија, исто така, изразија резерви во врска со проширувањето на таквата понуда на Канада.

Сепак, иако формулацијата е омекната, амбициите за партнерството ЕУ-Отава не се намалени.

Соработката ќе ги опфати одбраната, безбедноста, критичните суровини, енергијата и финансиските услуги, со цел да се создаде она што ЕУ го опишува како „област на споделен просперитет и економска безбедност“.

Многу европски лидери позитивно го оценија Марк Карни, канадскиот премиер, откако тој одржа говор на самитот во Давос во кој ги повика светските „средни сили“ да се обединат и да се заштитат од непредвидливи моќници како што се Доналд Трамп, Владимир Путин и Си Џинпинг.

Европските претставници кои работат на обнова на односите со Велика Британија веруваат дека голем дел од изјавата за Канада би можела да се искористи и за самитот Лондон-Брисел кон крајот на ноември.

Претставниците на Европската комисија, која ги води преговорите за Брегзит во име на ЕУ, сега веруваат дека секоја дарежлива, но нејасна понуда до Канада би можела да послужи како „стратешка предност“ за извлекување отстапки од Велика Британија.

Сè повеќе се верува дека навестувањата на британскиот премиер Енди Бернам за можно враќање во ЕУ се резултат на загриженоста на британските власти дека Канада би можела да добие економски поволни услови што нема да му бидат понудени на Обединетото Кралство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Во услови на раст на цените на енергенсите, ЕСМ преговара за подолгорочно снабдување со гас по поконкурентни цени, вели министерката за енергетика Сања Божиновска, нагласувајќи дека државните електрани имаат обезбедено гас за ноември. Воедно, Божиновска уверува дека политичките случувања во Србија нема да влијаат врз регионалниот проект за алтернативно снабдување со гас.

-ЕСМ има закупено на подолг период гас, ќе видиме и тука што ќе се случува. Ноември имаат закупено гас, ЕСМ се во преговори за подолгорочно и секако поконкурентно снабдување на гас. Тоа што ние соработуваме со Република Србија е регионален и европски проект. Тука се инволвирани и повеќе финансиски, интернационални компании. Јас сум убедена дека нема ништо да има некакви промени во однос на политичката сцена, изјави Сања Божиновска – министерка за енергетика, рударство и минерални суровини.

Покрај обезбедувањето гас по поконкурентни цени, пред институциите е и прашањето за трошоците за електрична енергија од јануари. До средината на ноември, ЕСМ треба да ги заврши пресметките и да и достави на Владата нова понуда за цената по која ќе ја продава електричната енергија на ЕВН Хоум за следната година. Моментално цената изнесува 65 евра за мегават-час. Сепак, врз крајната цена влијаат и трошоците за пренос и дистрибуција на електричната енергија. МЕПСО побара зголемување на надоместокот за пренос за над 97 проценти, додека МЕМО не побара промена на цената. Електродистрибуција, пак, се уште нема конечна пресметка, бидејќи не е завршен тендерот за набавка на електрична енергија за покривање на загубите во мрежата. Божиновска посочува дека барањата на компаниите не значат автоматско поскапување и дека конечната одлука ќе ја донесе Регулаторната комисија.

- Тоа што компаниите поднесуваат до Регулаторната е едно, значи вие може да барате и да си дадете ваши пресметки. Тука Регулаторната ќе одлучи и ќе види што ќе се... што ќе биде крајниот исход. Така да, ве замолувам да почекате на одлуката на Регулаторна, да видиме на крај кој ќе биде нејзината одлука и колку ќе има тука покачување, ако има, изјави Сања Божиновска – министерка за енергетика, рударство и минерални суровини.

Во меѓувреме, неизвесно е дали ќе продолжи и попустот на горивата од ОКТА, кој важи до следната недела. Божиновска вели дека одлуката за евентуално продолжување ќе зависи од движењето на цените, а по истекот на актуелниот период вели ќе се разгледаат следните чекори.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

„Особено значајно е тоа што по цели 13 години повторно е ставен во функција продуктоводот Солун-Скопје, инфраструктурен проект од исклучително значење за сигурно и континуирано снабдување со нафтени деривати и за зајакнување на енергетската безбедност на државата, во овој период се реализираат два значајни инфраструктурни проекти во енергетскиот сектор, тоа се изградбата на гасоводните интерконектори со Република Грција и Република Србија. Со оглед на значењето на овие капитални инвестиции, би сакал да ве прашам кои се конкретните придобивки што Република Македонија и македонските граѓани ќе ги имаат од изградбата на овие два гасоводни интерконектори? На кој начин нивното ставање во функција ќе придонесе за поголема енергетска сигурност, намалување на зависноста од еден правец на снабдување и создавање услови за поконкурентни цени на природниот гас и секако какви можности се отвораат за македонската индустрија, стопанството и домаќинствата?“, рече Дрвошанов.

Второто прашање Дрвошанов го упати до министерот за одбрана, а се однесува на владината одлука за решавање на долгогодишниот проблем со професионалните војници кои навршуваат 45 години, при што побара појаснување за конкретните мерки, роковите за спроведување и придобивките што ќе ги донесе за оваа категорија припадници на Армијата.

„На една седница на Влада беше донесена одлука со која ќе се реши овој децениски проблем со кој се соочуваат професионалните војници, затоа моето прашање е што конкретно предвидува донесената владина одлука за професионалните војници кои навршиле 45 години и кои се придобивките од неа? Ве молам дадете подетални објаснувања за содржината на одлуката, роковите за нејзиното спроведување и секако очекуваните ефекти врз професионалните војници“, посочи Дрвошанов.

Третото прашање Дрвошанов го упати до министерот за здравство, а се однесуваше на обновувањето на опремата и материјално-техничките капацитети во здравството, при што побара информации за досегашните реализирани набавки, инвестициите во современа опрема и планираните вложувања во наредниот период.

„Инвестициите во здравството имаат директно влијание врз квалитетот на животот на граѓаните, особено е важно институциите да располагаат со современа опрема, соодветни материјално-технички средства за навремено и ефикасно извршување на своите задачи. Минатата недела имавме промоција на 100 нови амбулантни возила, настан кој го отвори прашањето за обновувањето на возниот парк и подобрувањето на условите за работа на здравствените служби. Моето прашање е какви конкретни резултати постигна министерството во обновувањето на опремата и материјално-техничките капацитети во здравството? Ве замолувам да не информирате за досегашните реализирани набавки и планираните инвестиции во наредниот период за да граѓаните имаат јасна слика како се вложуваат јавните средства во подобрување на животот на граѓаните во Република Македонија“, рече Дрвошанов, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.