Свет

Германија им нуди годишна плата на своите соработници од Авганистан, но ако останат во земјата

Германската влада објавила дека ќе ги префрли Авганистанците кои работеле за Бундесверот во Германија. Во исто време, владината агенција за развојна помош ГИЗ на своите помошници им нуди премија за да останат во земјата, пишува ДВ.

Германското друштво за меѓународна соработка (ГИЗ) е владина агенција за развојна помош. Сега го објави својот концепт за заштита на германските соработници во Авганистан.

За оние кои не сакаат да ја напуштат земјата, ГИЗ ќе им го плати однапред износот на годишната плата - Иако овие луѓе повеќе немаат работа. Германското министерство за развој нагласува дека тоа не треба да се сфати како некаков притисок врз поранешните помагачи да останат во Авганистан.

Но, овие луѓе „од правни причини“ мора да гарантираат дека нема да аплицираат за програмата за пренесување локални соработници во Германија. Мора да се признае, „ако се премислат, особено во случај да се промени безбедносната ситуација, тие секогаш можат да се пријават на списокот“, рече портпаролот на министерството.

Според германскиот весник Шпигел, неколку соработници на ГИЗ остро ја критикувале постапката. Една соработничка рекла дека е „катастрофално како се однесуваат Германците“ и дека има впечаток дека германската влада се грижи само за одржување на бројот на луѓе што доаѓаат во Германија што е можно помал.

ГИЗ наведува дека таму имало уште 1.100 нивни соработници до промената на власта во Авганистан. Помошниците од Бундесверот не треба да бидат вклучени во овој број.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Таравари: Дали ќе има предвремени избори ќе зависи од тоа дали власта ќе ги направи уставните измени

Го поздравуваме тоа што го слушаме од премиерот Мицкоски дека е подготвен за вклучување на трета страна како посредник во дијалогот со Бугарија.

Го поздравуваме тоа што го слушаме од премиерот Мицкоски дека е подготвен за вклучување на трета страна како посредник во дијалогот со Бугарија, но до сега губевме драгоцено оцени претседателот на Алијанса, Арбен Таравари во вечерашното гостување во Само Интервју.

Според него, дали ќе има превремени избори ќе зависи од тоа дали власта ќе ги направи уставните измени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Премиерот Мицкоски утре ќе се обрати пред Генералното собрание на ОН

Премиерот Христијан Мицкоски утре ќе се обрати пред Генералното собрание на Обединетите нации во Њујорк...

Според објавената агенда, тој ќе зборува деветти по ред за време на утринската сесија која почнува во 15 часот по македонско време..

Паралелно македонската делегација предводена од него, ја продолжува посетата со низа билатерални средби со европски и регионални претставници..

Премиерот Христијан Мицкоски денеска присуствуваше на одбележувањето на 25-годишнината од терористичките напади врз Њујорк на 11 септември 2001 година..

Одбележувањето го предводеше генералниот секретар на НАТО Марк Руте, а присуствуваа претставници на земјите сојузнички на САД, кои по нападите се повикаа и на членот на заедничка одбрана на НАТО членките, во знак на солидарност со САД..

„Америка останува најголемата светска сила. Но, Америка не мора да го носи товарот самата. Сојузниците на Америка се со неа. Никој не смее да се сомнева во нашата решителност.“, изјави Руте во обраќањето на Меморијалниот музеј на местото каде што некогаш стоеа кулите близначки на Светскиот трговски центар..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Собранието е домаќин на 25. мешовит парламентарен Комитет ЕУ – Македонија, се обрати и европратеникот Вајц

Во Собранието денеска започна дводневниот 25. состанок на мешовитиот парламентарен Комитет ЕУ – Македонија..

Освен македонски пратеници, во рамки на сесијата се обрати и евроамбасадорот Михалис Рокас, во име на Европската Комисија, ирскиот амбасадор во земјава, Брендан Вард, во име на ирското претседателство со Советот на ЕУ..

Говор одржа и известувачот за Македонија во Европскиот Парламент, Томас Вајц, кој рече дека владеењето на правото и борбата против корупцијата останува клучно за напредокот на која било земја, а повика Македонија да се посвети на реформската агенда..

И во Австрија има големи случаи на корупција, но разликата е во тоа што многу богати луѓе лежат затвор, рече Вајц..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.