Македонија

Герасимовски: 15.000 денари на студенти за практикантство во Општина Центар

Градоначалникот Горан Герасимовски во утринската емисија „Здраво Македонијо“ на Канал 5 телевизија потенцираше дека со јавниот повик за практикантство во Општина Центар им се подава рака на центарските студенти.

Градоначалникот Горан Герасимовски во утринската емисија „Здраво Македонијо“ на Канал 5 телевизија потенцираше дека со јавниот повик за практикантство во Општина Центар им се подава рака на центарските студенти кои имаат потреба од практикантство. Герасимовски вели дека со практикантството ќе се вреднува и трудот на младите кои ќе добиваат месечен надоместок од 15.000 денари (нето).

„Имаме повик за практиканти којшто е во тек. Целта ни е да обучиме млади кадри коишто во иднина би ни биле и наши колеги за да го подобриме и зголемиме и тимот на луѓе во општината, но и да им пружиме помош и подадеме рака на нашите центарски студенти коишто имаат потреба од практикантство“, изјави Герасимовски.

Практикантството започнува од 1 јуни 2025 година, ќе се спроведува во општинските сектори и ќе трае до 6 месеци.

Герасимовски информираше дека во тек се неколку јавни повици коишто секоја година се зголемуваат и подобруваат со цел да им се пружи помош на сите центарци.

„Дополнително, тече повикот за велосипеди и тротинети којшто секоја година го организираме, но го проширивме по барање на одредени невладини организации и во делот на купување на дополнителна опрема за велосипеди. Пуштен е повикот за кровови и лифтови, тој оди веќе неколку години по ред и ги зголемуваме финансиските средства во зависност од потребите и барањата на жителите“, рече Герасимовски и најави дека се подготвува и јавниот повик за фасади.

„Имаме повици за новороденчиња, повици за одредени културни настани. Во моментов имаме повик за графити, за разубавување на одредени фасади. Имаме повик за младите за субвенционирање на возачки испит, доделуваме 10.000 денари за нашите ученици коишто ќе полнат 18 години во текот на 2025 година“, истакна Герасимовски.

Тагови: Општина Центар СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претрес во тетовско, пронајден кокаин, лишено од слобода едно лице

На 03.10.2026 во 19:15 часот, врз основа на судска наредба, полициски службеници од СВР Тетово извршија претрес во дом и помошните простории кај С.С. (26) во с. Мала Речица, тетовско.

При претресот бил пронајден и одземен кокаин, по што лицето е лишено од слобода. По целосно документирање на случајот, ќе следува соодветна пријава.

Тагови: кокаин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кобила за ождребила на булеварот „Илинденска“

Несекојдневна глетка и случка утрово ги изненади жителите на скопски Карпош. На Илинденска се родило ждребе.

Активистка која била таму изјавила дека ждребето било во лоша состојба. Во објава на ФБ скопјанката Билјана навела дека успела да го префрли ждребето на тревникот, бидејќи никој не дошол да помогне.

Градоначалникот на Град Скопје, Орце Ѓорѓиевски, во врска со ождребената кобила на улицата Илинденска во Скопје, истакна дека иако тоа не е нивна обврска веднаш реагирале екипите на ЗОО - Скопје и стручните лица, а кобилата и ждребето се преземени и сместени на безбедно, во карантин, каде што ќе ја добијат потребната нега и стручен третман.

Тагови: Илинденска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Новата порака од Москва за крајот на војната: Ова се три работи што Украина мора да ги прифати

Медведев потсети дека основните параметри, ги формулирал рускиот претседател Владимир Путин.

Трајно решение за кризата во Украина е можно само ако Киев прифати неутрален статус, се откаже од нуклеарно оружје, ја промени својата политика и признае нови региони во рамките на Русија, изјави Дмитриј Медведев, заменик-претседател на Рускиот совет за безбедност.

Во интервју за иранската државна радио-телевизиска компанија, Медведев потсети дека основните параметри, кои беа претходно наведени, ги формулирал рускиот претседател Владимир Путин.

Првиот од нив е враќањето на Украина кон принципите на неутралност и ненуклеарен статус, во согласност со декларацијата за суверенитет и правните акти од 1990-тите.

Второто барање на Медведев беше украинските власти да го напуштат својот радикален политички курс и да ја укинат дискриминаторската забрана за рускиот јазик и култура.

Третата точка, како што изјави заменик-претседателот на Советот за безбедност, е воспоставување руска јурисдикција над Донбас и другите нови територијални субјекти што се вклучени во рускиот Устав, објави порталот Вести.ру.

Тој објасни дека спроведувањето на овие задачи може да се формализира преку дипломатски канали. Медведев претходно изјави дека „на русофобните гнасотии треба да се одговори исклучиво со јазикот на военото одвраќање“, потсети порталот.

Тагови: москва украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.