Генералниот секретар на ЗНАМ, Горан Минчев, на средба со граѓаните во Велес - Канал 5

Македонија

Генералниот секретар на ЗНАМ, Горан Минчев, на средба со граѓаните во Велес

Локалната власт мора да биде сервис, а не господар на граѓаните

Генералниот секретар на ЗНАМ, Горан Минчев, на средба со граѓаните во Велес

Во рамки на теренските активности на ЗНАМ – За наша Македонија и кампањата „ЗАЕДНО ПОВЕЌЕ ЗНАЕМЕ“, генералниот секретар Горан Минчев оствари средба со членови, симпатизери и граѓани од Велес.

Средбата претставуваше можност за отворен дијалог околу потребите и предизвиците со кои се соочува градот, како и за претставување на визијата и приоритетите на ЗНАМ на локално ниво.

„Велес има потенцијал, има вредни луѓе и капацитет за развој. Веруваме дека локалната власт мора да биде вистински сервис на граѓаните – ефикасна, достапна и транспарентна. Ние сме тука за да понудиме решенија и нова енергија во управувањето“ – изјави Минчев пред присутните.

Во фокусот на разговорите беа неколку клучни приоритети на ЗНАМ за локалната самоуправа:

• Развој на инфраструктурата и урбаната средина – преку јасно дефинирани и издржани проекти за улици, јавни површини и одржливо планирање.

• Поддршка за младите и локалниот економски развој – преку стимулативни мерки за претприемништво, култура и иновации.

• Принцип на целосна транспарентност – со редовно објавување на општинските договори, буџетски трошоци и информации од јавен интерес.

• Активно учество на граѓаните во носењето одлуки – преку формирање локални совети и организирање јавни консултации.

Минчев нагласи дека ЗНАМ ќе понуди нови луѓе – професионални, етички и мотивирани – кои ќе работат со почит кон јавниот интерес и во партнерство со граѓаните.

„Ние не нудиме ветувања, туку подготвеност за работа. Велес заслужува отворена, отчетна и посветена локална власт. Ќе ја донесеме новата политика што Македонија ја заслужува – чесна, транспарентна и блиска до народот“ – заклучи тој.

По Велес, ЗНАМ продолжува со слични средби низ државата, како дел од широката иницијатива „ЗАЕДНО ПОВЕЌЕ ЗНАЕМЕ“ за консултација со граѓаните и подготовка за одговорно учество на претстојните локални избори.

ЗНАМ – За наша Македонија - Центар за комуникации и аналитика

Тагови: ЗНАМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Медведев поради глупост и дисквалификацијата против Ѓоковиќ, испадна од Топ 5 (ВИДЕО)

Данил Медведев ќе претрпи повеќекратна штета поради исклучувањето од мечот со Новак Ѓоковиќ во полуфиналето на Пекинг. 

Медведев поради глупост и дисквалификацијата против Ѓоковиќ, испадна од Топ 5 (ВИДЕО)

Не само што е без премијата што ја заработи, туку ги загуби и бодовите што го држеа во првата петорка во светот.

Имено, Медведев налутено упати топка во публиката и удри гледач, а на само неколку поени од пораз си потпиша сопствена дисквалификација.

Тоа значи дека нема да зема бодови за полуфинале.

Тоа дополнително имплицира дека тој нема да биде во Топ 5, бидејќи со откажување на неговите поени пред него се враќа Феликс Оже Алијасим и ќе има уште 30 поени.

А во трката за завршниот Мастерс во Торино трпи удари, бидејќи Ѓоковиќ сега драстично му се приближи и би можел да го остави без таа конкуренција.

Тагови: Данил Медведев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Најтешката тиква има 651,5 килограми, ја подигаат со виљушкар

Најтешката тиква во Швајцарија оваа година тежи 651,5 килограми и е одгледувана во приватна градина во кантонот Цирих, објавува швајцарската агенција Keystone-SDA.

Најтешката тиква има 651,5 килограми, ја подигаат со виљушкар

Ова е трета година по ред одгледувачот Флоријан Ислер од Еслинген, во кантонот Цирих, ја освои титулата швајцарски шампион во одгледување џиновски тикви, објави организаторот на натпреварот, Jüker Farm.

Рекорди се уриваат!

Тиквата припаѓа на сортата „Атлантски џин“, а нејзиниот одгледувач Ислер постави уште три швајцарски рекорди - за најтешкиот примерок од сортата „Бучел Гард“, тежок 136,6 килограми, највисокиот сончоглед, висок 7,695 метри, и најтешката лубеница, која тежела 97,2 килограми.

Срушени се и други швајцарски и светски рекорди во одгледување џиновски зеленчук.

Семејството Мајер од Детликон, исто така во кантонот Цирих, сега го држи светскиот рекорд за најтежок сладок компир, еден со тежина од 13,6 килограми, додека Јирг Висли од Досвил, во кантонот Тургау, во североисточна Швајцарија, го постави светскиот рекорд за најдолга лута пиперка, со должина од 54,3 сантиметри.

Вкупно 18 џиновски тикви беа измерени на фармата Бихлихоф.

Ништо без виљушкар

На натпреварот учествуваа 16 тима, вклучувајќи два тима одгледувачи и две семејства.

Меѓу 18-те измерени примероци беа 14 портокалови тикви од сортата „Атлантски џин“ и четири зелени тикви.

Актуелниот швајцарски рекорд за најтешка тиква е 1.054 килограми, додека светскиот рекорд е 1.278,8 килограми.

За време на вчерашниот натпревар, разни видови зеленчук беа транспортирани до вагата со виљушкар.

Тагови: тиква

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево време со температура до 29 степени

Утре времето ќе биде сончево и релативно топло, информираат од УХМР.

Утре сончево време со температура до 29 степени

МАКСИМАЛНА ТЕМПЕРАТУРА

14 Попова Шапка, 17 Крушево, 21 Претор, Маврови Анови, Охрид, 23 Берово, 24 Прилеп, Виница, Битола, 25 Крива Паланка, 26 Тетово, Штип, Демир Капија, 27 Кавадарци, Велес, Скопје Петровец, 28 Струмица, Скопје Зајчев Рид, Гевгелија.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес беше сончево и релативно топло со слаб ветер од променлив правец. До крајот на денот ќе биде стабилно и ведро.

ВРЕМЕТО УТРЕ

Утрото ќе биде ведро и студено, а во текот на денот сончево и релативно топло. Ќе дува слаб ветер од јужен правец. Минималната температура ќе биде во интервал од -3 до 6, а максималната во интервал од 22 до 29 степени.

Во Скопје, сончево и релативно топло со слаб ветер од јужен правец. Минималната температура ќе се спушти до 3, а максималната ќе достигне до 26 степени.

ВРЕМЕТО ВО НАРЕДНИТЕ ДЕНОВИ

Во четврток времето ќе биде сончево и релативно топло со променлива облачност во текот на денот. Во петок и за време на викендот, времето ќе биде променливо облачно со услови за врнежи од дожд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер