Новата „Opel Astra“ е прогласена за „германски компактен автомобил за 2023 година“. Независното стручно жири на Германските автомобилски награди ја избра новата генерација на „Astra“ и „Astra Sports Tourer“ за најдобар автомобил од компактна класа во Германија, значително подобар од конкуренцијата во тој сегмент.
Жирито составено од 27 автомобилски експерти и новинари ги пофали „иновативните безбедносни технологии, кои „Opel“ со новата „Astra“ ги направи достапни за широк спектар на клиенти во компактната класа, како и широкиот спектар на погонски единици, вклучително и „plug-in“ хибрид што им овозможува на возачите на „Astra“ да патуваат локално без емисија на издувни гасови за прв пат“.
Дополнително, жирито го истакна „прогресивниот дизајн кој привлекува око“.
Престижната награда му беше доделена на брендот „Opel“ на церемонија во Бад Диркем, Германија.
Новата генерација на „Opel Astra“ беше претставена кон средината на минатата година, а неколку месеци подоцна пристигна и караван верзијата.
Иако се очекуваше дека - по купувањето на германската марка од страна на компанијата „Peugeot“ – „Astra“ значително ќе се разликува од претходната, се чини дека визуелната трансформација на овој автомобил изненади многумина.
Промените не беа само драматични однадвор, туку и во патничката кабина и во механиката, имајќи предвид дека новата „Astra“ сега ја користи „EMP2“ платформата на групата „PSA“.