Македонија

Герасимовски: Двојно помалку трошоци за градинка и оброк на училиште за родителите во Центар

Горан Герасимовски, кандидатот за општина Центар од СДСМ и Коалицијата го претстави социјалниот пакет за своите граѓани. 

Тој во денешната изјава порача дека како локална власт ќе обезбедат услуги за поддршка на семејствата од најмладите до највозрасните членови.

Герасимовски најави субвенционирање од 50% на месечните трошоци за згрижување деца во градинка и оброк кај учениците од основните училишта во општина Центар како и финансиска помош за младите.

„За младите планираме субвенционирање на еколошки превоз но и грантови за отворање мали бизниси како поддршка за самовработување. Планираме и финансиска поддршка за младински организации за спроведување на проекти важни за општината. Сегашните 60 ученички стипендии кои годишно ги доделува општината планираме да ги зголемиме и да доделиме стипендии за ученици од семејства во социјален ризик и еднородителски семејства. Овие стипендии се особено важни затоа што така ќе создадеме еднаква шанса сите млади да можат да го остварат својот целосен потенцијал, без оглед на својата материјална положба“, изјави Герасимовски.

Од буџетот на општина Центар во следниот период најави Герасимовски ќе се издвојува 0.1% за младите и ќе се отвори социјален фонд за помош на граѓаните во исклучителни случаи како пожар или поплави.

Герасимовски истакна дека Општина Центар ќе води сметка за сите свои граѓани затоа што тоа е вистинскиот начин општината да стане модерна и подобра за сите свои граѓани.

Свет

Филмски грабеж во стриптиз клуб во Атланта - крадците „оперирале“ два часа и однеле куп пари

Крадци се качиле на покривот на стриптиз клуб во Атланта, се спуштиле низ дупката што ја издупчиле и украле 250.000 долари од сефот на објектот.

Провалниците, облечени во ски-маски и ракавици, успеале да упаднат во „Onyx Gentlemen's Club“ во Атланта без да го активираат алармот, објави Вашингтон Тајмс.

Двајцата осомничени со себе донеле електрични алати и откако се прикрале во сефовите, ги отвориле со електрични алати, соопшти полицискиот оддел на Атланта.

Полицијата во Атланта не соопштила како крадците се качиле на покривот.

Тие поминале низ таванот правејќи дупка, според ТВ-ВСБ.

Исто така, банкоматите во клубот биле превртени и оставени наопаку, но полицијата соопшти дека машините не биле оштетени и дека не им биле одземени пари.

Осомничените го напуштиле местото на настанот по околу два часа откако упаднале, повторно без да се вклучи алармот.

Фудбал

Повредениот Дест останува во Барселона

Фудбалерот на Барселона, Сержињо Дест нема да го напушти клубот ова лето бидејќи продолжува да се рехабилитира од повредата на коленото.

Дест оваа сезона настапуваше како позајмен играч во ПСВ Ајндховен со кој ја освои холандската титула. Изминатиот период се шпекулираше дека 23-годишниот американски репрезентативец ќе ја напушти Барселона по завршувањето на оваа сезона и оти шпанскиот клуб со задоволство ќе го продаде на новиот холандски првак, но трансферот пропадна поради повредата.

Според експертот за трансфери Фабрицио Романо, ПСВ нема да ја активира откупната клаузула во договорот на Дест иако е задоволен од неговите настапи, бидејќи фудбалерот сè уште се закрепнува од повредата на лигаментите на коленото.

Дест во јуни ќе се врати во Барселона, каде што ќе ја продолжи рехабилитацијата по операцијата на коленото во Холандија.

Холанѓанецот се пресели од Ајакс во Барселона во 2020 година, но немаше настапи во првиот тим до 2022 година. Вкупно за Барселона одигра 72 натпревари и постигна три голови.

Кошарка

Дончиќ откри зошто се судрил со навивач: Возрасен човек не може тоа да го прави (ВИДЕО)

Веќе пишувавме за тоа дека Лука Дончиќ влезе во конфликт со навивач на домашната екипа на вториот полуфинален натпревар од Западната конференција меѓу Оклахома и Далас, а недолго потоа дојде објаснување зошто го направил тоа.

Се разбира, од самиот Дончиќ, кој ги загуби нервите на крајот од мечот, пред тајм-аут и размени неколку зборови со навивач кој седеше во првите редови.

Еден од судиите Скот Фостер застана меѓу двајцата за да не ескалира конфликтот, а Словенецот на прес-конференцијата рече:

- Еден човек покрај теренот ми го спомна моето семејство, не ми се допаѓа тој човек. Возрасен човек не може да го прави тоа. Не направив ништо, само сакав да му вратам. Лудо е што возрасен човек удира по моето семејство.

Недолго по враќањето на паркетот, цела сала навредливо скандираше кон Дончиќ и извикуваше „Лука смрди“, но тоа не го спречи да го одведе тимот до победа.

Инаку, Словенецот го заврши мечот со 29 поени, 10 скока и седум асистенции, а Далас победи со 119:110 и сега е 1:1 во серијата која се сели во Тексас.

притисни ентер