Германец живее како бездомник и претура по канти, а всушност е милионер (ФОТО) - Канал 5

Живот

Германец живее како бездомник и претура по канти, а всушност е милионер (ФОТО)

Приказната за пензионерот Хајнц Б. од германскиот град Дармштат изненади многумина. Изгледа како бездомник, но всушност е милионер.

Германец живее како бездомник и претура по канти, а всушност е милионер (ФОТО)

80-годишникот е многу штедлив, живее од фрлена храна и поседува недвижен имот вреден цело богатство, пренесува Билд.

Кога новинарите го сретнале пред две години, тој поседувал седум куќи и два стана, додека на својата банкарска сметка имал неверојатни 500.000 евра.

Сега му останале само 15 евра заштеда, бидејќи неодамна подигнал 700.000 евра и купил десетта куќа! Заложил дополнителни 100.000 евра во друга банка.

„Живеам штедливо, така пораснав“, вели тој.

Хајнц Б. е електроинженер кој секој месец добива пензија од 3.750 евра. Неговиот единствен луксуз се лаптоп и интернет конекција. Не сака да поседува мобилен телефон.

„Тоа би ме чинело дополнителни 10 евра месечно“, рече тој.

Пензионерот открива дека за храна не троши повеќе од пет евра месечно. Повремено купува масло или нешто за пржење, но поголемиот дел од храната што ја наоѓа е од ѓубре.

„Луѓето се расипнички и фрлаат толку многу што можеш да го нахраниш целото семејство! На пример, купуваат пакет колбаси, јадат еден, а остатокот го фрлаат во канта“, вели Хајнц Б.

Неговите соседи ја оставаат нивната фрлена храна на оградата, а тој за возврат ги снабдува со добро сочувани предмети од гломазниот отпад.

Имено, пензионерот собира сѐ што може и го пренесува на стар велосипед. Тој ги чува работите на својот имот.

Најмногу купува имоти до кои може да стигне со велосипед, бидејќи сите поправки за станарите ги врши сам.

„Мајсторите наплаќаат 55 евра за половина час работа. Изнајмувањето и онака тешко се плаќа, па каде на друго место да го платам“, искрен е тој.

На прашањето кој ќе го наследи неговото богатство, тој одговори:

"Немам идеја. Имам неколку далечни роднини, но не можат да платат данок на наследството. Можеби само ќе им ги дадам куќите на станарите“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Џеј Ло во тесно трико ги истакна облините

Што промени светската музичка ѕвезда,  Џенифер Лопез во исхраната и рутината за вежбање за да изгледа  вака супер на 57 години.

Фото: Џеј Ло во тесно трико ги истакна облините

Папарацо-фотографиите го открија нејзиното совршено тело.

Мегапопуларната Џеј Ло со децении редовно вежба, но во текот на изминатата година значително ги промени својата исхрана и рутината за вежбање.

Дефинитовно оваа промена вродила со плод и сега жешката Латиноамериканка изгледа подобро од било кога.

Новите папарацо-фотографии од Џенифер Лопез во црно трико за вежбање и со чаша вода во рацете би можеле да бидат одлична мотивација за секоја жена.

Сепак, тешко е да се поверува дека оваа жена има 57 години и е мајка на две возрасни деца.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео-фото: Најпознатата плус сајз манекенка гордно го покажа телото: Вака изгледа мојот живот

Најпознатата плус сајз манекенка, Ешли Греам, се прослави токму по своите прекрасни облини, но и по храброста да ги покаже во секоја прилика – дури и пред оние што ја пречекуваат „со нож“. 

Видео-фото: Најпознатата плус сајз манекенка гордно го покажа телото: Вака изгледа мојот живот

Познатата убавица сега објави видео на Инстаграм во кое прикажа различни сцени, но и моменти од различни периоди на нејзиниот живот.

На него таа позира во бикини, поминува време со своите деца, ужива во бременоста и вежба, а пораката што сакаше да ја пренесе е дека телото на секого се менува и дека тоа е сосема нормално.

https://www.instagram.com/reel/DeO4MOMznWf/?utm_source=ig_embed

„Секако дека телото ми се менува. Вака изгледа мојот живот. Не би сакала ништо да биде поинаку“, напиша таа покрај видеото.

Нејзината објава предизвика лавина реакции за многу кратко време и сите го поздравија овој потег. Во коментарите ѝ упатија зборови на поддршка и ѝ се заблагодарија за искреноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Еврото падна на најниско ниво во однос на доларот во последните 17 месец

Еврото падна на најниско ниво во последните 17 мсеци во однос на американскиот долар под притисок на растечките стравувања за јавниот долг на Франција, растот на цените на енергенсите и неизвесноста на финансиските пазари.

Еврото падна на најниско ниво во однос на доларот во последните 17 месец

На 5 октомври, европската валута се спушти на околу 1,12 долари, продолжувајќи го падот што од почетокот на 2026 година достигна приближно пет проценти. Аналитичарите оценуваат дека инвеститорите сè повеќе ги преиспитуваат ризиците поврзани со европската економија, но и очекувањата за каматната политика на американските Федерални резерви.

Особена загриженост предизвикува Франција, чиј јавен долг достигна речиси 118 проценти од бруто домашниот производ, додека буџетскиот дефицит останува висок. Растот на приносите на француските државни обврзници покажува дека задолжувањето на земјата станува поскапо, а дел од инвеститорите се насочуваат кон германските обврзници, кои се сметаат за посигурна инвестиција.

Слабеењето на еврото создава дополнителен ризик од инфлација, бидејќи увозот на нафта, гас и други производи што се плаќаат во долари станува поскап. Тоа може да изврши дополнителен притисок врз цените во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер