Герасимовски: „We Will Rock You“, концерт со млади бендови и рок класици во недела во Паркот на Франкофонијата - Канал 5

Герасимовски: „We Will Rock You“, концерт со млади бендови и рок класици во недела во Паркот на Франкофонијата

Општина Центар информира дека на 7 јуни (недела), со почеток во 20:00 часот, на отворената сцена во Парк на Франкофонијата ќе се одржи концертот „We Will Rock You“, во рамки на Програмата за култура на Општина Центар за 2026 година.

Герасимовски: „We Will Rock You“,  концерт со млади бендови и рок класици во недела во Паркот на Франкофонијата

Станува збор за уникатен музички настан со 120 минути програма и изведба на 29 композиции на најпознатите светски рок класици.

Секој хит ќе биде интерпретиран од различен ученички бенд, со свежа енергија, нови гласови и сценски настапи кои носат младешка сила и автентичен музички израз.

„Сакаме да ја заживееме рок културата во градот, да им дадеме простор на младите музичари да покажат што знаат, да го развиваат својот талент и да градат самодоверба на сцена. Верувам дека настанот ќе има одличен одзив не само кај помладата публика, туку и кај повозрасните генерации, бидејќи станува збор за вистинска рок лектира што сите ја препознаваат“, порача градоначалникот Горан Герасимовски.

Концертот е во организација на музичкото училиште „Ентерпрајз“, првото и најголемо рок училиште во Македонија, под водство на Валентино Скендеровски. Училиштето повеќе од две децении работи на развој на млади музички таленти и сценска култура.

Концертот е бесплатен и отворен за сите посетители.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Апокалипса во Америка: Ветер од 160 км/ч го исфрли возот од шините, застрашувачки сцени (ВИДЕО)

Силни ветрови со брзина помеѓу 130 и 160 километри на час предизвикаа сериозно излетување на товарен воз од шините во државата Илиноис, при што голем број вагони завршија превртени во блиските земјоделски површини.

Апокалипса во Америка: Ветер од 160 км/ч го исфрли возот од шините, застрашувачки сцени (ВИДЕО)

Снимките од воздух покажуваат десетици вагони расфрлани по пругите и полињата, додека спасувачките екипи и железничките служби веднаш излегоа на местото на несреќата за да го обезбедат местото на несреќата и да започнат со отстранување на возот.

Според првичните информации, во несреќата немало поголеми повреди, а властите работат на проценка на материјалната штета и утврдување на сите околности што довеле до излетувањето на возот од шините.

Истрагата е во тек, додека метеоролозите наведуваат дека налетите на бура во областа достигнале брзина карактеристична за урагански услови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Превентивни активности за безбеден сообраќај и заштита од пожари

Во рамки на превентивните активности беше поделен печатен едукативен материјал.

Превентивни активности за безбеден сообраќај и заштита од пожари

Денеска (22.06.2026) полициски службеници од Отсекот за превенција при СВР Велес, на неколку локации во Велес, реализираа сообраќајни превентивни активности во кои главен акцент беше ставен на пешаците. Тие, како активни учесници во сообраќајот, имаат обврска да ги почитуваат сообраќајните правила и прописи, а во рамки на активностите им беше потенцирано дека улицата треба да ја преминуваат на обележан пешачки премин, при тоа да не користат слушалки и мобилни телефони, да бидат внимателни, особено во вечерни часови кога се движат на неосветлени локации итн. Одделението за превенција при СВР Скопје и Отсекот за превенција при СВР Тетово, спроведоа превентивни активности во Скопје и Тетово под мотото „Носи кацига“, насочени кон возачите на мотоцикли, велосипеди и електрични тротинети. При тоа им беа поделени и едукативни материјали подготвени од страна на Републичкиот совет за безбедност во сообраќајот на патиштата.

Полициски службеници од ОВР Кавадарци и Отсекот за превенција при СВР Тетово пак, вчера во Кавадарци и општина Брвеница реализираа превентивни активности на тема „Да ги заштитиме нашите шуми од шумски пожари“. Преку непосредни разговори на граѓаните им беше нагласена потребата од внимателно и одговорно однесување, укажувајќи им да не фрлаат догорчиња од цигари или било каков друг вид запаливи материјали покрај патиштата, како и на обврската за внимателно и одговорно однесување кога се движат во шумски предели, со цел да се намали ризикот од појава на шумски и пожари на отворен простор, особено во летниот период кога е зголемена температурата и опасноста од пожари е поголема. Превентивни активности за заштита од пожари денеска беа реализирани и во Делчево и Берово од страна на полициски службеници од СВР Штип. Во рамки на превентивните активности беше поделен печатен едукативен материјал.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Утре ќе има развој на нестабилна облачност, проследена со дожд

Утре под влијание на циклонска активност со центар во Турција ќе има развој на нестабилна облачност, проследена со дожд, грмежи и засилен ветер.

Утре ќе има развој на нестабилна облачност, проследена со дожд

Локално процесите ќе бидат поинтензивни со пообилен пороен дожд, силен ветер и појава на град. Минималната температура ќе биде во интервал од 11 до 19, а максималната ќе достигне од 28 до 36 степени.

Во Скопје, претпладне сончево време со мала до умерена облачност. Во попладневните часови ќе има услови за развој на нестабилна облачност, проследена со дожд, грмежи и засилен северен ветер. Минималната температура ќе се спушти до 17, а максималната ќе достигне до 33 степени.

Утре и во среда под влијание на циклонска активност со центар во Турција ќе има развој на нестабилна облачност, проследена со дожд, грмежи и засилен ветер. Локално процесите ќе бидат поинтензивни со пообилен пороен дожд, силен ветер и појава на град. Во четврток ќе има изолирана појава на нестабилност со пороен дожд и грмежи. А од петок следува период на претежно сончево и потопло време, кога дневните температури насекаде ќе бидат над 30 степени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер