3Крива Паланка го носи најголемиот музички спектакл на летото – Лепа Брена, Ацо Пејовиќ и Слаткар на градскиот стадион на 29 август
МакедонијаГаши на Парламентарниот Самит на ПС на НАТО во Истанбул: НАТО мора да остане силен и подготвен за брза реакцијаПретседателот на Собранието, Африм Гаши, се обрати на Парламентарниот Самит на Парламентарното Собрание на НАТО (ПС на НАТО), што на 28 и 29 јуни 2026г. се одржува во Истанбул, Турција. Во делегацијата што ја предводи претседателот Гаши, се и пратеникот Драган Ковачки, шеф на Делегацијата на Собранието на РМ во ПС на НАТО, како и Ибуш Јусуфи, заменик генерален секретар на Собранието. Парламентарниот Самит на ПС на НАТО, на кој учествуваат претседатели на парламенти на земји членки на НАТО, како и шефови на парламентарните делегации во ПС на НАТО, се одржува во пресрет на Самитот на НАТО, што наредната недела ќе се одржи во Анкара, Турција. Воведно обраќање на Самитот имаше претседателот на Големото Народно Собрание на Турција, Нуман Куртулмуш, кој е и домаќин на Самитот на ПС на НАТО. Тој истакна дека се соочуваме со еден од најранливите периоди од безбедносен аспект, но потенцираше дека НАТО сојузниците остро ќе се спротивстават на агресорите и дека ќе го бранат секој метар од територијата на сојузниците. Претседателот Куртулмуш, во своето обраќање, ја реафирмираше поддршката на Украина, се осврна на состојбите на Блискиот Исток и го нагласи значењето на парламентите на земјите членки во јакнењето на НАТО. Пред присутните се обрати и претседателот на ПС на НАТО, Маркос Перестрело, кој изрази благодарност за ангажманот на Турција во ПС на НАТО и за одличната организација на Самитот. Тој потенцираше дека НАТО гради посилна и поотпорна Европа како основа за посилно трансатланско сојузништво. Воедно, изрази убедување дека НАТО сојузниците на Самитот во Анкара ќе демонстрираат подготвеност да ги реализираат обврските и заложбите што ги имаат преземени за посилно НАТО. Свое обраќање имаше и заменичката генерален секретар на НАТО, Радмила Шекеринска, која оцени дека безбедносните закани и инциденти кои изминатиов период беа успешно превенирани се доказ дека НАТО е силен и ја брани сопствената територија. Затоа, додаде таа, мора да се осигураме дека НАТО одбраната ќе остане силна. Таа изрази очекување на Самитот на НАТО во Анкара, Турција, сите сојузници да дојдат со реални планови за исполнување на обврската за пет проценти од БДП да бидат инвестирани во одбраната. Претседателот Гаши во своето обраќање истакна дека во денешниот свет, обележан со неизвесност, дезинформации и геополитички турбуленции, улогата на парламентите е поважна од кога било. Тој потенцираше дека Самитот во Анкара мора да испрати силна политичка порака: НАТО е обединет, трансатлантската врска останува силна, а членот 5 и понатаму е темелот на нашата колективна безбедност. „Светот брзо се менува. Затоа НАТО мора да остане не само силен, туку и агилен и подготвен за брза реакција, со стратешка визија и процеси на спроведување кои ќе одговараат на темпото и сложеноста на заканите со кои се соочуваме “, истакна претседателот Гаши и додаде дека Македонија е сојузничка членка на НАТО, лоцирана во стратешки чувствителен регион и затоа е од суштинско значење да продолжат инвестициите во Западен Балкан преку понатамошно проширување, продлабочување на партнерствата и зајакнување на иницијативите за безбедносна соработка. Претседателот нагласи дека Македонија продолжува да ја поддржува Украина, но додаде дека и случувањата на Блискиот Исток имаат значајни последици врз меѓународниот мир и безбедност, енергетските пазари и хуманитарните услови и затоа мора да продолжат дипломатските напори за деескалација и промовирање на дијалогот. Во своите обраќања, претседателите на парламентите и претставниците на парламентите на НАТО сојузниците ја реафирмираа нивната поддршка кон Украина. На свечениот ручек се обрати претседателот на Турција, Реџеп Таип Ердоган, кој истакна дека одржувањето на овој Самит на ПС на НАТО, особено во овие тешки безбедносни времиња, е симбол на соработката и сојузништвото.Тагови: Африм Гаши Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вести28 годишното момче со повреден врат транспортирано од Кушадаси 18:18Момчето со повреден врат се транспортира од Кушадаси, во владиниот авион и медицински тим од ТОАРИЛУЦ16:05Ристовски: Карпалак е аманет – Македонија не ги заборава своите херои10:0319 годишник со мотоцикл загина при судир со автомобил Алфа Ромео со италијански ознаки на ул. Радишанска 18:1519 годишник со мотоцикл загина при судир со автомобил Алфа ромео со италијански ознаки на ул. Радишанска15:16
Момчето со повреден врат се транспортира од Кушадаси, во владиниот авион и медицински тим од ТОАРИЛУЦ16:05
19 годишник со мотоцикл загина при судир со автомобил Алфа Ромео со италијански ознаки на ул. Радишанска 18:15
19 годишник со мотоцикл загина при судир со автомобил Алфа ромео со италијански ознаки на ул. Радишанска15:16
