Генерален штрајк во Белгија: Протестни маршови, откажани летови, прекинат јавен превоз - Канал 5

Свет

Генерален штрајк во Белгија: Протестни маршови, откажани летови, прекинат јавен превоз

 Четврти пат оваа година, Белгија денеска е под блокада поради генералниот штрајк организиран против плановите на белгиската Федерална влада за намалувањето на буџетските трошоци за социјални намени.  

Генерален штрајк во Белгија: Протестни маршови, откажани летови, прекинат јавен превоз

Како што јави дописникот на МИА од Брисел, поради штрајкот откажани се голем број летови, јавниот превоз е редуциран, а по улиците низ белгиските градови се одржуваат протестни маршови.

Откажани беа околу половина од летовите на бриселскиот аеродром „Завентем“, како и сите слетувања и полетувања од аеродромот „Брисел-Шарлроа“, од каде сообраќаат и авионите на релација Скопје-Брисел и обратно. Дел од летовите беа пренасочени кон холандските аеродроми во Ротердам и Мастрихт.

Градскиот превоз во Брисел е значително редуциран, при што функционира само една метро линија, како и само пет трамвајски и седум автобуски линии.

Парализирано е и пристаништето во Антверпен, пред кое чекаат околу 40 бродови, а во прекин е и речниот сообраќај. Не функционира ниту јавниот превоз во повеќе белгиски градови.

Поради штрајкот беа откажани и десет линии на возот „Евростар“, што е околу една шестина од нивниот вкупен број.

Иако, беше најавено дека вработените во јавните комунални служби нема да се приклучат кон штрајкот, сепак, дел од сметот распореден во кеси за рециклирање остана насобран пред станбените згради.

Централниот протестен марш се одржа во Брисел од железничката станица „Север“ до плоштадот „Мон де Арт“, кој се наоѓа во централното градско подрачје во реонот на Кралската палата и зградите на Федералниот парламент и на повеќе државни институции. На плоштадот се одржа собир на која претставници на различни грански синдикати говореа за состојбите во нивните сектори. Според проценки на полицијата, во маршот учествувале околу 4.000 лица.

Демонстрантите минаа и близу седиштето на партијата Нова фламанска алијанса (Н-ВА) на белгискиот премиер Барт де Вевер, пред кое делегација на синдикатите постави ковчег и одржа едноминутен молк, симболично погребувајќи го „антисоцијалниот проект Аризона“. „Аризона“ е колоквијален назив на белгиската владина коалиција, кој потекнува од боите на неговите партии членки – жолта, сина, црвена и портокалова, кои се наоѓаат и на знамето на американската сојузна држава Аризона.

Претставник на синдикатите информира дека полицијата дозволила само неколкумина синдикални претставници да пристапат пред седиштето на Н-ВА, додека останатите демонстранти биле блокирани од полициските сили.

Организатори на штрајкот се двата најголеми белгиски синдикати, Генералната федерација на трудот на Белгија (ФГТБ/АБВВ) и Конфедерацијата на христијанските синдикати (ЦСЦ/АЦВ), според владините мерки за намалување на буџетските трошоци за социјални цели и за реформи во пензискиот систем „ги поткопуваат правата на работниците и темелите на социјалната солидарност во Белгија“.

Синдикатите наведуваат дека со новите владини планови Белгијците ќе мора да работат подолго за пониски пензии, ќе се еродира Законот за државни службеници и ќе се намали помошта за невработените и за хронично болните лица.

- Соочени со Влада која ги штити интересите на големите компании и најбогатите на сметка на работниците, пензионерите, младите, жените и најранливите граѓани, повикуваме на масовен отпор низ целата земја, се наведува во заедничката најава за штрајкот на двата синдикати.

Претставници на синдикатите организатори на штрајкот претпладнево има средба со белгискиот министер за вработување Давид Кларинвал, која ја оценија како „конструктивна со потенцијал за постигнување напредок“ во однос на синдикалните барања.

Во меѓувреме гранскиот синдикат на вработените во јавниот сектор при ФГТБ/АБВВ, Генералниот сојуз на јавниот сектор (ЦГСП/АЦОД) најави нов генерален штрајк на неговите челнови за 20 мај, но засега е неизвесно дали кон протестот ќе се приклучи и нивните колеги од синдикатот при ЦСЦ/АЦВ. /МИА

Тагови: Белгија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

АХВ: Нештетно уништени над 27,5 тони небезбедно УХТ млеко поради зголемено присуство на афлатоксин

Инспекциските служби на Агенцијата за  храна и ветеринарство (АХВ) на граничниот премин Блаце, минатата недела спречија увоз од Република Косово на две пратки УХТ млеко, со вкупна тежина од 27 520 килограми.

АХВ: Нештетно уништени над 27,5 тони небезбедно УХТ млеко поради зголемено присуство на афлатоксин

Инспекциските служби на Агенцијата за храна и ветеринарство (АХВ) на граничниот премин Блаце, минатата недела спречија увоз од Република Косово на две пратки УХТ млеко, со вкупна тежина од 27 520 килограми, поради утврдено присуство на афлатоксин над максимално дозволените концентрации дефинирани со позитивните законски прописи.

Небезбедните количини млеко кои биле наменети за пласман во синџир маркети во земјава, минатата недела под надзор на официјален ветеринар, нештетно се уништени на депонијата Дрисла.

Мострите за лабораториско тестирање на двете небезбедни пратки УХТ млеко, земени се во рамки на Мониторинг програмата која инспекциските служби на АХВ на граничен премин ја реализираат за пратките со храна од животинко потекло кои се увезуваат во земјава.

На 17 јули годинава Агенцијата донесе и Решение за воведување на посебни безбедносни мерки при увоз на млеко, производи од млеко, како и производи кои содржат згуснато млеко и млеко во прав со кои ги засили официјалните контроли при увоз на овој тип производи од животинско потекло преку вршење на задолжителни лабораториски испитувања и проверки на усогласеноста со барањата за квалитет, со цел на домашниот пазар да се пласираат исклучиво безбедни и квалитетни производи и да се обезбеди фер конкуренција и заштита на домашните производители и потрошувачите, стои во соопштението од Агенцијата за храна и ветеринарство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Детска работилница за најмладите и рап забава со „Жабата“ за тинејџерите во Карпош

Неделното карпошово културно лето, започна на плоштадот „Фонтана“, во Карпош 3,.

Детска работилница за најмладите и рап забава со „Жабата“ за тинејџерите во Карпош

Неделното карпошово културно лето, започна на плоштадот „Фонтана“, во Карпош 3, каде што во рамки на проектот „Нашето Маало-детска интерактивна просторна инсталација“, организирана од архитектот Ружица Ивановиќ, дечињата заедно со своите родители учествуваа во боење и цртање на претходно изработената макета од архитектката. На тој начин, на детската работилница најмладите карпошани освен што се дружеа помеѓу себе , тие и го развиваа својот креативен и уметнички потенцијал.

Во училишниот двор на ООУ „Петар Поп Арсов“, со почеток од 20:00, часот, во една пријатна, релаксирана и маалска атмосфера беше прикажан филмскиот класик од Димитрие Османли - „Мирно лето“, каде што меѓу присутните карпошани беше и претседателот на Советот на Општина Карпош, Христо Саракинов. Филмските проекции во рамки на културното лето ќе траат до 27-ми овој месец, каде што љубителите на добриот филм, заедно со своите соседи, роднини и пријатели, во предвидениот термин на истата локација, ќе можaт да уживаат во селектираните филмски остварувања од домашната македонска кинематографија.

Вечерта кулминираше со рап изведбата на „Стефан Трајковски- Жабата“, кој со своите авторски изведби ја крена публиката на нозе и направи одлична забава пред своите маалски другари, соседи и пријатели. На настапот на „Жабата“, на фонтана во Карпош 3 беше присутен и заедно со жителите на Карпош 3 се забавуваше и дружеше првиот човек на Општината, Сотир Лукровски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Бензините поскапи за 1,5 , дизелот за 3,5 денари

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши зголемување на малопродажните цени на нафтените деривати во просек за 2,62%

Бензините поскапи за 1,5 , дизелот за 3,5 денари

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши зголемување на малопродажните цени на нафтените деривати во просек за 2,62% во однос на одлуката од 17.8.2026 година.

Референтните цени на нафтените деривати на светскиот пазар во споредба со претходната пресметка бележат зголемување и тоа во просек: кај бензините за 3,795%, кај дизелот за 4,842%, кај екстра лесното масло за 3,958% и кај мазутот зголемувањето е за 6,467%.

Курсот на денарот во однос на доларот во изминатиот период по кој беа формирани цените со претходната пресметка е понизок за 0,5340%.

Од 25.8.2026 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС - 95 93,00 (денари/литар)

Моторен бензин ЕУРОСУПЕР БС - 98 95,00 (денари/литар)

Дизел гориво ЕУРОДИЗЕЛ БС (Д-Е V) 101,50 (денари/литар)

Масло за горење Екстра лесно 1 (ЕЛ-1) 100,50 (денари/литар)

Мазут М-1 НС 45,576 (денари/килограм)

Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 1,50 ден/лит.

Малопродажната цена на ЕУРОДИЗЕЛ (Д-Е V) се зголемува за 3,50 ден/лит.

Малопродажната цена на Екстра лесното масло за домаќинство (ЕЛ-1) се зголемува за 2,00 ден/лит.

Малопродажната цена на Мазутот М-1 НС се зголемува за 1,850 ден/кг. и сега ќе изнесува 45,576 ден/кг.

Напоменуваме дека ова се максималните цени на нафтените деривати од 00:01 часот на 25.8.2026 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер