Здравје

Георгиева: МЗ ќе ги информира Владата и ФЗО за корекции на платата на специјализанти

МЗ ќе испрати информација до Владата и до ФЗО од од наредниот месец да биде коригирана платата на приватните специјализанти

Доктор Александра Георгиева, претседателка на Здружението на лекари специјализанти, информираше дека на денешната средба во Министерството за здравство им било кажано дека МЗ ќе испрати информација до Владата и до ФЗО, да постапуваат согласно веќе донесените одлуки и веќе од наредниот месец да биде коригирана платата на приватните специјализанти.

- Бевме примени од страна на советници на министерот, тој присуствувал на друг настан во соработка со СЗО. Еден од советниците беше правен советник и ја извлековме одлуката, врз која всушност се исплаќаат надоместоците за приватните специјализанти од 2018 гоодина. И во неа, како одлука на Влада, децидно стои дека платата на приватните специјализанти треба да е во висина на плата на општ доктор за дадена година. Ни беше ветено дека МЗ ќе прати информација до Владата и до ФЗО, да постапуваат согласно веќе донесените одлуки и веќе од наредниот месец, да биде коригирана платата на приватните специјализанти - да биде на ниво на просечна плата на општ доктор, појасни таа.

Одговарајќи на новинарско прашање, таа додаде дека износот на просечна плата на општ доктор сега е околу 44.000 денари.

- Ние треба да ја земаме таа плата според владината одлука, истакна Георгиева.

Добиле и ветување дека здравственото осигурување веднаш ќе биде воспоставено, односно ќе се пратело информација до јавно здравствените установи оти треба сите на приватна специјализација да бидат здравствено осигурани.

- Околу трансформација на договор на дело - во договор на неопределено, добивме информација дека всушност 1.117 согласности пристигнале од Владата во месец февруари, но, не биле реализирани поради оној мораториум што го налага изборниот период и фактот, дека не можат да бидат отворени конкурси за вработување. Беше дадено ветување за масовни конкурси отворени во јавно здравствените установи по завршувањето на изборниот циклус, а ние дадовме забелешка, баравме да има измена на законот во критериуми за вработување - да биде дадена предност на колегите на специјализација, бидејќи сега таков критериум не постои, да бидат акумулирани сите активни доктори, а потоа нормално сите колеги кои се општи доктори, подвлече таа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

„Новак, ова е чисто лудило“: Моника Селеш го гледаше Ѓоковиќ во живо, а потоа ѝ се обрати на неговата ќерка Тара

Легендата на светскиот тенис, големата шампионка од екс Југославија, Моника Селеш му честиташе на Новак Ѓоковиќ за победата на Вимблдон, а имаше и совет за неговата ќерка Тара.

Најтрофејниот свтески тенисер Новак Ѓоковиќ уште еднаш му покажа на целиот свет зошто е најголемиот на сите времиња.

Иако има 39 години, тој успеа да победи во најдолгиот четвртфинален меч во историјата на Вимблдон и да го скрши отпорот на Феликс Оже-Алијасим по пет часа и 15 минути игра со 3-2 по сетови – 7:6 (12:10), 3:6, 6:3, 6:7 (4:7), 7:6 (10:4).

Неговата игра воодушеви многумина, меѓу кои и легендарната Моника Селеш.

Поранешната југословенска тенисерка го следеше мечот од трибините и објави видео со интересна порака за српскиот ас.

„Конечно ги гледав мечевите на Вимблдон. Две возбудливи четвртфиналиња во женска конкуренција, а потоа – што да кажам за Новак? Продолжуваш да нè инспирираш со својата игра, физичка подготвеност и ментален фокус. Оној поен во петтиот сет, супер тај-брејкот при резултат 4:3 по пет часа тенис, беше апсолутно неверојатен. Легендо“, напиша Моника.

На самиот крај, познатиот мал Мо имаше порака за ќерката на Ноле, Тара.

Моника тврди дека Новак треба да поработи на своето танцување за време на прославата.

„П.С. Тара, продолжи да вежбаш танцови чекори со тато. Има уште многу простор за напредок“, напишала во шега славната тенисерка..

Тагови: Новак Ѓоковиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Завршена е железничката обиколница околу Скопје по релација Драчево-Илинден ќе се пренасочуваат товарните возови

До крајот на месецов ќе профункционира пругата Драчево – Илинден, која ќе овозможи пренасочување на товарниот железнички сообраќај надвор од централното градско подрачје на Скопје.

Министерот за транспорт и врски Александар Николоски информира дека реконструкцијата на железничката обиколница, што ја реализираше ЈПДП, е целосно завршена и ќе служи исклучиво за товарен железнички сообраќај. Според него, тоа ќе придонесе за подобра организација на транспортот, но и за намалување на аеро загадувањето. Во наредните дваесетина дена ќе следува тест-период, па технички прием, по што карго-возовите и официјално ќе почнат да ја користат делницата.

-Очекувам за дваесетина дена карго возовите да ја користат оваа делница. Тоа ќе значи многу за заштита на животната средина и за намалување на загадувањето во Скопје од една страна, но од друга страна ќе значи побрз карго сообраќај на Коридор 10, што ќе значи повеќе бизнис и повеќе железнички композициии на македонските пруги што многу ќе приоднесе за развој на бизнисот и целокупниот транспорт,- Александар Николоски – министер за транспорт и врски.

Николоски најави дека на 1 септември ќе биде пуштена во употреба и првата линија од Градскиот воз. Линијата ќе сообраќа од Зелениково, преку Драчево, Лисиче, Кисела Вода, и Аеродром, до Транспортниот центар, а реконструираната пруга ќе овозможи возовите да се движат со брзина од 80 до 90 километри на час, што значи дека патувањето од Зелениково до центарот на Скопје ќе трае околу 25 минути.

Од Министерството за транспорт претходно најавија и дека до крајот на 2027 година системот треба да се прошири со уште две линии. Едната од Волково, преку Ѓорче Петров и Скопје Север до центарот на градот, а другата од Миладиновци, преку Илинден и Маџари, до центарот на Скопје.

Паралелно со развојот на градската железничка инфраструктура, Владата најави и реализација на проектот за брза пруга на Коридорот 10, која треба да го поврзе северниот и јужниот дел на земјава, од Табановце до Гевгелија. Во моментов се работи на обезбедување на финансиската конструкција, изработка на физибилити студија и потребната проектна документација. Според најавите na Николоски, целта е проектот да биде реализиран до 2031 година, со што значително би се скратило времето на патување кон Белград и Солун.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонските компаниите до септември ќе може да аплицираат за проектот за пазарно финансирање на Македонска берза

Македонските компании во следните неколку недели ќе може да аплицираат за проектот за пазарно финансирање на Македонска берза.

Проектот се реализира во соработка со Европската банка за обнова и развој, а како што посочи директорот на Македонска берза Иван Штериев во периодот кој следи ќе се разговара и со компании од ИТ секторот.

Оттаму велат до 10 домашни компании ќе добијат стручна подготовка за пристап до пазарот на капитал, преку можност за финансирање со издавање акции и обврзници ..

Во првиот проект ќе има одреден број компании, а ако некоја од нив реши и го направи овој чекор, ќе има втор проект, условно договорен, за конкретна поддршка и на таа оперативна фаза..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.