Тестовите ќе започнат овој месец, соопшти производителот на вакцини BioNTech.

BioNTech со седиште во Мајнц е доби одобрение за тестирање на активната состојка, според Институтот Пол Ерлих (ПЕИ), кој е одговорен за надгледување и обезбедување техничка поддршка за развој на вакцини во Германија.

Според BioNTech, можната вакцина ќе биде тестирана на околу 200 здрави волонтери. За развојот на вакцината, малиот германски BioNTech работи со фармацевтскиот гигант Pfizer со седиште во Њујорк. BioNTech главно работи на развој на имунотерапија против карцином, пишува Дојче веле.

Првата фаза од клиничката студија, која треба да започне овој месец, меѓу другото треба темелно да ја испита толеранцијата и безбедноста на кандидатот. Целта на оваа прва фаза е да се открие дали се појавуваат несакани ефекти и дали е видлив имунолошкиот одговор на организмот. Оваа фаза ќе биде завршена не порано од јуни. ПЕИ потоа одлучува дали развојот на вакцината ќе може да продолжи.

Оваа вакцина, наречена BNT162b1, е т.н. вакцина против mRNA, рече истражувачот на карциноми и имунологот, Угур Сахин на заедничката прес-конференција со претставниците на Институтот Пол Ерлих. Сахин предавал на Универзитетот во Мајнц пред да стане извршен директор на фармацевтската компанија BioNTech.

Новата активна состојка била развиена од тимот на BioNTech базирана на истражување за имунизација на рак. Тоа е безопасен генетски материјал на коронавирус, кој се внесува во клетките со помош на липидните наночестички, појасни истражувачот. Таму, ќелијата користи генетски материјал за да го претвори во протеин за кој се претпоставува дека предизвикува имунолошки одговор во организмот и создава антитела.

Според претседателот на Институтот Пол Ерлих, Клаус Цикутек, вкупно четири клинички студии со кандидати за вакцини се очекуваат оваа година во Германија. Сепак, Цикутек не верува дека првата вакцина за општата популација ќе биде достапна оваа година, пренесува Дојче веле.

Федералниот министер за здравство Јенс Шпан го опиша првото одобрување за клинички испитувања на кандидатот за вакцинирање во Германија како „добар сигнал’. Сепак, овој политичар на ЦДУ истакна дека ќе бидат потребни уште многу месеци пред вакцината да биде достапна во потребните количини. Но, фактот дека можеме да ја развиеме и да ја испробаме е квалитативен чекор“.

Според Здружението на производители во фармацевтската индустрија, врз основа на истражувањата, во светот започнале најмалку 80 проекти за барање вакцини од избувнувањето на епидемијата „Ковид-19“, а досега се започнати четири клинички студии со активни состојки во Кина и САД. Оваа германска студија е петта во светот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.