ГЕРБ на Борисов победи на парламентарните избори во Бугарија, но тешко до владина коалиција

Паралелено со изборите за Европарламентот, во Бугарија се одржаа и 6-тите парламентарни избори во последните 3 години, но според првичните анализи на резултатите, веројатно ниту тие нема да значат крај на политичката криза во земјата.. 

Коалицијата ГЕРБ-СДС предводена од поранешниот бугарски премиер Бојко Борисов е во убедливо водство на парламентарни избори во Бугарија. Од преброени над 77 проценти од гласовите оваа коалиција освоила над 23 ппроценти од гласовите, а зад нив очекувано е коалицијата “Промената продолжува – Демократска Бугарија“ на Кирил Петков со над 15,4 отсто освоени гласови. Тесна е разликата, според досега пребрените гласови помеѓу „Промената продолжува“ и партијата на етничките Турци во Бугарија - Движење за права и слободи, која на овие избори за прв пат е предвдоена од Бугаринот Делјан Пеевски и кои на вчерашните избори освоиле над 15,1 проценти од гласовите. Ваквите ресултатите можат да го вратат на власт популистичкиот лидер Борисов, кој доколку влезе во коалиција со двете второпласирани партии, според тамошните аналитачари, е можно да формира Влада.

„Негова е задачата (на Бојко Борисов) да формира Влада која ќе биде трајна бидејќи луѓето се уморни од избори и нема да одат на гласање. Ако мнозинството ја промени својата политика и се сврти кон граѓаните и ги слушне пораките кои им ги испратија на овие избори, сметам дека може да има една стабилна Влада. Први се ГЕРБ, нај евро-атланска апртија, втори ПП- ДБ, трети ДПС, четврти „Има таков народ“ и мислам дека овие коалиции се во ситуација да формираат Влада. Друго прашање е дали ќе им се допадне на граѓаните“.

Но шансите да се состави владина колиција помеѓу првопласираните партии на вчерашните избори се мали и речиси невозможни со оглед на тоа што Борисов уште по вчерашното галасање касно порача дека не планира да формира Влада само со Движењто на Турците во Бугарија, а еден од лидерите на „Продолжуваме со промената“ и поранешен премиер Кирил Петков по првичните објавени разултати, на Фејсбук напиша дека се подготвени да бидат силна опозција на плановите на Борисов и Пеевски. Доколку мандатот и припадне на ГЕРБ, Борисов јасно порача и дека мандатот нема да го даде на Марија Габриел, туку дека најверојатно ќе го земе лично тој.

„Од некои изјави дали слушнавте нешто друго освен дека Борисов и Пеевски можат да направат Влада. Но јас кажав дека само со Пеевски нема да формирам Влада. Го слушнав Христо Иванов дека нема да дојде, тако што. Марија Габриел нема да ја земе папката со мандатот, порача Борисов.

Доколку и по овие шести последователни пралемтарни избори повторно не се формира стабилна, наместо техничка Влада, бугарскиот претседател Румен Радев пак најави дека е можно да формира своја партија.

„Крајно време е партиите да се обидат да формираат влада заснована на вредности и споделени програми, со јавниот интерес на преден план, а не од страв дека ќе излезат надвор од власта. Но, доколку продолжат со ваквите непринципиелни коалиции порано или подоцна таква алтернатива ќе се појави“.

Инаку на вчерашните парламентарни избори најголемо изнедандување беше новоформираната партија „Величие“ која освои околу 5 проценти од гласовите без воопшто да води традиционална предизборна кампања. Во Бугарија изминатите 4 години се одржаа шест предвремени парламетарни избори и ниту еднаш не се формира стабилна Влада.

ОН: Во 2023 година за 72 проценти зголемен бројот на цивилни жртви во конфликтите ширум светот

 Бројот на цивилни жртви во вооружените конфликти ширум светот минатата година се зголеми за 72 отсто, изјави денеска Високиот комесар за човекови права на ОН, Волкер Турк.

Тој посочи дека алармантно е зголемен бројот на убиени жени и деца во споредба со 2022 година.

Според податоците на ОН двојно е зголемен процентот на убиени жени во 2023 година, додека бројот на деца жртви е трипати поголем. /МИА

Собранието гo избра составот на Буџетскиот совет на Собранието

 Собранието на денешната петта седница ги избра составите на Буџетскиот совет на Собранието и на Советот на Собранискиот канал.

За претседател на Буџетскиот совет на Собранието на Република Северна Македонија е избран Антонијо Милошоски, потпретседател на Собранието, а за заменик-претседател Сања Лукаревска, претседател на Комисијата за финансирање и буџет. Членови на Буџетскиот совет се избраа пратениците - Бојан Стојаноски, Ели Панова, Игор Здравковски, Лидија Петковска, Халил Снопче, Фатмир Битиќи, Ељми Азири, Илир Хасани и Борислав Крмов.

За претседател на Советот на Собранискиот канал е избран Јован Митревски, актуелен потпретседател на Собранието. За членови на Советот на Собранискиот канал се избраа пратениците - Ели Панова, Марија Митева, Благица Ласовска, Санарда Имери-Стафаи, Аднан Азизи, Бобан Карапејовски, Горан Мисовски, Даниела Николова, Дијана Тоска и Илир Демири. За заменици-членови на Советот на Собранискиот канал се избраа пратениците - Љупчо Пренџов, Тони Јаревски, Драгана Арсова, Имрлије Салиу-Фетаи, Садик Сулејмани, Даниела Белимова, Митко Белимова, Митко Трајчулески, Бисера Костадиновска Стојчевска, Рина Ајдари и Сали Мурати.

Во рамки на денешната пленарна седница беше потврдена оставката на Сеат Личина поднесена на 23 април 2024 година од функцијата член на Регулаторната комисија за домување. Исто така, на оваа седница беше констатиран престанок на мандатот на Валентина Димовска од функцијата на Државниот совет за превенција на детско претстапништво заради исполнување на условите за старосна пензија.

Ијан Меккелен паднал од театарска сцена и се повредил

Сер Ијан Меккелен, последниве десетлетија познат по улогите во „Господарот на прстените“ и „Икс-мен“, паднал од сцена за време на театарска претстава во Лондон.

Британскиот глумец наводно се сопнал од реквизитите и потоа почнал да вика од болка, пишува „Дејли мејл“.

„Помогнете ми, моите раце...“ - повторувал Меккелен (85) во театарот „Ноел Кауард“, каде што глумел во „Кралски игри“ (Player Kings). Лекарите од публиката му пришле на помош, а набрзо пристигнала и брзата помош којашто го пренела глумецот в болница. Публиката беше изведена надвор од театарот со известување дека претставата е откажана. Од театарот потоа соопштија дека Меккелен се чувствува добро и се очекува брзо закрепнување, но додадоа дека, „за да му се даде време за одмор“, следната претстава што требаше да се одржи - е откажана.

- Сите беа преплашени кога тоа се случи, поради неговата возраст се плашевме дека тоа може да биде смртоносно за него, изјави еден посетител.

Инаку, претставата „Кралски игри“, со приказна сместена во Англија во раниот 15. век, игра во истиот театар до јули, а потоа треба да гостува низ театрите ширум Велика Британија. /МИА

притисни ентер