Герапетритис ги информираше лидерите на партиите за темите од грчката надворешна политика - Канал 5

Балкан

Герапетритис ги информираше лидерите на партиите за темите од грчката надворешна политика

Герапетритис се сретна со лидерите и претставниците на СИРИЗА, ПАСОК, Комунистичката партија, Нова Левица, Грчко решение, Победа и Спартанци, додека пак утре ќе се сретне со лидерката на Курс на слобода.

Герапетритис ги информираше лидерите на партиите за темите од грчката надворешна политика

Министерот за надворешни работи на Грција Јоргос Герапетритис на одделни средби во грчкото МНР, денеска ги информираше лидерите и претставниците на партиите што се дел од Парламентот за темите поврзани со надворешната политика, јави дописничката на МИА од Атина.

Герапетритис се сретна со лидерите и претставниците на СИРИЗА, ПАСОК, Комунистичката партија, Нова Левица, Грчко решение, Победа и Спартанци, додека пак утре ќе се сретне со лидерката на Курс на слобода.

Од опозициската СИРИЗА по средбата на лидерот на партијата Стефанос Каселакис, неговиот дипломатски советник Димитрис Папагеоргиу и надлежната за надворешна политика Рена Дуру со шефот на дипломатијата, соопштија дека станало збор за односите со Турција, кипарското прашање и ситуацијата на Блискиот Исток.

Каселакис ја изразил неговата загриженост „за провокативните турски дејствија“, нагласувајќи дека дијалогот со Анкара „треба да се промовира врз основа на искреноста, меѓусебното почитување и меѓународното право, при што Грција јасно да ги постави своите црвени линии“, а паралелно ја повторил потребата од правично и одржливо решение на кипарското прашање согласно одлуките на Советот за безбедност на ОН.

Дополнително, лидерот на СИРИЗА се осврнал и на итната потреба од прекин на огнот во Газа и го повторил ставот дека е потребно признавање на палестинска држава со источен Ерусалим како главен град.

Лидерот на ПАСОК, Никос Андрулакис по средбата со Герапетритис, на која присуствуваше и одговорниот за надворешна политика во партијата Димитрис Манѕос, рече дека разговарале детално за прашањата што се однесуваат на земјата, но и на меѓународните случувања.

Рече дека „50 години по трагедијата на Кипар сите треба да придонесеме за продолжување на дијалогот врз основа на резолуциите на Организацијата на Обединетите нации“, посочувајќи го ставот на партијата дека „Европската Унија треба да има активно учество во дијалогот“ и истакнувајќи дека „во никој случај не треба да се дозволи да се наметне агендата на Ердоган за поделба на островот“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Microsoft“ ги изненади сите со својот најмал „Xbox“ контролер

Полесен е од вашиот телефон, лесно се става во џеб и сè уште ги има сите копчиња што ви се потребни.

„Microsoft“ ги изненади сите со својот најмал „Xbox“ контролер

„Xbox“ го најави „Nano Controller“, најмалиот контролер што компанијата некогаш го направила. Дизајниран е за деца, гејмери ​​со помали раце и луѓе кои сакаат да играат игри надвор од дневната соба. „Nano“ е долг нешто повеќе од 12 сантиметри и тежи околу 99 грама.

И покрај својата големина, „Xbox“ не отстранил никакви контроли. Ги добивате сите 18 стандардни влезови, така што распоредот на копчињата се совпаѓа со „Xbox“ контролерот со кој веќе сте запознаени.

„Nano“ користи батерија што може да се полни, иако „Xbox“ не откри колку долго ќе трае едно полнење. Исто така, постои и програмабилно копче за акција што можете да го поставите да прави снимки на екранот, да снима игра или да стартува кратенка што често ја користите.

Се поврзува преку „Xbox Wireless“ и „Bluetooth“, така што можете да го користите со кој било компатибилен уред. „Xbox“ го позиционира и „Nano“ како контролер за целото семејство.

„Xbox Nano Controller“ е достапен за преднарачка за 50 долари. Испораката започнува во ноември во 36 земји, вклучувајќи ги САД, Велика Британија, Канада, Јапонија и Австралија, а дополнителни пазари ќе бидат додадени подоцна. Цените ќе варираат во зависност од пазарот.

Извор: Б92

Тагови: Microsoft Xbox

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Паника во Русија: Шпионски авион кружел со часови во близина на границата

Американски шпионски авион денес кружел два часа над Естонија и Латвија, десет километри од нивната граница со Русија, по што се вратил во својата база во Романија, според податоците од летот од авионот.

Паника во Русија: Шпионски авион кружел со часови во близина на границата

Според податоците пренесе РИА Новости, авионот полетал од меѓународниот аеродром „Михаил Когалничеану“ во Констанца, Романија, околу 9:42 часот наутро и прелетал над Унгарија, Словачка, Полска и три балтички земји, каде што неколку пати кружел во близина на нивните граници со Русија.

Авионот, за кој РИА Новости вели дека редовно се користи за летови околу регионот Калининград и над Црното Море, долж Крим и други јужни региони на Русија, се вратил во својата база во Романија денес околу 16:33 часот.

Руските власти изјавија дека во последните години се забележани досега невидени активности на НАТО долж западните граници на земјата и дека НАТО ги проширува своите иницијативи, нарекувајќи го тоа „одвраќање од руската агресија“.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

„MUSE“ – ново поглавје во креативниот свет на Милена Танасковска – Пупи

По години посветени на стајлингот и модниот израз, Милена Танасковска – Пупи го претстави својот прв моден проект – колекцијата „MUSE”. 

„MUSE“ – ново поглавје во креативниот свет на Милена Танасковска – Пупи

Настанот се одржа на 16 октомври, во просторот на URMA Concept store, каде посетителите имаа можност одблиску да го запознаат новото креативно поглавје на Пупи.

„MUSE“ е природно продолжение на нејзиниот досегашен професионален пат, но и чекор кон поавторски моден израз. По долгогодишното искуство во создавањето и обликувањето стилски приказни, Пупи за првпат го преточува својот сензибилитет во сопствена колекција, во која модата станува начин за изразување став, индивидуалност и лична естетика.

Зад брендот PUPI стои идејата за мода создадена со личен пристап, надвор од концептот на масовно производство. Секое парче се изработува по нарачка, од висококвалитетни природни материјали, со можност за индивидуален избор на ткаенина и боја, како и прилагодување според мерките на клиентот. На овој начин, секоја креација добива лична димензија, а процесот на создавање станува исто толку важен колку и финалниот изглед.

Визуелната приказна на колекцијата е инспирирана од Париз – неговата безвременска елеганција, урбаниот ритам и ненаметливиот шик.

Соработката со URMA Concept Store ја поставува колекцијата во простор што ја обединува модата со концептуалниот пристап кон стилот и современото купувачко искуство. За презентацијата беше подготвен и ограничен избор парчиња, достапни ексклузивно на 16 октомври, со што настанот доби карактер на внимателно курирано модно доживување.

Со „MUSE“, Милена Танасковска – Пупи отвора ново поглавје во својата креативна приказна, претворајќи го долгогодишниот интерес за модата во сопствен бренд со јасна естетика и индивидуален пристап. PUPI е посветен на жената која ја цени автентичноста и не се стреми да биде обична, туку да го пронајде сопствениот израз преку парчиња создадени токму за неа.

Настанот беше поддржан од Play All Day Cafe.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер