Македонија

Генералниот секретар на Советот на Европа Ален Берсе во посета на Македонија

Денеска и утре во прва официјална посета на Македонија е генералниот секретар на Советот на Европа Ален Берсе.

Негов домаќин е министерот за надворешни работи и трговија Тимчо Муцунски, а во рамки на посетата предвидени се средби со државниот врв, ресорни министри и други активности поврзани со оваа значајна меѓународна организација, посветена на промоција на човековите права, владеење на правото и демократските вредности, во која минатата година одбележавме 30 години членство.

Министерот за надворешни работи и надворешна трговија, Тимчо Муцунски, денеска беше домаќин и оствари средба со генералниот секретар на Советот на Европа, Ален Берсе, кој престојува во својата прва официјална посета на Република Северна Македонија.

Во таа прилика, министерот Муцунски истакна: „Во текот на овие три децении, како полноправна членка на Организацијата, созревавме како демократско општество, но и активно придонесувавме кон мисијата на Советот на Европа – заштита на човековите права, демократијата и владеењето на правото.“

На средбата стана збор за повеќе теми од интерес за Северна Македонија, нејзиниот евроинтегративен пат и реформските процеси, како и за улогата и поддршката на Советот на Европа во тој контекст.

Министерот Муцунски ја истакна посветеноста на земјата кон принципите и преземените обврски, примарно изразени преку Европската конвенција за човекови права, но и преку мноштво други правни инструменти, почитувањето на одлуките на Европскиот суд за човекови права и соработката со мониторинг-механизмите, потенцирајќи ја важноста од нивно доследно почитување од страна на сите земји членки.

„Посебно задоволство изразив што напредокот на нашата држава, и покрај бројните предизвици, беше препознаен со затворањето на пост-мониторинг дијалогот од страна на Парламентарното собрание на Советот на Европа во јануари оваа година. Тоа за нас претставува признание, но и дополнителна обврска да продолжиме со уште посилна посветеност кон европските вредности – човековото достоинство, основните права и слободи и владеењето на правото“, додаде министерот Муцунски.

Генералниот секретар на Советот на Европа, Берсе, во рамки на изјавата за медиумите изрази задоволство од посетата и од досегашната соработка, притоа нагласувајќи ја важната улога на Република Северна Македонија во градењето на стабилноста и демократските стандарди во регионот и Европа.

Соговорниците разменија мислења и за прашања поврзани со регионот и поширокиот европски контекст, во услови на актуелни геополитички предизвици и растечка несигурност, со акцент на војната во Украина, нашата поддршка и солидарност, како и важната улога на Советот на Европа во таа насока.

Воедно, беше изразено уверување дека конструктивната соработка ќе продолжи и за време на нашето шестмесечно претседавање со Комитетот на министри, кое започнува во ноември следната година.

Тагови: Тимчо Муцунски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Нова трагедија на Елбрус: Пронајдено е уште едно тело на планинар, откако се пронајдени телата на петтемина од БиХ

На планината Елбрус е откриена нова трагедија кратко откако се појави веста дека пет планинари од Босна и Херцеговина загинале при обид да се искачат на највисокиот врв во Европа.

Според руските медиуми, замрзнатото тело на планинар е пронајдено на надморска височина од 5.300 метри, додека неговиот придружник е евакуиран, но неговата состојба засега е непозната. Според првичните информации, починатиот бил маж од Тулскиот регион, додека неговиот придружник бил маж од Ставропол.

За потсетување, пет планинари од Босна и Херцеговина загинаа на Елбрус откако група од седум члена тргнала да го освои врвот. Еден од членовите потоа се вратил да пријави дека двајца од планинарите се чувствуваат лошо. Кога пристигнале спасувачите, немало начин да се спасат двајца од планинарите, тие успеале да спуштат еден, додека потрагата по уште тројца членови на групата била во тек. За жал, нивните тела биле пронајдени денес, но операцијата за извлекување ќе продолжи утре, бидејќи временските услови во моментов се исклучително неповолни.

Преживеани се Харис А. (43) и Кемал В. (38), кои успеаја да се спуштат и да побараат помош од спасувачите.

Алма и Денис Окановиќ, Нермин Талама, Алмир Кривдиќ и д-р Мелиха Чаушевиќ загинаа во експедицијата. Сите членови на експедицијата беа искусни планинари со бројни искачувања зад себе и освоени врвови над 5.000 метри надморска височина. Некои од нив беа членови на Службата за спасување на планините Зеница и Планинарското друштво „Ведро“.

Истражниот оддел на Истражниот комитет на Русија за Кабардино-балкарската Република започна прелиминарна истрага за трагедијата.

Елбрус е највисокиот планински врв во Русија и Европа, тоа е изгаснат вулкан кој се наоѓа во Голем Кавказ, во јужна Русија, во близина на границата со Грузија.

Тагови: Елбрус

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Плажите во Нормандија од „Денот-Д“ во Втората светска војна стануваат наследство на УНЕСКО

Плажите во Нормандија за Денот Д, каде што сојузничките сили се истоварија на 6 јуни 1944 година за да се борат против нацистичките трупи на Хитлер и на крајот да ја ослободат Франција, станаа место на светското наследство заштитено од УНЕСКО.

Плажите во Нормандија за Денот Д, каде што сојузничките сили се истоварија на 6 јуни 1944 година за да се борат против нацистичките трупи на Хитлер и на крајот да ја ослободат Франција, станаа место на светското наследство заштитено од УНЕСКО, соопшти телото на Обединетите нации во неделата.

Во соопштението на својата веб-страница, УНЕСКО напиша дека плажите формираат „исклучителен културен пејзаж обликуван од настаните од 1944 година и нивното трајно сеќавање“, што го оправда нивното прогласување за заштитено наследство.

Комеморации со учество на светски лидери

Плажите на Нормандија за Денот Д редовно се во фокусот на комеморациите на кои присуствуваат светски лидери од САД, Велика Британија, Канада и Франција.

Војниците кои учествуваа во истоварувањето во Нормандија дојдоа од САД, Велика Британија, Канада, Белгија, Норвешка, Полска, Луксембург, Грција, Чехословачка, Нов Зеланд и Австралија. Учествуваа и околу 177 француски командоси.

Одлучувачка фаза во ослободувањето на Европа

Нападот означи одлучувачка фаза во ослободувањето на Европа од нацистичка Германија во Втората светска војна.

Вкупно 156.115 сојузнички војници истоварија по море на плажите со кодни имиња Јута, Омаха, Голд, Џуно и Сворд, или беа спуштени од воздух зад германската крајбрежна одбрана.

Тагови: Втората светска војна Нормандија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Маџовски несебично пружал помош и учествувал во потрагата по преживеани во Скопје

Мегу присутните на изложбата во Музејот на Град Скопје вечерва беше и скопјанецот Душан Маџовски .

Мегу присутните на изложбата во Музејот на Град Скопје вечерва беше и скопјанецот Душан Маџовски кој е еден од живите сведоци на катастрофалниот земјотрес и кој на 26 јули 1963 година кога имал само 25 години несебично пружил помош во спасувачките операции.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.