СветХаос кај Оман: Непознат проектил погоди бродЦентарот за поморски трговски операции на Велика Британија (UKMTO) денес објави дека непознат проектил погодил брод на околу 33 километри од брегот на Оман, во близина на градот Касаба.Според „UKMTO“, кој се повикува на доверлив извор, бродот бил погоден од непознат проектил, по што избувнал пожар. Пожарот е изгаснат, а бродот и сите членови на екипажот се безбедни, се вели во соопштението на „UKMTO“. Досега нема извештаи за какви било последици по животната средина. Надлежните органи го истражуваат инцидентот, а на бродовите им е советувано да бидат внимателни додека пловат и да пријават каква било сомнителна активност до „UKMTO“. UKMTO WARNING 108-26 Click here to view the full product ⤵️https://t.co/MqbE4EZLqo#MaritimeSecurity #MarSec pic.twitter.com/GHKHzwj4KG — UKMTO Operations Centre (@UK_MTO) August 8, 2026 Тагови: Оман Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вести28 годишното момче со повреден врат транспортирано од Кушадаси 18:18Момчето со повреден врат се транспортира од Кушадаси, во владиниот авион и медицински тим од ТОАРИЛУЦ16:05Ристовски: Карпалак е аманет – Македонија не ги заборава своите херои10:0319 годишник со мотоцикл загина при судир со автомобил Алфа Ромео со италијански ознаки на ул. Радишанска 18:1519 годишник со мотоцикл загина при судир со автомобил Алфа ромео со италијански ознаки на ул. Радишанска15:16
Момчето со повреден врат се транспортира од Кушадаси, во владиниот авион и медицински тим од ТОАРИЛУЦ16:05
19 годишник со мотоцикл загина при судир со автомобил Алфа Ромео со италијански ознаки на ул. Радишанска 18:15
19 годишник со мотоцикл загина при судир со автомобил Алфа ромео со италијански ознаки на ул. Радишанска15:16
СветГолем шумски пожар избувна кај најголемото езеро во Италија, евакуирани повеќе од 200 луѓеГолем шумски пожар избувна на западниот брег на езерото Гарда во Италија, а локалните власти евакуираа повеќе од 200 луѓе, вклучувајќи многу туристи, како мерка на претпазливост.Езерото Гарда, најголемото езеро во Италија и една од најпознатите туристички дестинации во земјата, привлекува голем број посетители секоја година поради својата природна убавина, планинската околина и бројните летни одморалишта. Токму во оваа популарна област, која е особено популарна во ова време од годината, пожарот предизвика загриженост кај жителите и туристите. Пожарот избувна вчера во општината Тињале и брзо се прошири низ ридестиот предел над езерото во текот на вечерта и ноќта. #Brescia, proseguono le operazioni dei #vigilidelfuoco per l'incendio boschivo a Tignale, iniziato ieri sera. Nella notte evacuate 200 persone da abitazioni e un residence. Sul posto squadre di terra e due Canadair della flotta aerea nazionale#8agosto pic.twitter.com/ENqkcSEKJw — Vigili del Fuoco (@vigilidelfuoco) August 8, 2026 Пожарникарите сè уште се борат со пожарот денес, но пожарот сè уште не е под контрола. Бројни противпожарни екипи, како и авиони и хеликоптери, учествуваат во гаснењето. Пожарникарите ги штитат домовите „Напорите во моментов се фокусирани на запирање на противпожарните фронтови и заштита на неколку станбени згради“, изјавија пожарникарите. Досега нема извештаи за повредени. Областа на езерото Гарда, најголемото езеро во Италија, е една од најпопуларните туристички дестинации во земјата. Топлотниот бран продолжува да ја погодува Италија Пожарот избувна во време кога Италија, како и поголемиот дел од Европа, се соочува со продолжен топлотен бран. Температурите во делови од земјата надминуваат 40 степени Целзиусови во последните денови, а се очекува високите температури да продолжат до средината на месецот. Извор: Индекс.хрТагови: Италија шумски пожар Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
СветПротест на Мајорка против масовниот туризамЖителите на Мајорка денес повторно излегоа на улиците за да протестираат против големиот годишен прилив на туристи и кризата со домувањето што произлегува од тоа на шпанскиот медитерански остров.Две недели по големиот митинг во главниот град Палма против она што многумина го сметаат за прекумерен туризам, најновите демонстрации се одржаа во западниот град Солер. „Помалку туризам, повеќе живот“ Двата протести беа организирани од граѓанската иницијатива „Помалку туризам, повеќе живот“ (Menys Turisme, Més Vida). Според властите, околу 1.000 луѓе учествуваа на митингот во градот, кој е исклучително популарен кај туристите. „Mallorca Zeitung“, медиум на германски јазик наменет за бројните германски посетители и жители на островот, го процени бројот на учесници на 2.000. „Mallorca Magazin“, кој се издава и на германски јазик, објави дека се собрале до 2.500 луѓе. Нема судири со полицијата Протестот вклучуваше скандирања насочени против туристите. Сепак, овој пат немаше судири со полицијата, за разлика од митингот во Палма. Иницијативата „Помалку туризам, повеќе живот“ првпат повика на протести во 2024 година, огорчена од растечката криза со домувањето што е резултат на масовниот туризам на Мајорка, најголемиот остров на Балеарските Острови. Извор: Индекс.хрТагови: Мајорка протест Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook