Генијална тактика или случајност за доцнење на вакцините во Македонија? - Канал 5

Свет

Генијална тактика или случајност за доцнење на вакцините во Македонија?

Додека Македонија ја чека првата пратка на  Астра Зенека вакцини,  Австрија ја откажа последната пратка на оваа вакцина, поради смрт  на една 49 год.жена која починала а една 35 год. развила емболија по примање на оваа вакцина.

Генијална тактика или случајност за доцнење на вакцините во Македонија?

Агенцијата Ројтерс објави текст кој е малку загрижувачки. Имено агенцијата се обидела да ги контактира Астра Зенека за некаков коментар, ама до објавување на нивниот текст не добиле никаков одговор.Во текстот се вели:

„БАСГ добил два извештаи кои се поврзани со вакцина од истата серија на АстраЗенека, а пациентите ја примиле на клиника во градот Цветл во провинцијата Долна Австрија“

Според извештајот, 49-годишната жена починала како резултат на сериозно нарушување на коагулацијата на крвта, а 35-годишна имала белодробна емболија, но се опоравува.

Белодробна емболија е акутно нарушување предизвикано од ненадејна акумулација на згрутчена крв во пулмоналната артерија со последователна опструкција на протокот на крв во белодробното ткиво.

„Во моментов, нема докази за причинско-последична врска на гореспоменатите состојби со вакцината и вакцинацијата“, објави БАСГ.

Швајцарскиот весник Niederoesterreichische Nachrichten, телевизијата ОРФ и новинската агенција АПА објавија дека и двете жени биле медицински сестри, вработени на клиниката во градот Цветл.

Во соопштението на БАСГ се вели дека згрутчувањето на крвта не е меѓу познатите несакани ефекти на вакцината и се додава дека веднаш е покрената истрага за целосно исклучување на каква било потенцијална врска помеѓу вакцината и овие здравствени проблеми, односно фаталниот исход.

„Како претпазливост, повеќе не ги користиме преостанатите залихи од оваа серија вакцини на АстраЗенека“, се вели во соопштението.

Новинската агенција АПА го цитира портпаролот на АстраЗенека дека компанијата е во контакт со австриските власти и ја поддржува истрагата.

Агенцијата потсетува дека вакцината била одобрена и од Европската агенција за лекови и Светската здравствена организација врз основа на глобално клиничко испитување во кое учествувале 23.000 испитаници.

„Сите досегашни проценки покажаа дека вакцината на АстраЗенека против ковид-19 е безбедна и ефикасна“, објави АПА.

Регулаторите на Европската унија ја одобрија вакцината на 30 јануари, со објаснување дека е ефикасна и безбедна за употреба. Несаканите ефекти забележани за време на студијата главно траеле кратко и не биле забележани проблеми со коагулација на крвта.

линк до оригиналната вест

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Алесандра Амброзио позираше топлес (ФОТО)

Бразилската манекенка Алесандра Амброзио (45) објави серија фотографии на Инстаграм на кои позира во морето без горен дел од костимот за капење.

Алесандра Амброзио позираше топлес (ФОТО)

На сликите, таа лебди на грб додека со рацете си ги покрива градите, покрај објавата напиша: „Ќерка на сонцето, љубителка на морето“.

Таа исто така го означи заедничкиот профил што го води со својот свршеник, Бак Палмер, каде што ги документираат своите патувања.

Следбениците ја опсипаа со комплименти во коментарите. „Најубавата жена на светот“, „Како сирена“, „Секоја година е сè поубава“ и „Огнена Бразилка“ беа само дел од реакциите.

Нова свршувачка

Поранешната ѕвезда на „Victoria's Secret“ ја објави свршувачката со Бак Палмер во август оваа година. „Би те избрала тебе во овој живот и во секој друг. Засекогаш, љубов моја“, напиша таа тогаш покрај фотографија на која се заедно.

Пред Палмер, Амброзио беше свршена со претприемачот Џејми Мазур, со кого има две деца: ќерка, Ања, и син, Ноа. Таа и Палмер првпат беа видени заедно во јавноста кон крајот на 2024 година, на забава во Мајами.

Бразилската манекенка има успешна кариера долга повеќе од две децении и е широко позната во јавноста како еден од поранешните ангели на „Victoria's Secret“.

Извор: Индекс.хр

Тагови: Алесандра Амброзио

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

И утре сончево и релативно топло време, дожд од петок и за време на викендот

Утре времето ќе биде сончево и релативно топло со мала до умерена локална облачност, информираат од УХМР.

И утре сончево и релативно топло време, дожд од петок и за време на викендот

МАКСИМАЛНА ТЕМПЕРАТУРА

14 Попова Шапка, 18 Крушево, 22 Претор, 23 Маврови Анови, Берово, Прилеп, Крива Паланка, Охрид, Виница, 25 Битола, Тетово, 26 Зајчев Рид, Штип, Велес, Кавадарци, 27 Скопје Петровец, Демир Капија, Струмица, 28 Гевгелија.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес беше сончево и релативно топло со мала до умерена локална облачност. Дуваше слаб до умерен јужен ветер. До крајот на денот ќе биде стабилно со мала до умерена локална облачност.

ВРЕМЕТО УТРЕ

Утрото ќе биде ведро, а во текот на денот сончево и релативно топло со мала до умерена локална облачност. Услови за врнежи од дожд ќе има во западните планински делови. Ќе дува слаб до умерен ветер од јужен правец, поизразен долж Повардарието. Минималната температура ќе биде во интервал од -1 до 7, а максималната ќе достигне од 22 до 28 степени.

Во Скопје, сончево и релативно топло со мала облачност. Ќе дува слаб ветер од променлив правец. Минималната температура ќе се спушти до 4, а максималната ќе достигне до 27 степени.

ВРЕМЕТО ВО НАРЕДНИТЕ ДЕНОВИ

Утре утрото ќе биде постудено, а во текот на денот ќе преовладува сончево време со мала до умерена облачност. Во петок, во деновите од викендот и во вторник времето ќе биде променливо облачно со повремени врнежи од дожд кои наместа ќе бидат пообилни. Локално врнежите ќе бидат поројни, проследени со појава на ретки грмежи. Утринските температури ќе бидат во пораст.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Русија по мистериозната смрт: Нема ризик од епидемија на чума

Руската служба за здравствен надзор, „Роспотребнадзор“, денес соопшти дека не постои епидемиолошки ризик за населението во источносибирскиот регион Иркутск по смртта на вработена во локалниот институт за истражување на чума.

Русија по мистериозната смрт: Нема ризик од епидемија на чума

„Роспотребнадзор“ го пријави случајот во Светската здравствена организација (СЗО), а лицата кои биле во контакт со починатата работничка биле тестирани за заразни болести. Резултатите не покажаа знаци на инфекција ниту присуство на опасни патогени.

„Целосно се спроведени превентивни и противепидемиски мерки и не постои епидемиолошки ризик за населението во Иркутск или во регионот Иркутск“, соопштија од „Роспотребнадзор“.

Сомнеж за чума по смртта на вработена во институтот

Случајот привлече внимание бидејќи починатата била 28-годишна жена која работела во институт за истражување на чума. По нејзината смрт постоеше сомнеж за инфекција со чума, но руските власти тврдат дека во институтот не се случил никаков лабораториски инцидент.

Според „Роспотребнадзор“, жената починала од пневмонија со непознато потекло, а во нејзините примероци не биле пронајдени микроорганизми поврзани со работата на институтот.

За каква болест станува збор?

Пневмоничната чума е една од најтешките форми на болеста предизвикана од бактеријата „Yersinia pestis“. Таа може да се пренесе преку респираторни капки, а третманот со антибиотици може да биде ефикасен доколку се започне доволно рано. СЗО побара информации за случајот од руските власти во согласност со Меѓународните здравствени прописи.

Тагови: русија чума

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер