МакедонијаГазда Деко принудувал дел од вработените во „Пулс“ да се кријат од инспекции Дејан Јовано Деко, газдата на дискотеката Пулс, терал дел од вработените да се кријат од инспекции, инструкции пак често давал преку син му Михаил. Ова е наведено во исказот на сведок даден на обвинителството кој денеска беше прочитан во судница. Станува збор за девојка која работела таму а подоцна и во кафулето Класик. Нејзиниот и уште еден исказ се читаа во судница откако обвинителството достави психијатриско вештачење според кое тие се со нарушена психичка состојба и не можат непосредно да сведочат. Одбраната реагираше но судот одлучи да се прочитаат исказите. „Јавна тајна беше дека газда Деко има заштита од луѓе во полиција и иснпекции затоа што не работеше како што треба. Деко беше многу алчен за пари, не оптоваруваше со се и сешто за работа, хигиената беше на најниско ниво, во кафичот имаше мал простор каде се чуваше вино и имаше пукната цевка која не тераше да ја чистиме. Парите ни ги даваше на рака, син му Михаил Јованов ни ги даваше инструкциите. Никогаш не одлучуваше за нешто без да го праша. Кога ќе куцневме на терминал, место фискална излегуваше сметка- испратница. Тие сметки ги чуваа келнерите. Тие ги викавме „црни пари”. Спрема нас се дереше и беше многу лицемерен, а кога имаше корист од нас беше коректен. Во диското не не пуштаа ако имаше најава за инспекции а после 12 часот не пуштаа сите.“ За овој исказ реагираше и обвинетиот Михаил Јованов тврдејќи дека е неточен. Другото сведочење беше фокусирано на кобната ноќ. Во судница обвинителството презентираше и фотографии и видео снимки од фејсбук профилот на групата ДНК од претходни настапи во други дискотеки низ земјава. Посочуваше на користењето на пиротехниката, дека била поставувана пред настапите а ја активирал сега починат член на бендот со далечински управувач. Беа презентирани и видео снимки од мобилни телефони од Пулс на кои се гледа моментот на настанувањето на пожарот. Дел од снимките пак го покажаа излегувањето на гостите по настанувањето на пожарот, за што обвинителот Дарко Јакимовски посочи дека оневозможувањето на протокот на лицата е заради влезот на самата дискотека. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиГраѓанската иницијатива „Стоп за Усје“ во 18 часот пред собрание повикува на марш за чист воздух08:41Цената на дизелот се намалува за 7 денари, на БС - 95 за 3,5 денари, на БС – 98 за 4 денари по литар13:12Мицкоски: Очекувам намалување на бензините за 2,5 до 3 денара и 7 денара на дизелот по литар12:55Регулаторната комисија денеска одлучува за новите цени на горивата09:00Заврши првата фаза од разговорите, за неколку дена конечната одлука за реконструкција на Владата 14:59
Граѓанската иницијатива „Стоп за Усје“ во 18 часот пред собрание повикува на марш за чист воздух08:41
Цената на дизелот се намалува за 7 денари, на БС - 95 за 3,5 денари, на БС – 98 за 4 денари по литар13:12
Заврши првата фаза од разговорите, за неколку дена конечната одлука за реконструкција на Владата 14:59
МакедонијаМицкоски во посета на ООУ „Љубен Лапе“ во АеродромДенес во 10:00 часот претседателот на Владата на Република Македонија, Христијан Мицкоски ќе присуствува на промоција на печатени учебници во ООУ „Љубен Лапе“ во Општина Аеродром.Предвидено е тој да даде изјава за медиумите.Тагови: Мицкоски Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
МакедонијаГраѓанската иницијатива „Стоп за Усје“ во 18 часот пред собрание повикува на марш за чист воздухГраѓанската иницијатива „Стоп за Усје“ попладнево повикува на марш за чист воздух и прекин на практиката на толерирање на застарени гранични вредности за воздухот.Маршот ќе почне од собранието во 18 часот, а ќе заврши пред министерството за животна средина кое е задолжено за издавање на а-интергрираните дозволи. Според „Стоп за Усје“, цементарница Усје бара обнова на дозволата за работа без никакви промени во однос на дозволата од 2020 година. Министерот за животна средина Муамет Хоџа неодамна во телевизиско гостување демантираше дека цементарница Усје ќе добие дозвола по старите правила. Усје уште сега ќе ги имплементира најновите и построги еколошки стандарди, иако новиот закон за индустриски емисии стапува на сила дури во септември 2027 година. Истото ќе важи за сите оператори кои поседуваат а интегрирана еколошка дозвола, изјави Хоџа.Тагови: Усје Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
МакедонијаСиљановска-Давкова постхумно ќе ја одликува Наде Проева со Орден „8 Септември“Претседателката Гордана Сиљановска-Давкова денес– 23 јуни 2026 година, вторник, на свечена церемонија со почеток во 12:00 часот постхумно ќе ја одликува Наде Проева со Орден „8 Септември“.Проева се одликува за нејзиниот особен придонес во афирмирањето на македонската историографија како врвна и светски призната историчарка, професорка и авторка. Орденот ќе ѝ биде врачен на Павлина Проевска, сестра на Наде Проева.Тагови: Гордана Сиљановска-Давкова Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиГраѓанската иницијатива „Стоп за Усје“ во 18 часот пред собрание повикува на марш за чист воздух08:41Цената на дизелот се намалува за 7 денари, на БС - 95 за 3,5 денари, на БС – 98 за 4 денари по литар13:12Мицкоски: Очекувам намалување на бензините за 2,5 до 3 денара и 7 денара на дизелот по литар12:55Регулаторната комисија денеска одлучува за новите цени на горивата09:00Заврши првата фаза од разговорите, за неколку дена конечната одлука за реконструкција на Владата 14:59
Граѓанската иницијатива „Стоп за Усје“ во 18 часот пред собрание повикува на марш за чист воздух08:41
Цената на дизелот се намалува за 7 денари, на БС - 95 за 3,5 денари, на БС – 98 за 4 денари по литар13:12
Заврши првата фаза од разговорите, за неколку дена конечната одлука за реконструкција на Владата 14:59